هذه قصتي .. شاركوني أحبتي

الأسرة والمجتمع

السلام عليكم ورحمة الله وبركاته ..


انما أشكو بثي وحزني إلى الله ..


وبعد الله انتم أبي المشورة منكم ..


إليكم أسرد قصتي ..


أنا متزوجة صارلي سنتين وشوي وعندي ولد باقي ماكمل سنه
أنا بالرياض وأهلي هنا بعد زوجي وأهله بمدينه حايل بقرية طبعا هم ..

زوجي قبل مايتزوجني عينوه بالرياض وتزوجنا وسكنا هنا ..

ألحين هو قدم نقل على مدينة أهله بس أنا ما أبي
أهله بقريه كيف بأعيش هناك .. مافيها شي طبعا حياة المدن تختلف عن حياة القرى فرررق كبير

واللي مخوفني واحد من أصدقائه عينوه بالقويعيه وقدم نقل على حايل وعينوه بقريه في القصيم
وواحد من جماعتهم بعد كان بمدينه ثانيه وقدم نقل على حايل وعينوه بهجره تبعد عن حايل 3 ساعات

طيب أنا خايفه مررره ماأدري وين بيعينونه
وأهلي هنا بالرياض وين أروح أنا وولدي
اذا عينوه بقريه القرى مافيها شقق
واذا عينوه بهجره أنا وين أروح
مافيها مساكن عوائل


كم مررره أقنعته نجلس هنا نكمل حياتنا
اذا يبي يشوف اهله يروح
والله يابنات كل اجازه اروح معاه وكل عيد وبعض الاربعاء والخميس والجمعه نروح هناك
وهو بعد ماهو مقصر كل أسبوع أو أسبوعين يروح نهاية الاسبوع ماشاءالله عليه ..

غير كذا اخوانه هناك يعني مو تقولين اهله لوحدهم هناك فيه كل اخوانه


مررره ضايقه فيني الدنيا
المشكله جيته بكل وسائل الاقناع مافي فايده
أحيانا يعصب ويهزئني يقولي انتي تبين اهلك أنا ابي اهلي

اقوله بس أنا أحتاج لاهلي أكثر منك أنا بنت انت رجال تقدر تتحمل
يعني انا بنت احتاج اني قريبه لاهلي تعرفون البنت وراها حمل وولاده وتعب تحتاج كثير انها تكون
قريبه من اهلها ..

وكم مره اقوله لاترفس النعمه برجولك احمد ربك عينوك بمدينه مثل الرياض
ماعينوك بقرى وهجر أو مدن بعيده ..

ولا حياة لمن تنادي..

هو مرتاح بمدرسته اللي يدرس فيها هنا وفي بعض قرايبنا هنا وأعمامنا
هو ولد عمي طبعا ..

أنا تعبت حيل
هالسالفه تاكل وتشرب معي
بس أفكر وأفكر ..

أصلي آخر الليل وأدعي ان الله مايكتبله هالنقل
وأستغفر ربي ..


مشكلتي انه مايفهم أبدا ولا يبالي بكلامي ..

بعد الله أبي آرائكم
انصحوني بمنطق وش أسوي ..



جزاكم الله كل خير ..



16
2K

يلزم عليك تسجيل الدخول أولًا لكتابة تعليق.

تسجيل دخول

نبض قلبي محمد
نبض قلبي محمد
والله صعبه تشيلي هلفكره من راسه ومامعك الا تروحي معه الله يعينك
ماكلة الجـــو
بس أفكر وأفكر ..

أصلي آخر الليل وأدعي ان الله مايكتبله هالنقل
وأستغفر ربي ..




هذا الحل جاووبتي ع نفسك
دمعة الاقمار
دمعة الاقمار
الزوجه مالها الا تتبع زوجها
الله يعينك يارب
محبة الخير2007
محبة الخير2007
الله يكتب لك الي فيه خير وصالح عسى ان تحبو شيئاً وهو شراً لكم وعسى ان تكرهو شياْ وهوا خيراً لكم
فيما (معنى الايه )استخيري الله والله يسهل لك مبتغاك
امي سرسعادتي
امي سرسعادتي
الله يعينك