هذي آخرة الجوالات بيدين الصغار

مساء الخير جميعاً🌹🌹




ان شاء الله تكونوا بخير


المهم يابنات انا دايماً اقرأ عن خطورة الجوالات بيدين الصغار وان الادمان ممكن يضرهم وانا الحمدلله الله يقويني حريصة من هالناحية يعني مو حارمتهم ولا تاركتهم




احدد وقت يكون معهم الجوال لـ اللعب




بس اللي بقوله البارح صار موقف دخلت في دوامة من الضحك صدمة صدمة يابنات


البارح كان جمعة اخواتي واخواني وكنت انا جالسة مع صغارهم بالحوش نلعب والاطفال كثار ماشاء الله


قلت بسوّي شي هادف 😅لاعادت


قلت نجلس على شكل حلقة واسألهم وش بتصير اذا كبرت وايش تتمنى >>بصراحة جبتها عشان ناوية اجيب لهم هدايا نفسهم فيها




بس امنياتهم صدمتني😂😂😂


وطموحاتهم 🤭😂😂


اول شي ببدأ بامنيات البنات
بصير مصورة زي افنان
بصير زي دكتورة خلود
بصير ميك اب ارتست
بصير مثل وله السحيم


سقى الله ايام زمان اذا احد سألنا ماعندنا غير دكتورة ومعلمة وكل اللي تمنن كذا عاطلات 😂😂
والا اللي بتشطح تقول اصير سندريلا هذي واو
وانا واخواتي نبي مثل فلونة وهايدي >>غاويات شقى😂😂😂😂
نجي للعيال


للاسف من بين اكثر من 10 عيال واحد قال شرطي مثل ابوي وواحد قال مدير مثل ابوي


الباقي تبروا من ابائهم😅وظايف والله اول مره اسمع فيها


كل ذا يهون عند ولد اختي عمره 5 سنوات
سألته اذا كبرت وش تبي تصير


قال سبايدر مان😂😂😂😂😂
قلت سبايدر مان ترى ماياخذ فلوس يساعد الناس بس مايعطونه فلوس
قال خلص خلص بصير يوتيوبرز😵😵
قلت طيب تتمنى شي قال ايوه قلت ايش
قال 50 الف لايك
😂😂😂😂
متأثر باليوتيوب


قلت قصدك ريال قال لا لايك كذا 👍🏻


😂😂عاد انا يقال اني باحشره قلت وش تبي تشتري بهن😅


قال ماتفهمين اللايك ينضغط لازم تكون لك قناة باليوتيوب
ماشاء الله تبارك الرحمن
انا يوم كنت كبره كنت اناظر للتلفزيون احسب اللي مادين يديهم عند الكعبة معاقبين لانهم مايصلّون
وهو يعرف القنوات واللايكات 🤭🤭


بصراحة احياناً احزن ع الاطفال ماعندهم طفولة من يبدا يتكلم يكون فاهم كل شي


ماعاشوا بخيالات مثلنا ولا مغامرات


وشكراً لحسن استماعكم
ولاتنسون اعملوا لايك وشير وسبسكرايب😂😂😂😂😂😂😂😂