هذه مشكلتي الله يوفق الي ترد آآآآآآمين

انا باقول مشكلتي وعلموني وش اسوي

انا كنت في اول عمري بنت مدللة بمعنى الكلمه من بد البنات لان امي تبي بنت وماجاها الى بعد

خمس اولاد وبعدين كنت طبيعيه وطيبه وكنت شاطره شوي في المدرسه مو مره المهم اني معروفه اني

دافوره مدري من وين جابوها

الزبدة اني يوم جيت اولى ثانوي يوم صار فيني انحنى في العمود الفقري خفيف مايبان الا بالاشعه

ثم كملت دراستي عادي بس كنت اتعب شوي وبعدين يوم جيت في ثالث ثانوي

كنت داخله علمي كل اقاربي كانوا يقولون وش بتسوي اذا تخرجت واهلي يقولون بندخلها الجامعه

قسم حاسب وكلهم يقولون صعب بس هي تقدر عليه

المهم ماقدرت اكمل لاني بديت اتعب بالتدريج وصرت ماعاد اقدر امشي مسافات طويله

والسنه الثانيه سجلت في مدرسه الفصل في الدور الارضي لاني مااقدر

المهم صرت اغيب بشكل فضيع واذا جاء الاختبار وبديت اذاكر صار لي مصيبه

مره طحت وانكسرت رجلي ومره اوجعني راسي بشكل فضيع ومره التهبت عيوني

وصارت تدمع قوه ورسبت في المواد العلميه والسنه الثالثه انتسبت في بعض المواد

وتعبت ولاقدرت اروح اختبر

واخيرا صرت معاقه يعني مو معاقه بس العالم يسميني كذا

يعني مااقدر امشي بس الحمد لله اقدر اقضي حاجتي بنفسي

لاتحسبوني معاقه والا مشوهه لابالاعكس اذا شافوني الحريم بالمناسبات

يخطبوني واذا درو دعو لي الله يجزاهم خير

عارفه طولت عليكم بس ابي اشفي غليلي

علموني وادعولي تكفون

ترى فيه اشياء كثيره ودي اكتبها بس يدي اوجعن