umalnoor

umalnoor @umalnoor

عضوة جديدة

هذه قصتي.. ساعدوني بنصائحكم << مُعدل

الأسرة والمجتمع

السلام عليكم ورحمة الله وبركاته..

×××××

هلا حبيباتي.. باختصار قصتي هي..



انا متزوجة من سنتين تقريبا زوجي من بلداخر ما يقرب لي ولا سبق لي معرفته قبل الزواج ولا شئ ومو من النوع اللي لها علاقات وخرابيط بصراحة ماكنت اعترف بهالشي يعني تقدروا تقولوا ان حياتي كانت فاضية ع الاخر وما عندي خبرةبالرجال ابدا معرفتي بهم تنحصر بين ابي واخواني ولما توظفت كمان ما كنت اهتم ولاافكر مثل اي بنت بالزواج والرومانسيات وهالخرابيط يمكن تستغربوا لكن هذه هيالحقيقة. ومن كثر ما الوالدة الله يحفظها تدعي اني اتزوج ومن كثر الخطاب اللي جاؤا ما كنت ارتاح لحد فيهم سبحان الله لكن مع زوجي وفي النظرة الشرعية سبحان الله جذبني فيه اسلوبه فالحديث تعرفوا لما تشوفوا حد وتحسوا انه موغريب وانكم تعرفوه منزمان يعني حتى هو كان يتكلم مع الوالد والوالدة وكأنه ابنهم بحرية وسلاسة ومومتصنع بشئ و رضيت فيه، هو متزوج واكيد يمكن تقولوا حرام عليكي ومن هالكلام، لكنارجع واقول هو النصيب وقبل لا اوافق عليه كان ربنا مقرر هالنصيب. طبعا هو اشتكى منزوجته ومن معاملتها لاولاده من الاخريات ( لا تنصدموا: انا رقم 5 بقائمة الزوجات!! واهلي ما كانوا يعرفوا هالشئ وانا بعد ما عرفت الا بعد ما انكتب العقد) المهم هو يوم ما اخذته عنده 9 اولاد ما شاء الله ( الاولى: ولدين شباب متزوجين، الثانية:بنتين لما اخذته ما كانوا متزوجات اما الان اتزوجوا وكل وحدة راحت لبيتها، الثالثة عندها منه 3 بنتين وولد كانوا عايشين مع ابوهم وعلشان هو متضايقين من معاملة زوجته الرابعة- واللي كان عندها بنت وحدة اول ما اخذته لكن الان عندها ولدعمره سنة- تزوجني على اساس يكونوا معي في الشقة اللي كانت مقررة كسكن لي وهذه كانتاول المشكلة بيني وبينه، ما كان عندي مانع اني اسكن مع اولاده الثلاثة لكن الليحصل اني بعد ما رحت بلده ( ما استقلت من وظيفتي لكن اخذت اجازة شهر اجرب فيهاالوضع) كانت فترة رمضان وعيد وقال لي زوجي تعالي البيت عندنا لاني ما اريدك تقضىرمضان يوم واحد لحالك خلينا مع بعض بس هالفترة وبعدين ترجعي الشقة!! اعرف بتقولواعني غبية اذا وافقتي.. لكن حصل ووافقت لاني صدقته انها بس فترة شهر وارد بيتي..لكن الطامة اللي حصلت ان اكتشفت ان مفتاح شقتي مع ضرتي مو معي وانا اللي مفكرة انالمفتاح بيكون مع زوجي مطمنة له وواثقة فيه.. وهذه الغلطة! ولما كنت اطالبه ارجعالشقة كان يتحجج ويقول ليس ما حد ضايقك بشي والشقة ضيقة واولادي خلال مرتاحين هناالبيت واسع (فيلا طابقين وانا لي غرفة فوق والرابعة غرفتها تحت بس الراحة مو منغرفتها فوق ومن غرفتها تحت) المهم المشكلة اللي حصلت واللي افقدتني الثقة فيه انهفي يوم من الايام خبرتني ضرتي انها بتروح الصالون مع بنت زوجي الكبيرة وانها مابتتاخر! واتأخروا 3 ساعات وتتصل فيني تخبرني انزل ع احرك سيارتي ولما نزلت الاقيبيك اب معبأ بأثاث شقتي ( طبعا انا جيت ع الشقة وهو مجهز فيها كل شئ يعني انامااخترت اي اثاث هو كان مجهز كل شئ لي ولاولاده) انا طبعا نزلت وحركت السيارة وما تكلمت بشئ عادي يعني.. لكن اتصلت فيهواعطيته اللي فيه النصيب! انا طبعي عصبية وحارة ولما اعصب ع حد ما ادري وش اقولالمهم خبرته اني ما اثق فيه وانه ما كنت اظن ان مفتاح بيتي بيكون بيد ضرتي وانااللي افكره معه ( زوجي كان فهالفترة في دورة خارج المدينة وجلس فيها شهر) ولماسألته ليش سواه الشي قال انه عليه ديون من الزواج وصاحب الشقة طالبه بايجار 6 شهوروهو ما يقدر يوفي بالالتزامات المادية..انا طبعا رجعت لعند اهلي لان طبعا في كانتتحصل مشاكل منها من تحت لتحت يعني هي قدام زوجي تبين انها طيبة لكن كلامها فيه تجريح، بتقولوا الاولاد اللي كانوا يشتكوا منها كيف رجعوا البيت بقولكم ان هي عمصلحتها استمالت الاولاد لجهتها مرة ثانيةوبعد ما خلصت المصلحة رجعت تعاملهم مثل اول واكثر لدرجة ان الاولاد هربوا من بيتابوهم بعد ما انا رجهت عند اهلي وهم الان عند امهم .. وامهم ( رقم 3) الان رفعتعليه قضية وعلى ضرتي من سوء المعاملة وتطالبه بنفقة وسكن للاولاد وبصراحة اقولكمانه طول فترة وجود الاولاد معه في البيت كان ينفق عليهم من ناحية الاعياد والمدارسلكن من سوء المعاملة والصراخ ما استحملوا وخاصة ان الرابعة دائما تعايرهم بامهمواهلها لا وبعد لما تروح الداوم تسكر الثلاجة بالمفتاح ع ما يخلصوا غرشةالجبن!! وتخبي الليمون في غرفة نومها!!!وهذا انا شفته واتحاسب عليه اذا كذبت ولما خبرت زوجي بالموضوع طبعا عصب عليها واخذ مفتاح الثلاجة منها.. طبعا انا زوجي بعد الزواج بسنة ونص تقريبا وافق يقتح لي شقة هنا ( في الامارات) وطبعا هو ما يساهم فيها الا في نص الايجار بحجة انه عليه ديون!انا جبت الاثاث كله وانا اللي ادفع الكهربا والماء! وبعد ما يحط لي مصروف شهري..بتقولوا علي غبية ادري لكن انا قصدي يكون لي بيت مثل باقي البنات وارتاح .. الانهو يصر اني استقيل واروح معه بلده واناطبعا ما وافقت الا اذا وفر لي عمل هنا وفتح لي بيت مستقل.. في الاعياد والمناسباتيزن علي اروح هناك اعرف بتسألوا وين؟؟ ( سلطنة عمان) هو عماني وانا يمنية مقيمة فيالامارات!! بس بجاوبكم ع الفضول..طيب لما اروح عمان طبعا العائلة كلها تخرج تتفسح لكن لما هم يجو الامارات انا يوزعوني بتحريض منها اكيد بحجة انها ما تريدني اعرف بأي فندق بيسكنوا ؟؟ وكأنهم يعني بيسكنوا بفندق 5 نجوم!! وهذه كانت الزعله الاخيرة بيني وبينه وارتفع صوتي وصوته وعصبت عليه وطلع العرق عندي هههههههههههه، وقلت له انا لا بروح عمان ولابخطيها ولما تجي انت تجي بروحك قال هذا اذا جيت وعمان بتجيها ورجلك فوق رقبتك قلتله طيب وريني انا كيف بجيها ورجلي فوق رقبتي؟؟؟ اتحداه يعني.. ومصروف شهري بتصرف علي وجيت ولا ما جيت الشقة هذه بتبقى مفتوحة وترسل ايجارها وقال لا بصرف ولا بدفع مال الشقة..



نسبت اخبركم بشئ انا كنت حامل واجهضت لاني الغبية خبرته اني حامل وما مر اسبوعين على حملي – وكان المفروض يجي عندي لكن اتفاجأت فيه جاي هو هي يتمشوا فالامارات واتصل فيني فالطريق وانا على نياتي مفكرة انه جاي بروحه لكن لما خبرني انه معها انا عصبت لدرجة ما شفت نفسي بهالحالة من قبلواعتقد هذا اللي اثر ع حملي وخلاني افقد الجنين وانا لحد الان احمله هالمسؤولية..طبعا كل شئ بأمر الله وقدر الله وما شاء فعل لكن هذا انا ما اقدرانساه ابدا..



هذه قصتي وانتوا شوفوا كيف بتساعدوني وشونصيحتكم لي.. خبرتي صفر وما عندي خبث الحريم ودائما اذا افكر اتعامل مع ضرتي باسلوبها ارجع واقول حرام الله بيحاسبني بعدين..اولاده اعاملهم زين مع انها تحرضا لبنات علي دائما. مرة وحدة من البنات قالت لي احنا ما استفدنا منك شئ؟؟؟ قلت لها وش يعني ش وبتستفيدي مني؟؟؟ وبعدين اكتشف انها اذا تريدهم يسوا شئ تغريهم بالفلوس والهدايا يعني تشتري حبهم بالفلوس والهدايا حتى زوجي تتعامل معه بنفس الاسلوب.. طبعا بتقولوا هم بينهم عشرة عمر وبينهم هالبيت حسابهم مشترك فيه وديونهم وحدة.. طيب اذا ما يقدر على الزواج ليش تزوجني واذا علاقتهم مع بعض زينة ويحبها ليش قال عليها انها تتعامل بالسحر وانها تطرد الاولاد من البيت وتعاملهم معاملة سيئة وهذا اناشفته بعيني.. وليش الان ع ام الاولاد رفعت قضية ليش يدافع عنها!! بصراحة اقولكم انا علاقتهم هذه ما افهمها ابد احس انه في شئ غامض وانا ما ادري فيه حتى لما هي تصوره بموبايلها اشوف نظرته لها غير ما فيها حياة ابدا بعكس لما اصوره انا والله يكون يضحك واللمعة في عينه ما اقول هذا امدح نفسي او شئ لكن هذا اللي لاحظته ولاحظه غيري.. الاحداث كثيرة لكن انا قلت اذكر اهم شئ والمواقف اللي ما انساه.



منتظرة ردكم ... واسئلتكم بجاوب عليهاان شاء الله واكيد اذا تذكرت مواقف نكدية :mad: غير بخبركم بها..





مودتي



ام النور
12
3K

يلزم عليك تسجيل الدخول أولًا لكتابة تعليق.

تسجيل دخول

ام طوق
ام طوق
لااله الا الله
فراشة حره
فراشة حره
ياعمري عليك الله يكون بعونك حبيبتي ويفرج همك
اتمنى البنات يفيدونك
مجنونة شعولتي
مجنونة شعولتي
الله يعييييييييييييييييييينك
متجر هاجر
متجر هاجر
الله يسهل امر الجميع ...
dianah840
dianah840
ذكرتيني بمسلسل اسمه الزوجة الرابعة

رجال بلعب بالنسوان وكل ما تحلا وحده بعينه طلق وحدة من الاربعه وتزوج وحدة جديدة وكان يختار الي بطلقها عن طريق مسبحه بايده

انتي من اول حياتك معاه غلط بغلط وكل مالك بتتعمقي اكتر واكتر وبتغلطي اكتر واكتر

لازم اي وحده لما تختار الزوج تختار الزوج الي بكاقئها بالدين والمال والعلم والسؤال عنه مره ومرتين وعشرة هدا زواج مو لعبة ولاد صغار هدا بيت وعمر واسره وبالمستقبل اطفال فلازم كل شي ينحسب صح

انتي بتحكي ما كنا بنعرف اشي بس بعد كتب الكتاب عرفت ..يعني لسه ما عرستي وكانت عندك كل الامكانية تفسخي عقد النكاح قبل ما يسير زواج وتتورطي بس انتي استمريتي بالموضوع

زوجك اولا انسان مزواج يعني عاندتي معاه ماراح تفرقي كتير راح يطلقك زيك زي غيرك لانه طلق 3 قبلك ومخلف منهم واولاده كبار ومتزوجين وحدة رابعه ماراح تفرق وراح يركض يتزوج السادسة عادي جدا

زوجك ليش تزوجك!!! اسالي حالك هدا السؤال ..ومستحيل زوجته تكون عاملة سحر لو عملت سحر ماكانت خلته يتزوج اصلا صح ولالا !!!

فبليز لا اضلكم كل مشاكلكم ترموها على السحر

زوجك ضحك عليكي من اول زواجكم لليوم ..ضحك عليكي انه خبا عليكي انه اب ..وخبى عليكي انو متزوج 4 قبلك.. خبى عليكي انه انسان مديون والشقة الي استاجرها ما هي الا واجهه اله ادام اهلك عشان توافقي تتزوجيه ..زوجك ضحك عليكي بكل شي بحياتكم حتى بسفره لعندك.. هل برايك زوجك اهل انك تتامني عليه!!

انتي بتشتغلي يعني ما بلزمك ماديا ابدا ممكن تقومي بحالك وتعزي نفسك بفلوسك من غير مذلة منه ..فالك حرية القرار

يا انك تستمري معاه وانتي بتعرفي كل ظروفة وتوقعي المشاكل يوم عن يوم تزيد خصوصا بس يسير في اطفال بينكم وممكن باي يوم يجيب زوجة سادسة فوقك

يا انك تنهي كل شي بينكم خصوصا مافي بينكم اطفال فالخسائر راح تكون باقل درجة
طبعا اسالي شيخ بهاي الشغله

استخيري واستخيري واستخيري والله يسهلك