السلام عليكم ورحمه الله وبركاته..
كيفكم بنات ان شاء الله بخير ..
راح اقولكم قصتي والي صارت من عمري 2 الى 25 الحاليه..
بنات انا امي وابوي منفصلين من عمري 2 وتطلقو
قرر ابوي انه يسلمني اعيش عند امي .. وراح هو وتزوج
المهم مشت الايام وكنت عايشه احلا عيشه عند امي في بيت جدي ابوي الثاني وجدتي الله يخليهم لي ..
مرت الايام 6 سنوات وكل يوم يدقو الباب يخطبو امي وامي ترفض علشاني..
ابوي شاف حياته بس امي لا كانت دايم تقول لا لا علشان بنتي.. فديت ماما.. المهم
مشت الايام ودارت وتجي جدتي حق امي يابنتي انا وابوكي ماراح ندوم لكي لين متى بتقعدين ترفضين الي يجونك والله مو ناقصك شي تبين تصيرين خدامه حق حريم خوانك لين متى .. لين ماسبحان الله وافقت على واحد يخاف الله رجال تقي امام مسجد واحبه واموت فيه انا والله اعتبره زي ابوي واكثر..
عاشت امي معاه احلا عيشه الله يتممم عليها ماشاء الله لاقوه الا با الله صار لها معه 20 سنه تقريبا
امي املكت وكتبت كتابها من هنا اليوم الثاني جا ابوي وخذاني يقول مايبيني اتربى عند واحد غريب ..
طبعا كانت حياتي أليمه على فراق امي وزي اي طفل احتاج امي بعمر 6 سنوات.. لكن الله كريم
دخلني ابوي على مرت ابو الي هي مرت ابوي ..
والله يابنات مابي اتكلم على الحرمه لكن كانت وياي ظالمه اقسم با الله كانت امي تبكي في التلفون تترجاها تشوفني كانت تمنعني من امي كانت معيشتني المرار والويل كنت اشوف امي اذا رضت كل جمعه ومن ساعه لين ساعه معينه كنت ابد ابد مو سعيده في حياتي وكنت اسكت واسكت واصبر كثيررررر
والله يابنات ماانسى يوم ضربتني ومو اول مره دايم تضربني ..وسجدت حق ربي وكان يوم جمعه وجلست ابكي وادعي ان الله يحرمها من عيالها نفس ماتحرمني من امي وعشت ضغوط مايعلم فيها الا الله..
جا يوم من الايام قبل سنتين خطبني اخو صديقتي ووافقت عليه واصريت اني ابيه مع ان انا وين وهو وين هو اكبر مني في 20 سنه بس كنت اعتقد ان الزواج هروب من كل الم في حياتي كنت فرحانه اني خلاص راح افتك من القيود راح اشوف امي وقت مابي مافي مرت ابو مافي شي راح اعيش مرتاحه ووافقت عليه..
تزوجته سبحان الله من هنا ابوي طلق مرت الأبو الي كانت معذبتني ياسبحان الله الله يمهل ولايهمل ومشاكل وكذا بس مابي اتكلم عنها..
المهم ..
انا قلت الحين الحياه انفتحت لي الحين السعاده بتجيني ..بس للأسف يمكن الله يبي يختبرني وابتلاني في زوجي..
اول ششي يابنات كانت له صور في لاب توبه حق وحده فلبينيه يحبها وحلف لي انها من اول وقبل الزواج وسامحته ونسيت الموضوع..
ثاني شي كان يقولي تعالي ويوريني افلام ابياحيه وصور وصخه وكنت اصارخ وارفصض وقلت له امسحهم وسامحته..
ثالث شي يابنات انا توظفت في مستوصف حق اسنان وكانت اخته موجوده وطلعوها الأداره من المشاكل والبلاوي الي كانت تسويها كله مع شباب وتروح مدري وين لها بلاوي استغفر الله مابي اتكلم بذمتي..
المهم سكت وسترت على اخته ولا قلت له ولا اي شي انا لما رحت وتوظفت هناك يابنات اثبت جدارتي..
وخلوني رئيسه قسم وزاد راتبي.. وهي انقهرت مني كيف انا اجي محلها؟؟
وراحت وكلمت زوجي وتحلف له يابنات تخيلو تحلف له تقوله انا شايفه زوجتك مع المدير حق المستوصف في مكتبه وهي جالسه في حضنه تخيلو يابنات؟؟؟؟؟؟؟؟؟؟؟
وهي لها علاقه مع فلان وفلان ..
المهم طبعا انا كنت اعاني من زوجي ومن شكه قبل السالفه هذه واصبر كنت اعدي..
جا زي المجنون وطلعني قالي الحين تجين البيت
رحت البيت وقالي انتي ياوصخه ياوقحه يا الي معدنك وصخ اي انا اعرف ان انتي تلعبين علي وقام وطعن في شرفي هو واخته ويابنات سامحته وبرضو سكت..
والأمر من هذا كله كان زوجي مره بخيل اقسم با الله عزوجل امي وابوي ولا مرا دخلو بيتي ولا مررررا ولا مره عزمتهم تخيلو ابوي وماما مايجون لانه بخيل
غير كذا اللحمه مايشتريها الا مرتين من اول ماتزوجت بس شريت لحمه مو مشكله اللحم عادي تعدي ..
الغساله خربانه لها 6 شهور ماصلحها الفرن له سنه خربان ماصلحه .. المطبخ وما ادراك ما المطبخ ماعندي مطبخ ماعندي رفوف احط اغراضي في المخن..
سكت يابنات والله كثير سكت واستحملت قلت يمكن يتغير...
سافرنا دبي ايش سوى فيني؟
وداني بارات ودسكوات وانا طاوعته يابنات لاتعتبون علي مابيه يشوف احد غيري ولايسوي حرام مع احد غيري دخلت معاه وكان يطالع في البنات اقوله انا معاك انا متزينه لك ليش تطالع يقولي معليش بس اليوم؟؟؟؟
قالي كلمه ترن في اذني لين الحين يقولي شرايك نتبادل قلت كيف يعني؟
قالي انتي تروحين مع واحد وانا اروح مع اي وحده والله بنات جلست اطالع فيه كذا فيني الصيحه وقلت لا وثبت وصبرت ..
قال نشرب قلت اعوذ با الله انا ماشرب مستحيل..
يطلب مني اشياء وصخه كثير وغير كذا يرغب في العلاقه المحرمه واتوقع فهمتوني.. وارفض يعني كل هذا الي صار لي وانا لين الحين صابره.. المهم
طبعا انا طلعت من الشغل بعد السالفه الي صارت لي ..
وصرت اقدم على مدارس ذاك اليوم وحده من المدارس اتصلو علي وقالو لي تعالي ورحت وقبلوني
وقلت له ابي ملابس طبعا يابنات مافي مصروف شهر يعطيني ابد كنت محرومه واسكت واوقات اخذ من امي ..
رحنا وشرينا لبس وهو مرا معصب بس انا طنشت اليوم الثاني الصباح دقو على المدرسه واعتذرو مني قالو اكتفينا زعلت بس قلت يمكن خيره
جا وقلت له ترى خلاص بطلو المدرسه ..
والله يابنات ثم والله كان علي بلوزه من الي شريتهم قالي قومي افصخيهم وترجعينهم دام مافي دوام قلت له ليش؟ حرام عليك هو كذا ولا كذا بلبسهم قام يصارخ طبعا الرجال هذا سبب لي عقد يصارخ لدرجه اني اخاف ويوم اقوله اني بروح بيت ابوي يسحب الجوال وافياش التلفون ويكسر علي باب الشقه معذبني سبب لي رعب بنات والله المهم رجعتهم وفصخت البلوزه الي علي وانا ابكي في السوق تحسرت وانقهرت ورجعتهم كلهم كل الملابس..
غير عمره مادخل علي في ورده والله ورده عادي ماطلبت شي
انا اغرقه يابنات هدايا في عيد ميلاده في عيد زواجنا كان كل راتبي له علشان اخليه يحبني ويتعدل معاي
بس ماعمره اعتدل وذكرني في شي اقسم با الله من اول ماتزوجت ولا مرا جاب لي شي . وسكت وصبرت
اخر سالفه صارت بينا رحنا مجمع وكنا ندور قالي بدخل الحمام قلت له طيب ..
دخل وكان في محل حق سبحات عاجبته انهبل عليها قلت خل اشتريها له بسرعه بمناسبه العيد هذا مابقى عليه شي ورحت وبسرعه خبيتها طلعت لقيته منهبل انتي وينك هاه؟؟؟ويصارخ
قلت له دخلت محل حريم الي هنا قالي اي تموتين على الرجال وتبينهم تبين تختلطين فيهم ياوصخه يا مدري ايش وبدى في الكلام الجارح ولا قلت له شريت لك هديه العيد مانطقت سكت ولا اي كلمه...
صار الوضع اسبوع مكهرب بينا وانا نفسيتي تعبت
قمت يابنات وش سويت لميت اغراضي وهو في الشغل ومن دون مايعرف طلعت لان مابيه يحبسني نفس كل مرا وطبعا اهلي مايعرفون هذا كله جلست في بيت اهلي اسبوعين وهو انهبل كيف طلعت من دون علمه .. بس خلاص يابنات تعبت تععععععععععبت اسامح كرهته ..
قام جا حق ابوي ويترجاه ويحلف له يتعدل ودخل علي في المجلس يترجاني ورحت معاه نتفاهم برا لفه في الكرنيش بس يابنات والله ثم والله سبب لي عقده وخوف منه وشكه وكل حياتي معاه تعبت مستحيل ارجع
ابي رايكم هل الي انا سويته صح؟
بنات مابي احس اني ظلمته بس انا اعطيته فرص كثير والله تعبت مابيه خلاص والحين طالبه الطلاق ومستحيل اتراجع ولي شهور اقرى البقره واستخير بس ماقدر ارجع له ابد ابد ابد غير كذا الي مافيه خير لأهله مافيه خير لناس والله يدعي على امه وابوه ولايكلمهم في سنه سنتين ولايروح لهم وانا اترجاه ولايسمع لي هذا كيف اذا جاني عيال بكره والله هل انا الي سويته صح؟ :(
ادعولي ربي يعوضني خير انا كرهت هل انسان الله يهديه واذا تزوج راح يعرف قيمتي بعدين مافي وحده بتصبر عليه نفسي انا جد انسانه مكسوره وحطمه واحس نفسي في بيت ابوي غريبه وصرت ماتحمل اي صرخه اخاف وشخصيتي انهزت لاحول ولا قوه الا با الله يارب توكلت عليك في كل اموري :(
alwateel @alwateel
عضوة
هذه قصه حياتي من 2الى 25 مين يواسيني فيكم الله العالم مالي الا الله ثم انتم
140
13K
يلزم عليك تسجيل الدخول أولًا لكتابة تعليق.
الله يـــــــــكون في عووونــك
حبيبتي استخيري واستشيري
اتصلي على مركز وااااعي للأستشارات الاسريه وهما راااح يدوك حل ام الانفصال او غيره
والله يــــــــــكون في عووونـــك
حبيبتي استخيري واستشيري
اتصلي على مركز وااااعي للأستشارات الاسريه وهما راااح يدوك حل ام الانفصال او غيره
والله يــــــــــكون في عووونـــك
الصفحة الأخيرة
زوجته وعنده عداءات حتى مع والديه انسان ينخاف منه .. لا تاخذين على رأي
احد الاهم انتي اذا كنتي مرتاحة من قرارك فتوكلي على الله والله يعوضك بالي
احسن منه