هذا يمزح ولا يجرح ؟؟؟

السلام عليكم ورحمة الله

مالي في المقدمات يا بنات و هذي اول مره اكتب هنا تكفون قولو الصراحة ما راح ازعل من اي رد اهم شي اعرف تصرفات زوجي و كلامه و مزحه ايش يقصد منه أحس اني مجروووحه كثير من زوجي
اللي تبغى ترد تحط نفسها مكاني لو ثواني راح اقولكم بعض من المواقف الي سواها .. مو كلها لأنها كثيرة ..


أول موقف في شهر العسل طلبته اروح للصالون لأن العيد كان بكره االمهم قالي ما اقدر اخليك لحالك بالساعات لأنها راح تكون زحممه قلت له هذا شك ولا ايش بالضبط قالي وهو مررره معصب اذا مو عاجبك كلامي الباب الي يجي منه الريح سده و استريح ؟؟
طبعا رحت الصالون وانا قلبي زعلان عليه و منصدمة
كيف سوا كذا على موقف تافه و كأنه يبغاني انسحب من حياته يعني ايش الباب الي يجي منه الريح سده و استريح؟ ؟
لما جاء أخذني ما تكلمت معاه ولا كلمه حتى السلام عليكم ما قلتها له زعلاااااانه قال اشفيك ساكته طبعا قلت له كلامك قبل ما اروح للصالون ما نسيته ولا راح أنساه قام يضحك و يضحك يقول كنت امزح و صار يحلف أنها مزحه. .
الموقف الثاني
هو مطلق و مره كنا جالسين نفطر الصباح و نتكلم عن اشياءكثيرة من ضمنها زواجه الأول وكيف ما ارتاح لها من البداية و طلقها قبل الزواج يعني ف الملكة المهم فجأة وهو يسولف قال فلانة ايش رأيك ترجعي تخطبيها لي طبعا صدمني و جلست ساكتة و صار يضحك و يقول امزح اصلا ما أفكر فيها و صار يحلف انه يمزح


الموقف الثالث
بعد ليلة حلوة قالي انتي ما يجي من وراك غير التعب والله يا بنات انصدم من رده مرات ليش يقول كذا يعني مو مرتاح معايا ولا ايش بالضبط مو فاهمه المهم شاف خاطري مش ولابد ضحك و قالي امزح معاك كلمتي الي أقولها لك مزح ترى أقصد العكس منهاا .. افهميني طبعا طنشته و ككلامه جلس يقرقع ف قلبي
الموقف الرابع
في رمضان كنت حامل و خلاص بولد لأنه شهري التاسع قلت ابغى أفطر عند أهلي و لبست روب قطني بما اني حامل و تعبانه باقي أسبوع عن والدتي تدرون ايش سوا ضربني برجله شلووتي كأنه يرفسني من الألم جلست ابكييييي
و السبب ليش ما لبست بنطلون تحت الروب شكاك يقول ما تروحي عند اخوك كذا غير سيقانك تتكشف
تحسبي نفسك حلوه لما ما لبستي؟
يا بنت تراك منتي حلوه
طبعا اعتذر و حلف انه يمزح يقول انقهرت منك


أحس منجد ي بنات ما يبغاني ولا متقبلني و الله تعبت من مزحه


آخر مزحه جلس يلعب مع ولده تو له كم شهر قاله اذا تكبر أن شاء الله ابغى ازوجك وحده حلوه ما أبغاك تمر في تجربة ابوك
قلت ما دريت اني ماني حلوه إلا منك اذا ماني عاجبتك حل عني ماني ميته عليك
طبعا يضحك و يضحك و حلف انه يمزح وإني معجبته و شايفني ملاك بس انا ماني قادرة اسامحه اذا لها درجه مو عاجبته ليش ما يطلق و ارتاح
المشكلة م يتكلم منجد لانه يحلف كله مززززح
مزحه ثقيل ماني قادرة عليه ايش اسوي لأنه مستحيل يتغير
وهل فعلا مزحه يجرح زي ما انا أحس ولا انا حساسه على قوله بزيادة ..؟؟