هذي المشكلة اثرت فيني وايد ... شاركوني

الله يكون بعونج .. ما أقدر أحكم على هالشغله ان كانت طبيعية او لا .. لكن الرجال يختلفون مو كلهم يحبون الجنس ولاكلهم عايفينه .. مادرى بس أكيد فيه فروقات بين الرجال بعضهم البعض .. انتى أهم شى يكون هناك حوار يومى بينج وبينه مو شرط علشان هالشىء .. وممكن تفاتحينه بهالموضوع .. انج تقولين له انج تكونين منتظرته بشوق وكاشخه علشانه .. وعاتبيه انه يكشت فيج .. وأن هالشىء يتعبك نفسيتج لأنك تحبينه وتتوقعين منه ليله رومانسية
.. ومن هالشىء ..
على قولتج الوحده المتزوجه بصراحه تبى هالشىء وحلالها بينها وبين زوجها .. لأن الزواج يشبع حاجة المرأه للجنس وهذا شى طبيعى ..
ذكرتينى بصديقتى .. نفسج تكشخ وتلبس وبالأخير يخيب آمالها .. وقالها بالحرف الواحد .. انا بخلى هالشىء مره كل اسبوعين .. !! صديقتى استغربت وتسألنى .. تقول زوجى بارد وانا ما اتحمل .. ليش يحدد عدد النومات بالشهر .. انا انسانه وعندى أحاسيس .. والله مادريت شقول لها .. الا انى اخلق لزوجها أعذار .. وقلت اهم شى خليج قريبه منه .. على الاقل هى زوجها ماتشوفه دايما برا البيت لكن انتى الحمدلله زوجج يحبج .. يعنى انتى افضل من غيرج لكن حاولى تعالجين هالمشكله بالحوار.. وايانى وإياج تضعفين وتبحثين عن بدائل.. يعنى انتى واجهى المشكله .. وعلمى فيها زوجج .. علشان يحس فيج وينتبه لهالشىء .. يمكن هو مو على باله .. او مو منتبه .. انتى نبهيه .. لان صديقتى وصلت انها تكلم رجال بالتلفون
غير زوجها .. والله ولو مانصحتها و أقنعتها بحرمة هالشىء وانها انسانه مؤمنه وقلت لها افرضى لو زوجج اكتشف هالشى او ربج فضحج راح ترجعين مطلقه لبيت اهلج .. يعنى خسرانه .. بس خساره عن خساره تفرق .. وكلنا نعرف ان الشيطان ما مات .. اتمنى ماتفهمينى غلط يا اختى لكنى عرضت لج تجربة صديقه لى .. والحمدلله صحيح زوجها ماتعدل لانها تستحى تكلمه بهالموضوع وهذا شىء غلط يعنى هى بدل ماتحل مشكلتها خلقت لها مشكله جديده وأكبر من الأولى ..
لكن يكفى انها تابت وقعدت على بيتها .. ولاتزال صابره ..

السلام عليكم

اول شيء اسال الله سبحانه و تعالى ان يفرج همك و يسعدك مع زوجك

ثاني شيء اذا زوجك بارد جنسيا فهناك اطعمه تقوي الغريزه عند الرجل مثل طعام ملكة النحل فهو جد جيد كذلك كثري من اكل السمك و المكسرات

حاولي تقنعيه انه يروح لطبيب و اذارفض روحي انتي و سالي و الله يعنيك

ان شاء الله الاخوات يساعدونك

مشكورين على الرد والاستجابة السريعة للموضوع

بصراحة زوجي يعرف اني لما البس قميص نوم من اللي يشجع على الجنس يعرف اني اباه ولي رغبة فيه بس هو يطنش ويتجاهلني طبعا هذي اهانة بحقي ... الله يسامحه ...

اما بالنسبة للاكل فهو ياكل بحري بشكل طبيعي .... بس ماادري شو مشكلته تناقشت معاه بالهموضوع قبل شهور... ووعدني انه يتغير بس ما اشوفه تغير

خليها تجي بعفويه منكم الاثنين مو لازم بلبس مخصص

واذا لك رغبه ياختي صرحي له ماهو عيب ولاهو حرام لان حلالك هو
زي ما قالت الاخت فيه اطعمه مثل الاسماك والزنجبيل والتوابل الحاره تخلي الرغبه عنده زايده

نفس مشكلتي زوجي يقولي مرة في الاسبوع واحيانا مرة في الشهر ولمن اقولة يقول قبل امس كنت جايك وانتي غلطانة بس انا شاكة فية انة يشوف الافلام الاباحية ويمارس العادة السرية
وهذا كلام بعض الاطباء النفسين ومحتارة ماادري وش اسوي