اخواتي الغاليات احييكم بتحية الإسلام العطرة السلام عليكم ورحمة الله وبركاته....
انه عضوة قديمة اهني كتبت اكثر من مرة مشكلتي ..وحق الي نسوني او ما قروا مشاركاتي من قبل اعطي نبذة بسيطة عني....
انه صارلي سنة واربع شهور زواج ما صار حمل ولا مرة..كانت المشكلة بزوجي ضعف شديد في العدد والحركة وانه كنت ممتازة ولله الحمد ومع العلاج واللأطباء والرقية والمنشطات تحسن بفضل الله ومنته وصار طبيعي بعد ما قالولي مستحيل تحملين الا بانابيب او اقل شي تلقيح صناعي....
وبالنسبة لي مع طول المدة والانتظار والإضطراب والقلق النفسي والجسدي المتعب ازداد وزني وتلخبطت هرموناتي والدورة بعد ما كانت مثل الساعة صارت تروح وترد على كيفها اللهم لك الحمد عدلنا شي اخترب شي!!!!! لكن مع هذا بالتنشيط الحمدلله استجيب للعلاج وكل شهر يكون فيه تبويض والفرصة ممتازة للحمل ونلتزم باوقات الجماع ولكن الله ما كتب لي الحمل....
هذي مشكلتي آسفة اذا طولتها عليكم,,,,بس بنات جد مالي غيركم اشكيله انتو الوحيدين الي بتحسون بمشاعري لان مشاعرنا وحدة والمنا واحد وهمنا واحد....
تكفون شسوي؟؟؟؟والله الذي لا اله الا هو اكتبلكم وانه في كرب وضيق عظيم لا يعلم مداه الا الله حابسة نفسي لا ابي اطلع ولا اكلم احد عن جد تعبانة والله تعبانه ..مو جزع ولا اعتراض بس شوفوا الي متعبني وشوروا علي وواسوني الله يخليكم و يرزقكم يارب..........
اولا:سبب ضيقي الكبير ان كل الي تزوحوا معاي وبعدي حملوا وولدوا سواء بنات العايلة والاهل او بنات الدوام..واكثر وحده بصراحة ولا تلوموني على مشاعري لانها اذتني وايد زعلت لانها حملت اخت زوجي الي تزوجت بعدي بشهر وعلى وشك ولادة الله يسهل عليها ..من شفت زوجي ماسك ايدها مرة ويدلعها بدون ما يقصد مسكين ويقولها شوي شوي انه خايف على البيبي مو عليج وانه بحالة ما يعلم فيها الا الله......
ثانيا:انه احنا في بيتنا ناقصتنا الفرحة بشكل كبير انه الوحيدة المتزوجة باخواني ...وخواتي قمة بالجمال والأخلاق والسمعة الطيبة ما شالله ووحدة منفصلة ظلم وقهر والله حسبي الله ونعم الوكبل..والثانية ما الله كتبلها نصيب لي الحين وكل من يسال عنهم ويعجب فيهم وياخذ ارقام البيت ولا شفنا شي لا يدقون ولا يخطبون لا اله الا الله مثل الصدة... وامي يا بعد عمري انسانه صالحة ومؤمنة تدعي لنا ليل ونهار ولا ازكيها على الله لها من العمال الصالحة وتيسير الزواج لبنات المسلمين الكثير الله لا يحرمنا منها..تتقطع يا قلبي عليهم وعلي ..احس بحملي هذا بخفف حزن كبير في بيتنا بدخل الفرحة لقلب امي وابوي واحقق امنيتهم انهم يكونون اجداد بس والله مو بيدي افرحهم ....
ثالثا:اسألة الناس ما ترحم جد ما ترحم <<<<<وحتى الي تكون بنفس وضعنا والله يكتبلها الحمل تنسى روحها وتبدي تضايقنا بالحمال واسألة الحمال...وانه صايرة حساسة لو احد يقولوي بس ابجي بجي ما اقدر الله لا يكلفنا ماله نطيق..
رابعا:اني مو صغيرة بكمل 27 بعد خمس شهور وزوجي بكمل واحد وثلاثين اذا ما يبت الحين متى بييب كل ما كبرت الوحدة قل الإخصاب وزادت المشاكل...وزوجي طبعه حنون ويموت على اليهال بشكل ما تتخيلونه لي درجة المحه مرات يمسك بنت خالتي الصغيرة ام سنتين يلاعبها ويقولي وهو عايش دور الأبو تخيلي لو اهي بنتنا<<<<<<<<<<اه يا قلبي
خامسا:اني ما خليت ولا سبب تعرفون شنو يعني ولا سبب سواء طبي او ديني او شعبي..سنه ونص وانه بين اطباء ومراجعات وفحوصات وتحليلات ومنشطات وابر تلقيح صناعي مرتين كي قرحة وترقب وقلق وانتظاروتمريخ وخلطات والاسباب الدينية احتفظ فيها سر بيني وبين ربي والي اغلبها تعلمتها منكم ومن هالمنتدى الغالي جعلها الله في ميزان حسناتكم وسبب لرزقكم يارب...
سادسا:اني علاقتي بزوجي ممتازة ونحب بعض ومو مكدر علينا الا موضوع العيال خاصة ان حياتنا بدا يدخل عليها الملل والرتابة..
سابعا :ان حياتي كلها مؤجلة ومتوقفة على موضوع الإنجاب.ابي اشترك بنادي اخفف وزني وامارس الرياضة ما اقدر لان ما ادري باي وقت الله يكتب لي الحمل واخاف يطيح الحمل..ابي اعالج بشرتي ما اقدر اخذ كورسات علاج لانها تضر بالجنين..ابي اغير دوامي ما اقدر لاني اخاف اغير واحمل واتنسى وبعدين اخذ طبيات واجازات وما يثبتوني بالدوام الجديد
يا الغاليات بعد ما كتبلكم قصتي وفضفضت لكم بهمي شوروا علي شسوي ؟؟وين اروح؟؟اكمل علاج ولا اوقف تكفون بنات تعبت والله تعبت ولا عارفة شسوي الله لا يحرمني منكم...
كيدي عظيم @kydy_aathym
عضوة نشيطة
يلزم عليك تسجيل الدخول أولًا لكتابة تعليق.
والله يا أختي قطعتي قلبي قصتك مثلي أنا إن شاء الله ما ينسانا
يا أختي إصبري لعل الفرج قريبا إن شاء الله
يا ربي هب ذرية صالحة لي أختي كيدي عظيم عاجلا غير اجل
يا ربي هب ذرية صالحة لي أختي كيدي عظيم عاجلا خير اجل
يا اختي داومي على سورة البقرة يوميا وكذلك الإستغفار والرقية الشرعية إن شاء الله ربي ما ينساكي
وأقول لك إستمري في العلاج إن شاء يكون السب في الحمل
والله يكون معك يا أختي
يا أختي إصبري لعل الفرج قريبا إن شاء الله
يا ربي هب ذرية صالحة لي أختي كيدي عظيم عاجلا غير اجل
يا ربي هب ذرية صالحة لي أختي كيدي عظيم عاجلا خير اجل
يا اختي داومي على سورة البقرة يوميا وكذلك الإستغفار والرقية الشرعية إن شاء الله ربي ما ينساكي
وأقول لك إستمري في العلاج إن شاء يكون السب في الحمل
والله يكون معك يا أختي
اولا قلبي احس مشكلتكك سهله انشاء الله بس انت حساسه كثيييييييييير بالحيييييل
قبل كل شي داومي ع الرقية والادعية والصدقات بنية الانجااااب
ثاااانيا نصيحه لوجه الله ادخلي النادي وتوكلي على الله لانهاااا راح تفيدككك كثييييييييييييييير
ولا تعطلييين امووووورك ابد
وبعدين داومي على الحقن المجهري او التلقيح المجهري اذا مستعجله وافضل واوثق
قبل كل شي داومي ع الرقية والادعية والصدقات بنية الانجااااب
ثاااانيا نصيحه لوجه الله ادخلي النادي وتوكلي على الله لانهاااا راح تفيدككك كثييييييييييييييير
ولا تعطلييين امووووورك ابد
وبعدين داومي على الحقن المجهري او التلقيح المجهري اذا مستعجله وافضل واوثق
الله يرزقك بس انتي توك ماتاخرتي فيه بنات هنا الله لايحرمهم الذرية الصالحة
متزوجين من سبع وست واربع وخمس سنوات واكثر بعد نصيحة مني طنشي
وعيشي حياتك ولاتخلين هذا الامر اكبر همك لانهم يقولون ان التفكير بالحمل
ياخره استمتعي مع زوجك واطلعوا وتخيلوا انكم بشهر عسل وانه بدري على الحمل
ونصيحة مني بعد انا كنت مثلك حساسة جدا جدا بس في الاخير ماستفدت منها شي
انا مابي افكر بالحمل كثير عشان يصير واللي كاتبه ربي بيصير حتى بدون علاج
ونصيحة بعد مني داومي على سورة البقرة وربي انها تريح النفس واكثري استغفار
وصدقة واقري سورة مريم بنية الحمل وانشاء الله تبشرينا يارب الله لايحرمك ولا
يحرمني ولاااخواتي اللي في عالم حواء وفي كل مكان يارب العالمين
واكثري من دعاء : ربي لاتذرني فردا وانت خير الوارثين
متزوجين من سبع وست واربع وخمس سنوات واكثر بعد نصيحة مني طنشي
وعيشي حياتك ولاتخلين هذا الامر اكبر همك لانهم يقولون ان التفكير بالحمل
ياخره استمتعي مع زوجك واطلعوا وتخيلوا انكم بشهر عسل وانه بدري على الحمل
ونصيحة مني بعد انا كنت مثلك حساسة جدا جدا بس في الاخير ماستفدت منها شي
انا مابي افكر بالحمل كثير عشان يصير واللي كاتبه ربي بيصير حتى بدون علاج
ونصيحة بعد مني داومي على سورة البقرة وربي انها تريح النفس واكثري استغفار
وصدقة واقري سورة مريم بنية الحمل وانشاء الله تبشرينا يارب الله لايحرمك ولا
يحرمني ولاااخواتي اللي في عالم حواء وفي كل مكان يارب العالمين
واكثري من دعاء : ربي لاتذرني فردا وانت خير الوارثين
الصفحة الأخيرة
اجل شنو تقول الي لها اربعه سنوات وسته شهور.....
عزيزتي تأكدي ان الرزق بيد الله تعالى ومافي اي قوه بهالدنيا ممكن تمنعه عنك او تجلبه لك
واذا امنتي بهالشي راح ترتاحين حيييييييييل.....
وواصلي على علاجك ولاتفقدين الامل بالله وربي ماخلق داء الا خلق له دواء......
واكثري من الاستغفار وقرائة سورة البقره فأنها والله مفتاح الرزق
الله يفرح قلبك ويرزقك ويرزقنا ويعوض صبرنا بالخير الكثير
اللهم آآآآآآآآآمين
دمتي بخير
.
..
...