هذي انشودتي المفضله اسمعها لطفلي !! ارجو المشاركه

حلو موضوعج اختي ويسعدني اني اول وحده ترد انا عندي بنت عمرها 5 شهور الله يحفظها ومن اول يوم ولدت فيه وانا عودتها على اشياء معينيه مثلا يوم تبكي اسمي عليها بس ولكن بطريقة للاطفال يعني كاني انشدها ويوم انومها احضنها واضمها على صدري واقولها بسم الله بسم الله ما شاء الله ما شاء الله بسم الله بسم الله لا اله الا الله محمد رسول الله واقولها نشيده ثانيه حافظتنها من صغري كنت اسمعها بالتيلفزيون وهي كل امهاتنا يقولونها اقولها محمد زين كله زين مولود الضحي الاثنين محمد زين كله زين مولود الضحي الاثنين انشق القمر نصفين على حضرة رسول الله واعيد عليها كل شي مرتين وبعدين اقولها اياه باسمها مولوده الخميس العصر ما شاء الله جميله ما شاء الله
اما وقت اللعب فانا اقولها على اغاني الرسوم المتحركه فلونه وهايدي وعدنان ولينا مال اول لكن المسلسلات الحاليه ما تعجبني الصراحه واحيانا اذا متضايقه مسجله في موبايل ابوها شوية اناشيد من الاذاعه وادعيه والاذان واشغله واخليه بعيد عنها شويه وتسمع وتبتسم

بنتي لماكانت صغيره أنشدلها لما تجي تنام
(لاإله إلا الله نورن على نور00 لاإله إلا الله تشرح الصدور)هذي أنشوده كانت أمي دايم تقولها لنا
والحين يوم كبرت بنتي سرت أنشدلها 000
عصفوري كان صغير ربيته على أيدي
حبيته حبت قلبي
وسقيته دمعة عيني
لما كبر وريش صار ينقر بخدودي
كل الناس حسدوني أخذو عصفوري مني<<<الله يكفينى شر الحسد00لآمين

طبعاً أسويها لها بحركات 000

:heart:UAE DEW:heart:

ألف شكر لك اختي على مشاركتك الحلوه ... وشي يشرفني انك بدأتي الرد

على الموضوع ... والحمد لله انه عجبك :icon18:

بالنسبــه للانشوده اللي ذكرتيها مررره حلوه .. وتم الحفظ :cool:

اما لاغاني افلام الكرتــون ... امممممم تنفع :16:

لكــن مثل ماقلتي ... افلام الكرتون اول احلى من الحين ... والموبايل مش بطال :rolleyes:

يعطيك العوافي والله يهنيك ويسعدلك بنوتك :27:

************************
:heart: بسمة حواء :heart:

تسلمي لي على الرد ... وبالنسبه للاناشيد حلوه ...

بالنسبه للاولى لو فيها تكمله ياليت تكتبينها لان واضح من البدايه حلوه

والثــانيه كمان اعجبتني ..ونعملها بحركــات ان شاء الله :42:

يعطيك العوافي والله يهنيك ويسعدلك بنوتك :27:

... تم الحفظ :cool:

************************

وبـــانتظار البقيــــه .. لاثراء الموضوع بالاناشيد :)

اهلين اختي
انا عندي بنت عمرها اربع شهور و من يومها بالنفاس و انا انشدلها لا اله الا الله محمد رسول الله على بنتي ما شاءالله خلو (ميوسه) عندي و اعطيها جوز الهندي
و هذي بعد انشوده قدييييمه
هداده و الرقاده خلو بنيتي تنام على مخيدة النعام و اذبح لها جوزين حمام يا نوم دوخ دوخ على بنيتي نوخ (ميوسه)تنام الناني على مخيدة النعام <<<<< و الله اني اضحك و انا اكتبها
و فيه وحده طوووويله يمكن تعرفينها هوه يا هوه و الكعبه بنوها سيدي سافر مكه..... الخ
و احيان اغني لها توينكل توينكل لتل ستار
و هذا اللي عندي:)

http://hawaaworld.net/images/smilies/heart.gif رمـااال http://hawaaworld.net/images/smilies/heart.gif


ألف شكر لك على مشاركتك الحلوه ...

الاناشيــد اللي تقولينها حلوه ... لكن عندي سؤال :16:

الانشوده الاولى ليــه نهايتها جوز هندي .. عجبتني موت لكن ليــه... :16:

وكمان الانشوده الاخيره انا ما اعرفها ياليت تكتبينها ..

يعطيك العوافي والله يهنيك ويسعدلك بنوتك :27:

... تم الحفظ

************************

وبـــانتظار البقيــــه .. لاثراء الموضوع بالاناشيد :)