هذه شهااااااااده ولازم ادلي بها

]السلام عليكم ,الشهاده الي تكلمت عنها في العنوان هي ان لازم اذاشفنا في بلدنا الحبيب شي زين لابدمن ذكره والابس الاشياء الشينه هي الي نعلق عليها ,عشان ماطول عليكم المقدمه باْدخل في الموضوع , الي احب اتكلم عنه هو الصرح العظيم والمميز بكل مافيه وهو ( مدينه المللك فهد الطبيه ) في الرياض بصراحه يعجز لساني عن التحدث عنهم سواذ في فخامه المبنى اتحدى افخم مستشفى خاص ان يكون بخامته وتجهيزاته ,اما عن الاطباء فهم في قمه الروعه سواء في الكفاءه اوالتعامل الي يشرح القلب وطبعا الاغلبيه سعوديين شيْ يفوق الوصف , انا دائما اذا مرضت بنتي ماافكر الا في طوارْى المدينه الطبيه عنايه وتعامل من الجميع لا يوصف لدرجه ان بنتي تموت عليهم (تخيلوا الاستشاري السعودي هو الي يشيل بنتي ويفصخ جزمتها كرمتو قبل مايسدحها على السرير والله انه يجلس عند راسها الين تتحسن حالته (لان بنتي يجيها ازمات ربو حاده )وانا كنت افكر انه مستشفى الاطفال بس الي كذا لاكن لا والله حتى العام لان جدتي متنومه فيه لها تقريبا 3 اسابيع في المستشفى العام ايش اقول نظافه تفوق الوصف وممرضات ماتشوفون الا الابتسامه على وجيههم مع العلم ان جدتي تعصب عليهم اطباء قمه وغرف شرحه مع العلم ان الغرفه فيها 4 بس شرحه ونظيفه ,عموما طولت عليكم بس احب اقولكم انه اذا شفتوه في خير ان شاء الله الله لايوريكم مكروه راح تذكرون كلامي هاذا والله على ماقول شهييد . والى الامام ياوزاره الصحه كثرو منها