هذه قصه ولادتى ...من كروشات ملف ام شهوةده

بسم الله ......بعد العنا والتعب وطول الانتضار ولله الحمد والمنه رزقنى الله بمولودتى الله يبارك لي فيها ويكتب الاجر لنا ولكم
اخواتى....انتو عارفين التاسع وثقله ومع ذللك كملت التاسع وزدت عليه تقريبا اسبوع سبحان الله احس الان اسبوع موكثير بس والله وقتها كل يوم يمر وما اولد كانه سنه سبحان الله..... مالكم بطويله ندخل بالمفيد
كنت اراجع عند دكتوره وكانت دائما تطمنى الوضع كويس وكل شى تمام واخر موعد رحت لها بعد ماعديت موعد الولاده وصرت احس بوجع على خفيف ومرات يزيد قالت ليه نعمل اك تخطيط ونشوف الطلق وحركه البيبي ونعمل اشعه نطمن وبعد قالت افحصك من تحت واعمل لك توسيع طبعا وقته سلمت امري لله وقلت لها الاى تشوفي انت اعلم واخبر والتزمت الصبر والدعاء ؟؟؟؟؟؟؟؟بعد الفحص قالت الرحم فاتح 2س وفيه طلق بس عندك البيبى نايم محتاج سوايل بس وضعه كويس وعملت الاشعه دكتوره ثانيه متخصصه في عمل الاشعه وطلع وزن البيبي 3كيلو و900 غرام يعنى اربعه كيلو
بصراحه خفت لانى جايبه عيال قبل كذا وكثر واحد فيهم كان وزنه 3كيلو طمنتني الدكتوره وقالت الوزن صح كبير بس من شكل بطنك ماراح يزيد وزن البيبي عن 3 كيلو و200غرام وطمنتنى على الاخر.وقالت روحي البيت وذا زاد عليك الام ارجعى وانا بيكون دوامى بالطوارى من بكره الساعه السابعه صباحا
توكلت على الله ورحت البيت وتعرفون النفسيه صارت مره خوف وقلق .......خلصت شغلي بيتى ورتبت وضعي وقلت بخاطري كويس اذا جات الولاده حنكون بالليل العيال نايمين وما اسبب لهم قلق وهم خاصه انهم كبار شوي وصارو يعرفون كل شى وبدا الطلق معي من الساعه الخامسه عصرا ويالله على هالحال لد الساعه الواحده ليلا وبعده خلاص االتعب واصل حده وصحيت ابو الشباب ورحت المستشفى وعلى الطوارى ويالله على قسم الولاده......وفحصتنى دكتوره سودانيه وهنديه تخيلو قالت باقي الرحم مافتح الا 3ونص:44: رغم انو الام متواصل وحار كل عشر دقايق وبعدها بدا القلق والحيره في وجه الدكتوره والي معاها خفت طبعا وسالتها قالت انتى عارفه وزن البيبي قلت ايه وحسيت انها ماعندها استعداد تولدينى......... والالم يزيد لحد الساعه 6 صباحا وحالى كما هو بس مسكنات ومافيه فايده وكان لسانى ماوقف من الدعاء والاستغفار الا وقت الالم وبعدها زاد الالم بشكل فضيع وصرت اطلب بالدكتوره الي كنت اراجع عندها وبدات المويه تنزل وفرحت وقلت هانت اكيد قربت الولاده ولما جات الساعه سبعه وربع دخلت الدكتوره الى كنت اراجع عندها تعالو شوفو شلى صار
بيقولو لها هذى ماراح تولد طبيعى البيبي كبير ليش ماحولتيها للاستشاريه من امس وطاحو فيه بالكلام وهيه ماشاء تبارك الله واثقه من كلامها بتقول لهم شوفو بطنها مستحيل يكون الوزن زي الى بالاشعه خلاص ان شاء الله ربع ساعه حتولد ويالله تقوم تقرب مني وتقول يالله اقري سوره الزلزله وانا خلاص واصله حدى وتقوم تدعي ان الله يسهل عليه طبعا انا وقتها صرت حاسه نفسي بين الحياه والموت وبكلامها ودعها شجعتنى وصرت ادعي واردد يارب يارب والحمد ل بعد ربع ساعه من دخولها والحمد لله:42: ولاده طبيعيه والمفاجاه انو وزن البيبي طلع 3كيلو و200 غرام يعنى زي ماتوقعت يعني حبيباتى ترو مودائما الاشعه تكون صحيحه رغم انو مستشفى خاص ومتمكن وله سمعته والاشعه ثلاثيه الابعاد ولكن نصيحه لكل حامل نصيحه ادعي ان الله يسخر لك ساعه الولاده دكتوره كويسه وللمعلومه الدكتوره الي ولدتنى مش استشاريه ولكن خبره التوليد لها دور كبير والفرج والتساهيل من رب العالمين