هذي اكله سريعه وخفيفه دجاج بالروب

دجاج بالروب والنعناع
دايم اسويه اذا مالي خلق اتفنن في الطبخ يعني سويت عليه تعديل بحيث تكون صحيه وسريعه وخفيفه
ندخل في صلب الاكل هههه
دجاجه بدون جلد مقطعه اربع او ست قطع الي تحبي وتسلقيها في ماء مع نص ليمونه وحبة هيل وعود قرفه وحبة قرنفل وفص ثوم حتى لا تطلع ريحة الزفره واسلقيها مدة ربع ساعه تقريبا
بصل مقطع جوانح+ثوم مفروم +كزبره خضراء مفرومه ونعناع اخضر مفروم +علبتين او علبة زبادي قليل الدسم او كامل الدسم الي تحبي وملح وبهار (كمون وفلفل وكزبره وكركم) وهذا قدما تحبي التبهير
بعد ما تسلقين الدجاحه رتبيها في صحن البايركس وحمسي البصل والثوم شوي على النار بس افضل بدون دهن حتى يذبل وبعدين حطي كل المكونات الي ذكرتها ما عدا الكزبره خليها للاخير
ودخليه الفرن حتى يغلي ويكمل سوى الدجاج بس لا تطبخيه واجد حتى مايفصل الزبادي وقدميه مع رشه الكزبره فوق الوجه جنب صحن رز ابيض بالشعيريه او مكرونه اومع الخبز وصدقوني سهل وخفيف
وهذا الاكله دايم اسوي عليها اضافات وتاليف يعني تضيفي فطر او تحطي شوية قشطه او كريمه وكل الي يجي في نفسك وابدعي
وبصراحه الطريقه الاصليه تحمري الدجاجه اول بالزيت ومافيها بصل وثوم هذا من اضافاتي وجربوها وان شاء الله تعجبكم
وبالنسبه للصوره احاول انزلها اليوم