بسم الله الرحمن الرحيم
في العيد هذا استغفر الله شفت بعيني اشياء ضيقت صدري ونكدت علي
اعوذوا بالله من بعض الناس اعوذوا بالله من قسوه القلب اعوذوا بالله من الحقد
اعوذوا بالله من الأنانيه صاروا الناس قلوبهم قاسيه حتى على اولادهم وامهاتهم
شوفوا هذي القصه 00قصه وحده اعرفها شايفتها بعيوني محد قالي
هذي عجوز عندها 3 اولاد وبتنين مات زوجها واولادها صغار واشتغلت فراشه عشان
تصرف عليهم وتربيهم ومرت السنين وكبروا الأولاد وكل واحد تزوج بنت عمه والبنات تزوجوا عيال عمهم
وهينا بدت المشاكل طبعا بنات العم اللي هم زوجات العيال كل وحده قامت تقول
مابي امك 00مع ان كل وحده بخير وكل وحده عندها خدامتين وبخير ونعمه لكن ما اقول الا الله لايقسي لنا قلب
والبنات طبعا بحكم رجالهم واكيد مابياخذون امهم عندهم استغفر الله بس
والله والله يابنات اني كنت اشوفها وهي فراشه تشتغل عندنا بالمدرسه وتنظف الحمامات وتمسح وتغسل
يمكن ماتصدقون لكن قسم بالله اني صادقه وربي شاهد علي وبعد التقاعد صار ينزل لها مبلغ زهيد
سبحان الله الدنيا صغيره وحده من حريم عيالها زميله لي وانا ازور الحرمه هذي من فتره لفتره
صراحه شي يبكي 00كل وحده من حريم العيال تقول مابي امك عندي وااااااخر شي اتفقوا انهم كل شهر او اسبوعين تروح عند واحد من عيالها
مسكينه 00حرمه كبيره يالله تمشي يقعدون ينقلونها من مكان لمكان صراحه عيالها مافيهم رجوله
المفروض يقول امي الداخله وانتي الطالعه 00 المشكله انهم بخير وعندهم فلوس
يعني راس مالهم تجيب لها خدامه تقوم فيها وحط لها غرفه وبس وانت طل عليها قبل تروح الدوام وبعد ماترجع وانتهى الموضوع
لكن ما اقول الا الله لايقسي لنا قلب 00عاد اشوفهم في ايام العيد يطلعون استراحات وعزايم ووو من الصباح لين اخر الليل
والأم المسكينه تقعد في البيت لحالها ياااويل قلبي 00كيف كذا ؟؟هانت عليهم امهم يروحون يمبسطون ويجتمعون وسوالف وضحك وامهم
قاعده لحالها في البيت 00مايدرون بحالها 00اصلا الوحده تجيب الأمراض كيف عاد حرمه كبيره في السن وارمله وتعبانه
اسأل الله السلامه ياربي لاتقسي لنا قلب يارب تعافيهم ولا تبلانا
ادري البعض منكم بيقول اني مادري عن ظروف عيالها وووو لكن بالعقل هذي ام شقت وتعبت
اخرها يسوون فيها كذا 00اقلها يجتمعون عندها اقلها يقدرون امهم مخلينها مثل الشحاته عند حريمهم
والله والله اني بنفسي شفت واحد من احفادها الصغار يرميها بالصحن 00 مسكينه الله يعينها على مابلاها
الحرمه اللحين مشلوله ماتتحرك 00وزميلتي كلمتني تشتكي منها 00تخيلوا انهم مسافرين ومخلينها لحالها عند الخدامه
اعوذوا بالله كيف قدر ولدها يغمض عيونه وينام وامه لحالها ياربي تصلح لها عيالها وتهديهم لها
القصه الثانيه اهون من اللي قبلها لكنها بنفس الوقت تخليك تقولين وشفي الناس صاروا كذا ؟؟
هذي وحده تزوجت شخص على قد حاله واهلها بخير ونعمه وسبحان الله 00نصيبها مع هذا الرجال
البنت هذي حالتها عدم والرازق الله زوجها مديون وماعنده سياره وحالتهم لله ومع ذلك اهلها عندهم خير
وفلوس وبيوت وعماير
وحلال ربي رازقهم والله ان الفلوس يوم تدخلون بيتهم تلقون فلوسهم مرميه عالأرض قسم بالله
والأكل مرمي والملابس الغاليه والأثاث وووو
كل شي مرمي سبحان الله ماقدروا النعمه اللي هم فيها 00 كل شي يشترونه بالهبل ويرمونه على طول
يعني قمه التبذير قمه التبذير والله والله ان الفلوس تطيح من شناطهم وجيبوهم ومايدرون عنها
وبنتهم مسكينه على قد حالها 00طيب اذا ماتبون تعطونها فلوس في يدها
عطوها من اشيائكم المرميه عطوها غرفه ستاير فرن اي شي
لاترمونه في الشارع والله حرام
والمصيبه الأعظم
انهم حتى يوم خطوبه اختها الصغيره ماعزموها عشانها متزوجه فقير وبنتهم خاطبها واحد ميسور قالوا لاتحسدها
ويوم حفله نجاح اختها الصغيره ماعزموها يقولون بتفشلنا ماعندها لبس
ودائما في مناسباتهم يتصلون عليها يقولون 000يافلانه عندك لبس حلو ؟؟ ولا ترا ماراح نعزمك
صراحه شي يبكي ليه كذا ؟؟ تصدقون حتى اذا راحت عندهم يدسون ويخبون عنها كل شي
يخافون لاتحسدهم
مسكينه 00عاد والله قلبها ابيض وطيبه مره وخدوم وحبوبه سبحان الله
حتى يوم حملت وراحت بتولد عندهم صاروا يتذمرون من وجودها قامت شالت اغراضها وراحت بيتها
وتخيلوا نفاس واول مره تحمل وتعبانه وجاها نزيف ولا احد ساعدها ولا حتى اهتموا فيها
المره الوحيده اللي راحوا لها يسلمون عليها بعد الولاده كانوا رايحين مجمع جمب بيتها ومروا عليها
تقولي البنت اهلي داخلين بأكياس واغراض واشياء وانا حتى ماذكروني بميه ريال
سبحان الله
مع انهم موافقين على زواجها وعادي الوضع لكن سبحان الله ما يمدون لها شي
طز في الفلوس وصخ دنيا لكن اقلها لايجرحونها بالكلام
صارت الفلوس اهم من الضنى 00
صراحه هذي حاجتين كانت كفيله بأنها تعكر مزاجي وتنكد علي في هذا العيد
اسأل الله السلامه والله يهدي قلوبهم ويجمع شملهم ويعافيهم ولا يبلانا
يمكن البعض منكم يتفلسف ويقول اكيد انهم ماوافقوا على زواجها ويتعذرون بأعذار اقبح من ذنب
لكن ا نا ماتكلمت الا عن حاجه شايفتها بعيني والبنت هذي انا اعرفها ومتأكده من كل شي كتبته
وبعدين اتركوا كل شي على جمب 00000000000000 وقول لي وينهم من الأنسانيه
الله قال ارحموا من في الأرض يرحمكم من في السماء
وقال 00 الأقربون اولى بالمعروف
وقال 00حب لأخيك ماتحب لنفسك
وقال تعاونوا على البر والتقوى
اشياااااااااااااااااااااااااااء كثير
اذا امراءه دخلت النار بسبب قطه حبستها لاهي اطعمتها ولا هي تركتها تأكل من خشاش الأرض
فما بالك بأنسانه سواء ام او اخت او ابنه ااواواواواواواو
اسأل الله السلامه
جاذبيت نجد @gathbyt_ngd
عضوة جديدة
يلزم عليك تسجيل الدخول أولًا لكتابة تعليق.
الي يعيش ياما يشوف
اختي القصه الاولى والثانيه بعد فيها تضحيه وصبر
يابختهم مظلومات ولا ظالمات وراح يحصلو نتيجة
صبرهم بالاخره والا الدنياء رايحه بفلوسها ونفوسها
يابخت الام جاهدت بتربية اولادها من عرق جبينها
مامدت يدها وصابره يجي يوم يندمو اولادها الله
يهديهم ولايبلانا والبنت باذن الله ربنا راح يرزقها
على قد نيتها وصبرها
اختي القصه الاولى والثانيه بعد فيها تضحيه وصبر
يابختهم مظلومات ولا ظالمات وراح يحصلو نتيجة
صبرهم بالاخره والا الدنياء رايحه بفلوسها ونفوسها
يابخت الام جاهدت بتربية اولادها من عرق جبينها
مامدت يدها وصابره يجي يوم يندمو اولادها الله
يهديهم ولايبلانا والبنت باذن الله ربنا راح يرزقها
على قد نيتها وصبرها
اللهم حنن قلوب الناس على بعض
وحنن قلوب الابناء على والديهم
وحنن قلوب الميسورين على المعسورين
وحنن قلوب الابناء على والديهم
وحنن قلوب الميسورين على المعسورين
الصفحة الأخيرة
والله قصص تبكي العين وتدمي القلب ..
كيف هالاولاد يقدمون زوجاتهم على امهاتهم ..؟؟
كيف تطاوعهم قلوبهم ؟؟يعني الام تتعب وتكبر عشان تلقي جزاها كذاا ...:44::44::44:
لا حول ولا قوه الا بالله العظيم
الله يحنن قلبوهم على امهاتهم ..
وتسلمين اختي على موضوعك