هذه المره استفساري لبنات الرياض...اسواق + فنادق؟؟

فيه فندق قصر الرياض بالمربع قريب من الوزارات

الاسواق عندك الفيصلية والمملكة وبانوراما في التخصصي وعندك العليا مول فيه اقمشة تجنن هذي اقرب الاسواق لك

يا بنات ارجوكم ساعدوني محتاجه فنادق اسعارها بحدود ٣٠٠ ريال لليله و اهم شيء تكون نظيفه
لا تتأخروا بكره سفري في الصباح بدري

يوووه كتبت رد وش طوله وراح

شوفي حبيبتي بالنسبه للسكن افضل لك شقق فندقيه مفروشه بس المشكله ان الوزارات تقريبا بوسط الرياض.والمولات اغلب الحلو منها في شمال الرياض فشوفي انتي وش اهم لكم من ناحية القرب وباذن الله ماراح تتعبين لان الرياض بكل مكان شقق فندقيه خصوصا اننا موفي اجازه يعني مافي ضغط بتلقين بالراحه
ممكن تدخلين منتدى المسافرون العرب بوابة المنطقه الوسطى فيها تقارير عن شقق مفروشه في الرياض وبعضها فيها ارقام وذا عجبتك ومافيها رقم ممكن تاخذين الرقم من الاستعلامات
والا اقولك بدل هاللفه الطويله تعالو عندنا الله يحيكم والله نحطكم فوق روسنا

ايه نسيت بالنسبه للمولات في كثييييير في كل شلرع يمكن مول او اثنين
بس الابرز الرياض قالوري خصوصا كجلسة وتمشي وحياة مول وصحارى كتسوق وهي جنب بعض
وفيه العليا مول والفيصليه والمملكه وبانوراما وغرناطه وغيرها كثير جدا واذا تبي شي شعبي قولي لي وانا اعطيك الوصف على حسب حاجتك