هذه الدباديب ممكن يكون عمل(سحر) بداخلها؟؟ وكيف اتاكد؟؟

نزهة المتفائلين

السلاام عليكم ورحمة الله وبركااته

كيفكم اخواتي .. انا مو عارفه كيف ابدا موضوعي .. لكن بإختصار انا زوجه ثانيه وعندي طفلين .. مااحب المشاكل

في حااااااالي ..

طبعا زوجي كان نظامه ليله وليله من باب العدل .. من خمس شهور او اكثر صار خلاف مع زوجته الاولى .. وترك البيت عندهم وصار عندنا طبعا كنت انا انصحه انه يرجع .. لاني اخاف الله اولا وارضى هالشي على نفسي

المهم بعد شهرين رجع اسبوع وتخانقوا خناااقه اكبر من الاولى ولم كل اغراضه .. وجلس عندنا ماراح ادخل في تفاصيل محاولات الصلح والنفسيه ..

اللي صار بعد خمس شهور اول خميس في رمضان ولدي راح عند اخوانه من ابوه ولم رجعه اخوه الكبير .. كان معه كيس فيه 3 دباديب قالي ماما خالتي فلانه لم جيت اروح اعطتني اياهم .. بصراحه انا ضاااق صدري مرره ..

لان بعمرها ماجابت لولدي هديه ابدا ابدا ابدا .. مع اني اجيب حق اصغر عيالها شغلات بسيطه بس المهم نهديه

الدببه كان كلب ولقيت تحت رقبته في زي الفتق يعني مشقوق وارنوب وتويتي .. من النوعيه الرديئه كنهم اللي ينباعوا بالمحطات اللي على طريق السفر واشكالهم نظيفه مو مستعمله بس ماتشتغل لم حطينا بطاريات ..

والله ماابي احط بذمتي بس انا جا في بالي موضوع عمل وسحر وهالاشياء لانها هي واهلها عندهم هالامور وهذا كان كلام زوجي اول ماخطبني ..

حنا في اياام فضيله وماابي اجرح صيامي او استاثم بالظن فيها .. بالذات اني مصفيه نيتي مع الكل وصايره ادور الخير والطاعات ..

الاشياء اللي تغيرت في بيتي بعد ماجت هالدباديب عندنا والله اعلم وان شاءالله اكون متوهمه وربي مايعاقبني

يوم السبت الصباح صار في المطبخ عندي ريححه كنها ريحت فطيس او زباله الله يعزكم لها فتره م****لت .. او اكل فاسد وصحاني زوجي يقولي روحي شوفي ريحة المطبخ

وانتو بكرامه الزباله كنا مطلعينها يوم الجمعه ومافي اكل بايت او بالفرن .. يوم الاحد انا طلعت ولم رجعت بالليل نفس الشي كان في بيتي ريحه غريبه مدري ايش بس مو حلوه .. لدرجة امس العصر كنت ابي ابخر البيت من الريحه

وقلت يمكن من القلي متغيره ريحة البيت

وامس اللي هو الاثنين صحيت من النوم وكنت حلمانه بضرتي انها تكلم ماما .. وامور كثيره المهم
لم صحيت .. كلمت الماما و قلت لها على الحلم واني ناويه بصلح بينهم .. بكلمها وبهديها وبحتسب الاجر عند رب العالمين وحنا في شهر خيير وطاعات طبعا ماما الله يحفظها شجعتني على هالشي

دقيت على زوجي بالعمل وقلت له وش رايك اكلم فلانه واصلح مابينكم .. لان حالك مو عاجبني .. رده كان وليش تكلمينها ولا يالله يالله مع السلامه .. رجع البيت مافتحت معه الموضوع

بعد العشاء قالي بروح اسلم على البنات .. انا طارت عيني قلت بتروح البيت عندهم؟؟؟ وقالت الله يوفقك واخذ معه ولدي وراحوا وفي الليل رجع زوجي ولدي وقال انهم تصالحوا خلاص الامور مشت وانه بيبات هناك الليله انا دعيت له ان الله يوفقه ويريح باله .. مو بس لاني قصدي خيير لاني راحمه حال زوجي ياعمري وضايق صدري عليه ..

له شهر ماياكل زين ..ولا ينام زي الناس بس يخربط وهو نايم ويتفزز ومايحافظ على الصلاه .. وحتى لم دخل رمضان مايقرا قران ولا يصلي التراويح حتى الفرض يروحه متاخر او ينام ولا يصحى وهذا مو طبعه ابدا بالذات في رمضان يجتهد بالعباده والطاعات .. مع اني اصحيه لدرجة مره قالي ماابغى اقوم قبل رمضان بيوم

المهم مثل ماقلت لكم انا اخاف الله وابغى احسن النيه بالحرمه .. مع انه لها سوابق ومااحط بذمتي .. كيف اتاكد انه هذه الدببه مافيها شي.. انا قلت بفتحها اشوف بس اخت زوجي قالت لي ممكن يكون العمل في مويه ونكب عليهم .. واخته متاكده انه فيهم شي لان من متى الهدايا .. وماما قالت لي لا توسوسين وارميهم زباله

شورو علي وش اسوي .. الله يجزاكم خير ويجعله في ميزان حسناتكم او اذا ممكن تعطوني رقم شيخ

سبحانك اللهم وبحمدك اشهد ان لاإله الإ انت استغفرك واتوب إليك
25
5K

يلزم عليك تسجيل الدخول أولًا لكتابة تعليق.

تسجيل دخول

لاتسألني
لاتسألني
وعليكم السلام ورحمة الله وبركاته
وديهم للهيئة
قولي لهم شاكه ان فيهم سحر
وهم يبون يعرفون فيهم شئ ولا لا
الهيئة الله يحفظهم متعاونين
الله يحفظك وعيالك وزوجك من كل سوء
طريق جديد وكلي امل
لا يمكنك مشاهدة هذا التعليق لانتهاكه شروط الاستخدام.
الله يجزاك خيير
طريق جديد وكلي امل
وعليكم السلام ورحمة الله وبركاته وديهم للهيئة قولي لهم شاكه ان فيهم سحر وهم يبون يعرفون فيهم شئ ولا لا الهيئة الله يحفظهم متعاونين الله يحفظك وعيالك وزوجك من كل سوء
وعليكم السلام ورحمة الله وبركاته وديهم للهيئة قولي لهم شاكه ان فيهم سحر وهم يبون يعرفون فيهم شئ...
بصراحه اول شي خطر في بالي الهيئه .. لكن قلت كيف اوديها وانا مو متاكده من الموضوع

اذا مالقيت حل ثاني .. شكلي راح اوديها لهم ..

والله يجزاك الف خير ويحفظنا ويحفظ جميع المسلمين كبار وصغار من كل سوء
الصراحه ماهي راحه
حبيبتي الله يبعدعنك كل مكروه لان باين نيتك صافيه بس هذا ماهو معنى انك ترمين الدببه وتقولين ابغى احسن النيه لاترمينها وديها لشيخ وتاكدي وانتي لا تظلمينها بس تاكدي انها خاليه الحرص واجب وبالنسبه للهديه يمكن حبت انها تقرب قلب زوجها منها بهالهدايا انا توقعت زي كذا بس تاكدي ثم تاكدي ثم تاكدي خصوصا انك شميتي الريحه بالمطبخ وزوجك ضايق صدرة حتى راضاها وكمان مقصر في عباداته اعرف الواحد اذا ضاق صدرة تقرب من ربه اكثر والله يوفقك اقري صورة البقره وسمعيها زوجك كمان ورقي نفسك الله يكون معاك ويبعد عنك اللي مايخاف الله لاحولا ولاقوة الابالله

استغفر الله واتوب اليه
احساس عابر
احساس عابر
يااختي لاتتعبي نفسك افتحي الدب اللي شاكه فيه وفتشي وسطه وريحي بالك
اذا فيه شي وديه لشيخ يقرا عليه ويفتحه
واذا مافيه شي ارجعي خيطيه او صرفيه باي طريقه
ولاتتعبي قلبك بكثر التفكير
الله يبعدك عن المسلمين كل شر