كوبونات الراقية تسجيل الدخول

؟؟نور الكون؟؟

هذي الحاله مثل ظلي واي وحده مرت فيها تساعدني الله يفرج عني وعنها

نزهة المتفائلين •

اخواتي انا متابعه هنا من فتره وسجلت قلت يمكن احصل احد عنده نفس معاناتي

الي لها سنين طويله والله يمكن اقول ان ثلاثة ارباع الاعراض الي يقولونها البنات مرة علي والحاله تتطور

لاكن الحمد لله مع الرقيه واستعمال الزيت والزمزم فيه تحسن اللهم لك الحمد

والله تجيني اعراض اول ما اعرف اعبر عنها سبحان الله تحسين نفسك انتي ومو انتي عايشه ومو عايشه كاني في دوامه او في مثل الغيبوبه

لاكن اكثرشي ومستمر معايه من فتره طويله صعوبة اختلاطي بالناس مهما حاولت من وانا صغيره

بس بتطورات مع السنين الى ان وصلت اني اكره الناس وما ارتاح الا بالعزله والناس تنفر مني بدون سبب

والاحظ والله ان الناس تتجنبني والله ان جاراتي يتجمعون واشوف صنادلهم عند الباب واقعد ابكي بكاء مر ويتقطع قلبي

لاني في غربه وما اعرف احد في منطقتي ودي اجتمع معاهم بس اكره الحاله الي تجيني

جلست فتره احس اني متحسنه وراح عني شعور الكره نا حيتهم واحساس انهم يحقدون علي ويكيدون لي

وحسيت ودي في جمعتهم ودخلت معهم كم يوم وكنت مبسوطه

ومو مصدقه اني قادره اختلط معهم وانزل لهم يوم وهم مجتمعين ومن دخلت مع الباب جاني شي نفظ جسمي

وحسيت اني مو متماسكه شوي واطيح على الارض واحس اني في عالم ثاني واني غير عنهم وحتى فنجان القهوه

ما اقدر اشيله لفمي بيطيح من يدي يدي ما اقدر ارفعها لفمي واشرب الا بصعوبه الحرمه تكلمني وانا مو معاها

واحاول اضغط على نفسي علشان مايبان
والمشكله قبلها بيوم واحنا مع بعض وكان الوضع كويس

واذا احد بيجيني البيت وقال لي قبلها بكم يوم يالله انواع العذاب تفكير في كل شي وتوتر وقلق فضيع والي بتجيني وحده عاديه لاكن ما اقدر استمتع وانبسط مرره او اكون على طبيعتي

وفي الاخير اعتذر لاني حتى النوم يصعب علي واصير اول ما افتح عيوني من النوم يجي على بالي يوووووووووه

بتاجيني اليوم واصير بس افكر ومهما احاول ما اقدر اسيطر عليه واعصب على اولادي وزوجي

والله كارثه واذا بروح لاحد العن والعن استغفر الله انواع التوتر والتعصيب على اولادي كاني بروح لمعركه

ووالله احس باستخفاف الناس فيني واحس بهبوط معنوياتي مره واني غبيه وما استحق اعيش وانهم احسن مني واني ناقصه والاحظ كثير صدودهم عني وانا احس مو مركزه على كلامي واحس اني معزوله عنهم

هذا الشعور والله يقتلني والوحده اكثر واكثر وخصوصا ان زوجي اجتماعي ودايم ينتقدني وهذولا تجمعو وذولاك عازمينا والا احنا لازم زي ابليس لحالنا ويحسسني اني اقل من الناس واني غير عن الناس صرت اقول له انت روح وين ماتبغى وانا اركني كذا مرتاحه

وانا والله مو مرتاحه لان الخميس والجمعه احيان ودي بمن يونس غربتي وافضفض لها
وبناتي احد يسليهم ودايم يقارنون ليش ما نروح زي فلانه وفلانه

تعبت نفسيتي مره

وانا كنت احاول اضغط على نفسي واروح بس والله ارجع وفيني ضيق الله اعلم فيه وافكر في كل شي بشكل غريب

وما اقدر انسى ويجيني حزن شديد

وهذا الشي مو جيراني لا حتى اهلي وقرايبي واخواتي صار الموضوع يتوسع اكثر واكثر والله الحين ما اطيق اكلم احد حتى استغفر الله امي احيانا كثير مالي نفس اكلمها

واي وحده اتعرف عليها ما ارتاح الا اذا قطعت علاقتي فيها والا اتعذب ليل نهار

اخر شي اتمنى اي وحده تجيها ها الاعراض انها تقول لي لاني لاحظت اكثر الي فيهم مس عاشق اعراضهم فيها اشياء متشابهه كثير

وانا من سنين اتعالج واتاثرت اكثر شي لعلاج المس العاشق وما عرفت الا من كم شهر سبحان الله

هذي معاناتي اتمنى يا اخواتي القى تفاعل بالذات الي عندها مس عاشق وحسبنا الله ونعم الوكيل

اخواتي سؤال ضروري تجاوبوني الله يوفقكم مع هذي الحاله الاحسن تبينين للناس انك ا تصدين عنهم الا لانك تعبانه

وماتخلينهم يشيلون عليك خصوصا اني احيان كثير اعتذر منهم ويزعلون والا ماتعلمين احسن



15
4K

يلزم عليك تسجيل الدخول أولًا لكتابة تعليق.

تسجيل دخول

ساره الحبوبه
ساره الحبوبه •
شوفي حبيبتي انا والله ماعرف شي عن مس العاشق

بس انا وانا اننساانه جدااااااااا اجتمااعيه تجيني حاله مابي اروح لاحد واذا دريت بيجينا احد اتضاايق واقول اوف وش يبوون وافرح اذا طلعووو

تجيني حاله والله مابي الناااس احس كذا مرتااحه في البيت مع اهلي والتلفزيون يعني مو داايم بس انتي يمكن فييك خووف وزااد بعد لانك ركزتي ع السالفه شوفي الحل الي اقدر اساعدك فيه وباذن الله بينفع معك
حاولي لاجاتك الحاله = توضي وصلي ركعتين وتعوذي من ابليس+ والزمي الاستغفاااااااااار بكل وقت لاتقولين الاستغفار ماله دخل بحالتي بالعكس
هو علاااااااااااااااااااااج سبحان بتحسيين بنشرااح بالصدر وراحة البال وبتحسيين انك سعييده لو كنتي في بيتك وبن عيالك ماطلعتي ،،،،،،،،،
حاولي تعوذين من الشيطان واقري كل يوم سوره البقره او جزئيها ع يومك ومع الاستغفار = صدقيني النتيجه بتغيرين 100% بتطلعين انساانه ثاانيه بس انتي لاتكبرينها ان شالله مافيك الا العافيه اهم شي انبسطي مع زوجك وعيالك ومع العلاج الي قلته شوي شوي بتحسين بتغيييييييييييييييييييييير ،،وبتذكرين كلامي
الله يفرج همك عاجلاً غير اجل ،،الله يشرح صدرك ويسعدك اللهم امين ,
؟؟نور الكون؟؟
؟؟نور الكون؟؟ •
اختي ساره الحبوبه الله يسعدك دنيا واخره المشكله انها مستمره يعني احيانا اقدر اتناساها لاكن انا مغتربه عن اهلي والمنطقه الي انا فيها ما فيها احد يقرب لي احس بوحده فضيعه وعندي بنات كبار بس لاهين مع صديقاتهم وزوجي مع اصحابه الاربعاء والخميس يسهر معهم الا اخر الليل
والله احيان ازهق من التلفزيون ومن كل شي واروح غرفتي اقفل بابي وابكي لين انام بالذات ليل الشتاء طويل والوحده مرض

واحساس الواحد انه مو مرغوب فضيع احاول اتجاهل بس والله غصب عني وعيالي الصغار من يشوفون عيالهم متجمعين يقولون طفش ليش مانروح ياحظهم واحيان يسوون حفلات لاولادهم وانا اسمع سوايفهم وضحكهم وبنتي تقعد زعلانه تبغى معاهم

احساس صعب ويحسسني بعجزي اكثر

الله يفرج كل همومنا يارب ويشفينا انه سميع مجيب

واشكرك عزيزتي وطريقتك ان شاء الله اطبقها موفقه يارب

فيفا نور
فيفا نور •
الله يشفيك ويرفع عنك البلاء
خشف مررره
خشف مررره •
لاحول ولاقوة الابالله .... الله يشفيني ويشفيك وجميع مرضى المسلمين
عليك بالرقيه ياختي وتوكلي على الله وماتشوفين شر..
& وحدي وفيت &
& وحدي وفيت & •
أسأل الله العظيم رب العرش العظيم أن يشفيك000
أسأل الله العظيم رب العرش العظيم أن يشفيك000
أسأل الله العظيم رب العرش العظيم أن يشفيك000
أسأل الله العظيم رب العرش العظيم أن يشفيك000
أسأل الله العظيم رب العرش العظيم أن يشفيك000
أسأل الله العظيم رب العرش العظيم أن يشفيك000
أسأل الله العظيم رب العرش العظيم أن يشفيك000
أسأل الله العظيم رب العرش العظيم أن يشفيك000
أسأل الله العظيم رب العرش العظيم أن يشفيك000
أسأل الله العظيم رب العرش العظيم أن يشفيك000
أسأل الله العظيم رب العرش العظيم أن يشفيك000