هذه قصتي مع عروس حنيتها ...

آنه تعمدت أدخل قسم العروس .. و أتكلم عن الحنا ... لأنه بصراحه ..الحنا للعروس شيء ثاااااااااااااااااااااااااااااااااااااني مرة ..
لما تجيني وحده أحنيها أسألها إنتي عروس ؟؟ (( البعض يجاوبني بصدق )) و(( البعض لاّ؟؟)) و السبب إنها تفكر إني أبغى آخذ منها مبلغ إضافي .. لكن الحقيقة إن السبب هو إن نقش حنا العروس (( بالذات عندي آنه )) غير عن النقش العادي ...!!
العروس يبغالها قعده و طولة بال .. تختلف تماماً عن أي وحده غيرها ..
و في نظري العروس من دون حنا .. إمممممممم شكلها غلط (( هذي في نظري )) يمكن لأني أحب الحنا مرررررررررررة ..
عاد هالحين الإجازه جاية والعرسان زايده (( الله يوفق الجميع يا رب )) و عساني ألحق على الزباين ...:09:
و يالله بس يالله ما تجي في دربي وحدة قشره وإلا ملسونه ..


والله يا بنات ياشين لما تجيكِ وحده ما تنطاق ..
أقولكم قصتي (( طولتها أدري )) :42:
مرة دقت علي وحده :
إنتي فلانه
قلتها إي نعم و ش تبين ...؟
قالت أبغاكِ تحنيني ... بس شوفي ما أبغى مثل هالحنايات .. نقش مدري من وين جايبينه ؟؟
و اللون أبغاه لون بين البني والأسود ..
و ما أحب على أظافري ..
و ..
قاطعتها : لو سمحتي .. هالحين إنتي ما عرفتي إذا أنا مستعده وإلا لاّ .. وعلى طول خذتيني بالصوت ..!!
(( لانها كانت تتكلم بحماس زايد عن اللزوم ))
قالت : وشلون يعني ..؟؟؟
ما بتحنيني ..؟؟
قلت لها : لاّ ..............!
قامت تتحندى .. و شلون أنا صديقتي قالت لي عنكِ .. و شفت شغلكِ وشلون نقشاتك مرة حلوه .. ووو
فقلت لها أجل دامكِ تدرين كل هذا ليه هالشروط في البداية ...!!!
قالت : مدري ..
فقلت لها : سمعي الله يجزاكِ خير ..
أنا أحني لأني أحب هالهوايه ..منيب مجبورة على هالشيء..
و دامكِ تعرفين شغلي خلاص لما تجين وأشوفكِ وقبل لا أبدأ راح نتفق على إللي تبينه ..؟؟

المهم جتني و حنيتها و كانت عروس .. و الحمدلله الكل إنعجب في النقش .. و ربي يوفقها يا رب ..
المهم ..
أنا أستغرب ليه البعض يعامل البعض كذا .. و فعلاً مرت عليّ مواقف كان تعامل البعض معي وكأني (( أشحت )) منهم .. أو لشدة الحاجة في نظرهم ... يتكلمون وكأني أشتغل عندهم .. أو مدري كيف أوصف الموقف ؟؟؟
بس يا بنات والله ما يجوز كذا يعني .. الكوافيرة أو العاملة أو أي وحده .. يكون فيه حاجة لنا عندها المفروض يكون فيه نوع من الكلام الطيب ..
أصلاَ حتى الكلام الطيب يخلي الوحده تنجز عملها بشكل جداً رائع .. عكس لو جت وحده لسانها متبري منها .. (( أذكر مره صارت معي كنت في زيارة لصديقتي و جتها مجموعة زميلات ذاك اليوم و طلبت مني إني أحني وحده فجتني أحنيها وكل ما نقشت شيء على يديها إما تحركت أو علقت بكلام أو تكلمت في الجوال .. )) وأنا كل مره أقول لها فلانه جلسي لو سمحتي بلاش حركة زايده خليني أخلص النقش (( وأنا طفشانه منها )) و ندمانه ليه وافقت ..
المهم يمكن يجي ست أو عشر مرات كل ما سويت شيء مسحته من كثرة حركتها ..
آخر شيء رميت (( قمع الحنا )) و قلت منيب محنيتها ...!!
و جت لا ليه أجل أروح كذا .. و وو وو و
فحلفت منيب محنيتها خلاص طفشتني ...!!
و جت زميلتي أرجوكِ عشان خاطري بس ..
فقلت لها أنا حلفت و ماراح أرجع عن حلفتي ..
فاضطرت تروح البيت و في يدها نصف نقشه ..

محد قالها تسوي كذا ....



أدري غثيتكم ...
معلش سامحوني ..
بس كنت فاضية قلت أهذر معاكم ..
:(


على العموم ألف مبروك مقدما لكل عروس وأسأل الله أن يبارك للجميع اللهم آمين ..
وإذا وحده تبيني أحنيها ماعندي مانع .. بس ما تكون مثل بعض الناس ...؟؟؟؟؟
وإلا والله أخليها تعرس و عليها نقش الدجاج ...:42:


ولكم تحيتي ...