السلام عليكم ورحمة الله وبركاته
وكل عام وأنتم بخير

أعتذر على التأخير أرجوكم سامحوني والله مو بيدي الظروف كانت أقوى

شوفوا يا عزيزاتي وحبيباتي وأخواتي
راح أجاوب بدون ذكر أسماء

بس قبل كل شي أشكركم على مروركم وردودكم

أولا أنا ما كتبت عن بصمة الدم على انه عاجبني تحليلها بالعكس أنا أنصح كل من أشوف أنه ما يفكر فيها بس أنصحه أنه يتبع الريجيم المرفق معها واللي هو عندي أنا كتبته في صفحه 1 على النظام اللي أنا اتبعته لكن اللي أعطوني هو فيه وجبات زياده أنا ما أكلتها

وحبوب سيبوترم صدق انها تنحف وجربتها أنا وصديقتي على أساس اللي شفناه من وحده نحفت ونحفت زنزدها وصارت رشيقه لكن ما كانت تاخذها كل يوم لأن معها أنيميا وخافت على نفسها كانت تاخذها يوم بعد يوم ونحفت عليها وللحين ما شفنا عليها أي مضاعفات
لكن الآثار الجانبيه اللي كاتبينها عن الدوا أنه يحتمل الاصابه بآلام المفاصل
وراح يصابون اللي ينحفون عليها بالمرارة والسبب النزول الكبير يسبب المراره سواء من الحبه أو حتى من اللي يسووا عمليات التحزيم
مكتوب عن الحبه انها تحرق الدهون اللي في الجسم وليس اللي في الأكل
هي تسبب الشبع وما تسبب دوخه
بعض الأشخاص الذين ياخذونها راح يلاحظوا انهم بس يبغوا يناموا واللي تحصل معه في أول 3 أيام حركة النعاس هذه راح تأثر معاه بسرعه
أنا جربتها اسبوع في وحده شافتني من أول يوم وشافتني بعدها في خامس يوم لا حظت علي اني نحفت وهي ما تدري اني أخذت حبوب
غير متواجده في السعوديه
لكن البنوتات اللي في جده يستطيعوا الحصول على حبوب نفس تركيبتها
من فين ؟؟؟؟؟
من صيدليات النهدي اللي في شارع التحليه اللي بجنب المغربي للنظارات
تروحوا وتلقون واحد صيدلي متعاون مصري اسألوه عن حبوب سيبوترم راح يقول ما عندي لكن عندي حبوب من شركة أمريكيه نفس التركيبه
وبس أنا حاليا في الرياض ولو اني في جده كنت رحت وسألت وجبت اسم الحبوب المتواجده في السعوديه
أما عن غصن البان أنا مستغربه أن بنات الكويت ما لقيوهالأنها أساسا السعوديه يستوردونها من الكويت
أعشاب غصن البان يبان مفعولها خلال اسبوعين
اللي من جده ويبغى يعرف محلها من عند مركز السليمانيه اللي في حي السليمانيه في كشك يبيع حاجات طبيعيه ومن الأعشاب عنده غصن البان وسعرها 150 ريال

ايش تبغوا كمان وسألتوني عنه
أيواااااا

العيش ما في محل يبيعه
بس بالطلب يعني تدقين على المندوب اللي اسمه محمد الأحيوي وتتفقين معاه
طبعا راح يواعدك عند محلات وطني لأن بيته قريب من وطني
العيش يجي كرتون فيه 15 كيس كل كيس فيه 3 أو 4 أرغفه
سعر الكرتون 250 ريال تخزني العيش في الفريزا ريحته مو مره حلوه بس بالتعود يمشي الحال ومع الجبنه مره لذيذ
راح يجيب لك بسكوت بالسمسم هديه ذوقيه لذيذ وراح يقول لك في شو كلاته لا تذوقيها تلوع الكبد مو زي جالكسي

رقم الرجال والله العظيم لي اسبوعين وأنا أطارد وراه لكن ان شاء الله راح أجيبه
وأحطه لكم وأنتم أسألوه حتى اللي مهي من جده ممكن يقول لها كيف تحصل عليه

أما عن حبوب النصاب يوسف أبو بكر
ما تسد الشهيه ولا شي بالعكس تخلي الواحد ما يشبع وتعذب عذاب الله لا يوريكم قسما بالله انها تجيب غثيان اذا افتكرتي شكلها وتعذيب مو طبيعي وقشعريره في الجسم بس اذا انذكر اسمها قدامك
وياليت على نتائج طيبه
تدرون انه وزني كان في تزايد وش سويت علشان اوقف المهزله رحت وسويت حجامه والحمد لله

اللي سألتني عن الدعاء
( اللهم اني أسألك بمقاعد العز من عرشك ومنتهى الرحمة من كتابك واسمك الأعظم وجدك الأعلى وكلماتك التامة ) ثم تسألين الله ما تشائين ولازم يكون في قلبك تمام التأكد واليقين ان ما راح يساعدك الا الله عز وجل .

أما عن اسمي أمل مجروح
أملي اني أشوف نفسي نحيفه والله أمنيه ليت الله يحققها صرفت من الألوف علشان خاطر هالجسم والحمد لله على كل حال
صرت مثل اللي يشحدون وأنا أدور على اللي تجيب لي حبوب من مصر
والحمد لله على كل حال
وكل هذا ما تبغي أملي يكون مجروح ؟؟؟؟؟؟؟

ترى في كريم من جينتيك للسولاليت وربي انه ينحف هو ب 1100 ريال ما جربته بس شفت وحده جربته ومشي الحال معها

أي وحده ما لقيت اجابه على سؤالها تعذرني وياليت تعيد سؤالها حتى أجاوب عليه بإذن الله

الله يسعدكم ويجزاكم الجنه ويغفر ذنوبكم
وينحفكم ولا يحيجكم لإستهلاك الأموال
وينحفني معكم قولوا آمين
تصدقون في شيخ كنت أصلي معه في التراويح في العام الماضي لقيته يقسم على الله في الدعاء ان الله ينزل مطر والله ان ربي نزل مطر ثاني يوم فكرت أقول له يقسم على الله اني أنحف بس خفت يقول اللهم لا تجعل الدنيا أكبر همنا ولا يقول يالله لك الحمد

سامحوني أرجوكم

اللي سألت عن العيش يصلح للحوامل

بصراحه ما أعرف هو لمرضى السكر وللحمية

هو طبيعي كله ألياف يعني غير صناعي

وشكرا

امل مجروح والله انك رهييييبه
والله يحقق كل امانيك
والله يجزاك خير يالطيبه

بس ممكن اعرف الكريم اللي ينحف ...في كم يوم
وهل سعره الف وميه؟؟؟؟؟او انت غلطتي وهو بالاصل ميه ههههههههه

غصن البان ينحف من غير رجيم؟؟؟؟وايش اعراضه ؟يعني اقصد يجيب اسهال او 000000

:24:

بنااات انا من الامارات اذا ممكن حد يوفرها لي اكون شاكرة لها ... وبعدين انا سالت عنها في اكثر من صيدليه قالو ما نعرف واول مرة نسمع عنها ... بنااااات الله يخليكن ساعدوني شو اسوي ....:(

أهلين
الكريم
بألف
وخمسمائة
ريال
سعودي
هو
كريم
يزيل
السولاليت
ويشد
الجسم
يكفي
شهر
وتبان
النتيجه
في
شهر
يبيعونه
في
جده
شفتي
الإسكان
اللي
جنبه
أويسس
مول
هذا
الإسكان
المقابل
له
مستوصف
جادالله
للأسنان
قبل
المستوصف
في
محل
جينتك
وكمان
لقطت
الكريم
في
مركز
سيفنL
هو
فعلا
فعال



أما
العنود
كاسره
خاطري
أنا
أقترح
انها
تصبر
ألين
نقدر
نحصل
على
اسم
الدوا
المماثل
له
في
المكونات
ياليت
اللي
في
جده
وتقدر
تروح
لصيدليات
النهدي
اللي
في
التحلية
تسأل
عن
السيبوتيرم
علشان
يجاوبها
الصيدلي
ويعطيها
اسم
الحبوب
اللي
من
أمريكا


وغصن
البان
مايسوي
لاإسهال
ولا
إمساك
وينحف
بدون
ريجيم
بس
الأفضل
مع
ريجيم
علشان
تنحفي
بسرعه

أعتذر
لأني
كتبت
الكلام
كل
كلمه
بسطر
بس
لوحة
المفاتيح
ما
ترضى
تضغط
على
المسافه

وشكرا
لكم