هذة طريقتي في تغير بشرتي من الى

انا صار لي فترة طويلة اتابع هذا القسم وكنت اخاف اجرب حاجة على وجهي وعلى فكرة وجهي كان فيه حبوب على خدي اليمين كامل وشوي شوي وصل لرقبتي وش سويت رحت لدكتور ونصحني اخذ (رواكتين) وقاللي هذا العلاج اللي بيصفي بشرتج على طول ومش راجعة لج الحبوب مرة ثانية وهو كورس لمدة 5شهور وتم يقنعني لأني كنت خايفة من الحبوب لانها اذا سمعتو عنها تشوه البيبي ولازم قبلها فحص وقالي فرصة تبدين لاني مش متزوجة علشان بس مايصير حمل المهم خذت الحبوب مع علاج كان يغيره كل فترة وخلال العلاج تعبت ورحت له قاللي مافيج حاجة بس لان الحبوب قوية وانا اسوي دايت وبعدهاعانيت من الجفاف في جسمي وشفايفي ونصحني اكمل المهم قبل نهاية العلاج بفترة الكل اندهش من بشرتي ومفكرين انها صفت لاني متابعة مع دايت سنتر وعفوا على الاطالة بس حبيت افيدكم خاصة اللي وراها عرس وعلى فكرة استخدم خلطة حق وجهي زادت الحلا حلا لدرجة اني اخفف من العناية بوجهي خايفة من العين خاصة ان بشرتي صارت نظيفة من الاعماق وهذا مااكدة لي الدكتوربالاضة اني ماصرت احط بودرة واجلس بكل ثقة حتى مع الضيوف واتمنى الافادة للجميع