هذي العيشة تعبتني ... اللي عندها حل لا تبخل علي

مرحبا بنات حواء العزيزات 
اول شي و قبل كل شي انا احب اني أشهد الله على ما أقول لان ما أريد أحد يفكر اني اكذب أو أبالغ 

قصتي بأختصار انا متزوجه وساكنه بمنطقة تبعد تقريبا 4 ساعات ما اشوفهم إلا بالشهر مرتين أو بالمناسبات أو إذا أخذنا اجازة 

المهم يا طويلات العمر انا ومثل ما اشهدت الله على كلامي ما عمري ظريتهم احترمتهم وحبيتهم بس سبحان الله هم طبعهم نكران المعروف وفيهم الحسد والكره ما يحبون اللي احسن منهم بمعنى ما يحبون اللي متقدم عليهم بشي 
يعني انا الوحيده اللي وسط سلفاتي عندي سيارة و عندي شغاله وعندي وظيفة اشكر الله و أحمد فضله بحكم دراستي انا الوحيده اللي بينهم عندي شهادة جامعية والله اني ما أقول كذا من تكبر بس انا جالسه اقولكم ليش هم يحسون بالغيره ... 
ما عمري تكبرت عليهم أو حسستهم بالفرق اللي بينا بالعكس اساعدهم واجبهم واحترمهم 
فتحت لهم بيتي وقدمت لهم كل شي 

مشكلتي يا بنات أن أهل زوجي ذولا الله  يصلحهم فيهم حسد وفيهم كره
يعني انا حاولت اكسبهم بشتى الطرق ما قدرت الكلام طلعوه علي السحر اتهموني فيه وكلام كثييييييييير يطول شرحه
طبعا زوجي ما كان يدخل ولليوم ما يدخل يقول خليهم يتكلمون ما هموني 
المشكلة يا بنات فيني انا ما اقدر أعيش لحالي لكن صرت اظطر اني لما اروح عندهم اجلس بقسمي ما اجلس معاهم لاني تعبت من المشاكل صرت ما أكلمهم ابد ولا بينا رسايل ولا مكالمات ولا أي شي من باب اني ابغى اشتري نفسي من المشاكل 
بس انا في نفس الوقت مع ابغى اسوي فتنه أو اقطع رحم خايفة زوجي يزعل مني ويتخاصم هو وأهله بسببي 
ارجوكم عطوني الحل 
بس لا تقولون اكسبيهم لاني حاولت وما في فايده لأنهم ما يقدرون يتخلون عن اطباعهم الشينة