هذه تجربتي مع زوجي عسى كل وحدة تنتفع بها

أخواتي بنات حواء تعالوا معايه شوي أبغى أقص عليكم تجربة مريت فيها يمكن

تفيدكم حاسة وانا داخلة على المنتدى شكاوى تفجع القلب من الأزواج اسمعوا


يابنات فيه حاجة أحب أنبه عليها حنا الحريم دايم نحب الثرثرة والكلام الكثير كنت

دائما ألوم زوجي على ندرة حديثه وقلة اهتمامه بالأخبار كان نفسي يوم يجي يتكلم

ويتكلم بدل السكوت اللي كان شعاره أحيانا شغلنا يالحريم ادلع وأبكي وألومه على

انه مايقول كلام حلو أو,,, أو ,,, أو ,,, ومرت علينا سنة وشهور وكثر عتابي

عليه وتناسيت إنه جنتي وناري ويوم أسأل الله إنه مايمر على وحدة :i فيكم كنت

جالسة في شقتي سعيدة ومبسوطة وزوجي في عمله دق جرس واحترت مين :(

وبعدين عرفت انه والدي الله يعطيه العافية طبعا مو غريبة انه أبوي يزورني مع إن

الوقت ظهر شفت عيون أبوي محمرة لكن مشيت الموضوع يمكن تعبان ...ايش

فيك يابوي عساك طيب قال الحمد لله بس زوجك يبغى جا له مشوار مفاجئ لجدة

وصاني أجي أخذك للبيت طبعا أنا بدون أسأله صدقت ولميت حاجات بسيطة وخرجت

مع أبوي سبحان الله ماكنت حاسة بشي مع ان أبوي كان ساكت وحزين لكن

مااهتميت وصلت بيت أهلي وهناك كانت الفاجعة اللي ماراح أنساها

أبويه قال يابنتي زوجك صار له حادث ثم انفجر يبكي وأمي قدامه تبكي وأنا طبعا

لا تسألون عن حالي ذا ك الوقت بكيت وبكيت وانا أستحلف أبوي زوجي طيب وإلا لا

وهو يقول خبرونا إن شاء الله وهو مع أمي وحتى الشغالة قاعدين يبكون جريت

وشربت من زمزم ودعيت ان الله يجيبه لي سالم ترجيت أبوي أبغى أكلمه قال لا


ماعنده تلفون ازداد بكائي أجل هو في غرفة العناية المركزة قال إيوه

وماهدالي بال لين وداني أبوي للمستشفى ودخلت شفته والله ياقلبي كنت احسه

متقطع وأنا أشوف ذاك الوجة اللي زي القمر ماشا الله عليه كله لفافات بيضاء

مااقدر أوصف لكم شعوري لكن كنت أحس بحرقة رهيبة في قلبي نفسي أقول له

سامحني نفسي ترجع الأيام على ورى علشان ماأزعله أبدا دخلت عليه وأنا مغطية

وجهي لأن أخوه كان موجود ثواني سمح بها الطبيب وبعدين خرجت دموعي

ماتنقطع ( اللي تقرأ هذي الكلمات من الآن تبدأ برنامج تسامحي رائع مع زوجها

تبتغي وجه الله) المهم ياأخوات ماأبغى أوجع قلوبكم لكن أتمنى إنكم تستفيدون من

كلامي زوجي هذا حبيب عمري صار بعيد عني سبحان الله ماعاد أقدر أكلمه

مباشرة أسأل عنه الممرضات اللي مرة يخوفوني هاتوا دم تبرعوا له وأنا

ماحيلتي غير التلفون حتى صرت أكلم أخوه علشان اطمن عليه مع اني ماكنت أكلمه

نقلوا زوجي الى كبرى المستشفيات لما مريت بالطريق شفت سيارته كانت شبه

سيارة حادث فظيع بمعنى الكلمة والشاحنة الكبيرة عندها على طرف الخط هذي

الشاحنة لو شفتوها في الخط تمشي يصيبكم رعب من حجمها ماتتصورون قد ايش

انكشفت لي حاجات كانت غايبة عني كنت اقف على الشباك ابكي كل ماشفت

سيارة تشبه سيارتنا اللي قضينا فيها أحلى الأوقات

مرت أيام ثقيلة وبعدين طلع من العناية المركزة حقيقة كنت في نفسي أقول بس

يطلع طيب وماأزعلة أبدا إن شاء الله

المهم ان زوجي ولله الحمد تعافى بعد سنوات من الجلوس على الكرسي المتحرك

وبعد ماصار حقل لتجارب الأطباء

دروس التجربة

يقول الرسول صلى الله عليه وسلم(ثلاثة لا تقبل لهم صلاة ولا يصعد لهم الى السماء

حسنة منهم المرأة الساخط عليها زوجها حتى يرضى)

لو عندك كل اللي حولك شايلينك بعيونهم ماتشعري بالهدوء وتنعمي بالطمأنينة الا

بزوجك واسمعوا قصة حمنة بنت جحش بعد غزوة أحد أتاها الناعي لقد قتل أخوك

عبد الله قالت إنا لله وإنا إليه راجعون قال لقد قتل خالك حمزة قالت إنا لله وإنا البيه

راجعون قال لقد قتل زوجك مصعب بن عمير قالت وامصعباه وأخذت تبكي فقال

الرسول صلى الله عليه وسلم (إن زوج المرأة منها لبمكان)

لاتنسي أن النساء هم أكثر أهل النار لأنهم يكفرن العشير

أحد الخلفاء كان يحب زوجته كثيرا فاشتهت يوما أن تمشي على الطين فأمر بطين

مخلوط بالمسك ففرشه في القصر فتمشت عليه فغضبت منه يوما فقالت مارأيت منك

خيرا قط قال ولا يوم الطين

أرجواأن تكونوا استفدتم من التجربة ماأقول لكم إني الآن ملاك مع زوجي لكن

بصراحة أشياء كثيرة أتوقف عندها اذا تذكرت ذلك الموقف