اهلين حبيبتي..مشكوره على الرد انتي الي مثل العسل :26: ما شاء الله عليكي ..طيب يا اختي انا اليوم قصيت اطراف شعري
مثل ما قولتيلي الي هو يوم الاثنين بس كتير زعلت عليهم لاني قصيت اكثر من كل مره لان الاطراف كانت كثير مقصفه

في شيء حبيبتي حابه اسألك عنه انا شعري في شيء غريب الا وهو انه النص اليسار متوقف عن النمو لكن الجزء اليمين الحمد لله

يطول طبيعي سبحان الله ما ادري ليش وكل ما اقول لحد يضحك علي وما يصدقني لكن انا دايما لما اقص اطراف شعري ويصير

في مستوى واحد يرجع الجزء اليمين يطول والجزي اليسار ما يطول والاحظ الفرق في الطول ..هل تعتقدي ان هالوصفه راح

تحل هالمشكله الغريبه :44: والله يخليكي اختي ادعيلي بصلاتك ان شعري كله يطول ويصير كثيف ..

وملاحظه لأخواتي ..اذا اردتن الدعاء لاختنا المشاغبة ووالدها فأدعو لها هنا وايضا في صلاواتكم وفي صلاواتكم افضل يا بنات

لاننا نكون قريبين من الله في سجودنا ..اللهم اجزي اختنا المشاغبة كل خير وابعد عنها كل سوء واكتب لها اجر اعانة الغير

واغفر لوالدها وارحمه وادخله فسيح جناتك ..اللهم امين

كل الشكر
الله يرحم امواتكم و اموات المسلمين و المسلمات

شكرا ياعمري ماقصرتي والله يرحم ابوك ويرحمنا ويرحم والدينا اجمعين

والله وصفتك نفسي اسويها بس خااااااايفه من الريحه ومن الآن امهدلزوجي اقوله الله يعينك على وصفتي الجايه كلها ثوم عاد هو والثوم اعداء000بأجلها لبعدالزواجات وباذن الله ابدأفيها 000الله يجزيك خيرويرحم ابوك وموتى المسلمين

اللهم امين يالغاليه

حبيتي انا ابتكلم عن قصتي مع شعري

قبل تقريبا سنه
كان شعري يطيح بشكل مخيف
فابديت استخدم الحنه
مع زيوت وخلطات وماسكات
والحمدلله رجع زي ماكان وخف التساقط بس مو مره
لكن طلع شعري فيه لمعه واحسه ثقيل وحلو مررررره
وحتى لونه صار روعه

بعد فتره مليت وقلت في نفسي معقوله ابستمر على الحنا

خصوصا ريحته مع الحر والصيف

وقفته ولاعاد استعملت الا زيت النارجيل
وكل بين فتره وفتره



مره طلعت للسوق ودخلت ارمال واخذت فيتامين للشعر
استعملتها شهرين وقفت التساقط مررررررررررررره وطال شعري بس سمنتني سمنه رهيبه
ووقفتها
وصار شعري يطول


المهم استخدامي للحنا عدى عليه تقريبا 9 شهور

فكرة اصبغ شعري
وصبغته لون بني
بس طلع بندقي عقب الحنا
وبكل الفتره اللي صبغته فيه استعملت اليفتامين زي ماقلتلك ووقفته
وزيت النارجيل


بعد فتره نزلت الصبغه
وطلع لون شعري الاصلي وطبعا لونه الاصلي بني
لكن صار لونين وخصوصا الاطراف صارت برتقاليه


رحت انضربت على راسي وقلت اصبغه زيتي كامل لاني شفت ناس وانبهرت بذا اللون

ورحت للمشغل وقلت كل تفاصيل شعري
وقالت ماعليك ابسوي لك غسل للصبغه اللي قبل

واصبغت شعري اولا فااااااااااااااااااااااتح على بياض وصفار
وبعدين حطت الزيتي
طلع جنااااااااااااااااااااااااااان والكل تعجب منه
وبعد اسبوعين اختفى اللون مرررررررررره وصار اصفر شعري حزنت عليه مررررررررره لاني لعبت فيه ولعبت بحسبته
ياحسافة شعري اللي راح

وبعد فترة شهر رحت وقلت لنفس المشغل عيدوا على شعري لان اللي صبغته لي تقولي يثبت اللون من 6 الى 9 شهور وانا بااسبوعين اختفى نهائي ولا فيه اثر له

وصبغته رمادي غامق
وطلع جناااااااان
لكن مو زي اول
الاول احلى

المهم بعد شهر طلع اللون الاصفر لكن اقل من قبل والرمادي اختفى بعد

انا متعجبه اول مره شعري يصير كذا والصبغه ماتثبت فيه مع اني قد حطيت ميش وخصل وهاي لايت
ولامره صار فيني كذا


المهم خليته والان لي شهر ونص عقب صبغتي للرمادي
بس يتساقط بشكل فضييييييييييييييييع
والله ان الشعره تطيح بطولها

تأكدت ان طياحه بسبب الغسل للصبغه الاولى حسبي الله على اللي سوته لي
تقولي مامنه اي ضرر ابد
الان احس بحكه رهيبه ويطيح بشكل مخييييييف
بس فيه شعيرات نابته جديد


قبل كم شهر سويت خلطة زيوت منها دابر املا والنارجيل والكيشور والاس واللوز والخروع مع المحلب

وحطيتها بقوارير وما دهنت فيها الا اول ماخلطتها والان من زمان ماجيتها
هل تنفع احط منها الان او تكون خربت



وهل اقدر اسوي خلطتك على شعري اللي كأنه محترق
او لا

وياليت تقولين لي وش اسوي وكيف ابدا عنايتي فيه


لان ابي شعري يكون كثيف ويقف التساقط

لاتقولين لي قصيه حتى يعيد حيويته
لاني ماراح ان شاء الله اقصه <<<<<<<<<<الاخت فرحه فيه لانه اول مره يوصل لهالطول



ياليت تقولين لي عنايتي اليوميه فيه
لان ودي اشتغل عليه بلا صبغات بلا هم



بأنتظارك يالغاليه وشكرا لك مقدمااااااااااااااا