هذه هي حياتي وهذا هو قرراري النهائي

من مثل حاالتي زوجها رافض يسويلها يوم خاص يخرجو فيه مع بعض يغيرو جو بعيد عن جو البيت والعيال والضجة

انا زواجي رافض ها الشي تماما ودايما اذا فتحت معه الموضوع يتضارب معاي لدرجة في يوم كان يبغى يضربني

اصحباه مسوي لهم يوم الاربعاء يطلعو سوى

اهله كل جمعة يجتمعو

الان من جديد سوى يوم الاثنين زيارات خاصة لخالاته

وانا الله يخلف مافكر في ولا جيت على باله والاللي قاهرني اكثر انه يعاملني مثل الشغالة بالبيت ومايكلمني ابدا ولاطايقني ويجي الجمعة الصبح يصارخ علينا ويفتح صوته وموعاجبه شي

معندي شغالة وبيتي فيلا كبيرة 9 غرف غير الملحق وانا لحالي اشتغل وعندي 4 اطفال انا اذكرلهم وانا اوديهم المدرسة ويما وقفت جنبه ماديا ومعنويا بس في النهاية مالقى منه الا الاستهزاء والاستهتار واي مشكلة بالدراسة عند الاولاد انا السبب وكل مجلست معه معنده نقاش غي ر عن الاولاد وربي صرت اكره واكره جلسته صرت اكره يوم الخميس والجمعة لانه موجود واجازة

رغم انه ايام الاسبوع تعب وهلاك لكن نار التعب ولاجنة وجوده بالبيت

بس يضارب ويصارخ حتى الاولاد مايحبه ويحبو يخرجو مع السواق

احس نفسي ماطلب المستحيل ولاشي حرام انا بطلب ان زوجي يخرجني نفسي بجلسة زوجية رومانسية برة البيت ماظن انه حرام ولا عيب ليش هو يرفض انا الحمد الله مهتمة بنفسي ومرتبة وشكلي اكشخ منه ونحيفة وهو بكرش وشايف نفسه مادري على ايش

انا امس قلتله انه خلاص علاقتنا انتهت بس بتم جالسة بالبيت عشان اولادي لان ماقدر اعيش عند اهلي ونقلت اغراضي غرفة ثانية بالبيت وقلتله اذا تبي تتزوج روح وعيش حياتك وانا اعيش حياتي بالطريقة اللي تريحني زهقت من التجريح والاهانة وزهقت من عدم احساسه تجاهي باي مسئولية كاني خلاص انتهت حياتي والمسيرة للعيال وبس انا كمان بشر لي احاسيس ومشاعر ومزلت شابة عمري 32 سنة يعني من حقي انه يهتم فيني

اسفة طولت عليكم لكن هكذا قرررت اطوي صفحت زوجي من حياتي وافتح لنفسي حياة جديدة قررت اني اشوفلي وظيفة وادخل دورات واعيش حياة مستقلة الين ربي يحلها