هذي اول مشاركه لي معاكم

اول مره ادخل القسم والله استمتعت وانا اقرا فيه وقلت بكتب لكم قصيده من قصايدي تقرونها طبعاً اول
مره حد يقرا من كتاباتي لانها مو قصيده بمعنى الكلمه بس محاولات او ذكريات يوم كان عمر 14
سنه والحين عمري دبل فهذي كانت اول كتاباتي وانتوا اول من يقراها ...هي مرثيه حق اختي كانت اعمارنا متقاربه ونحب بعضنا واجد وكانت من ذوي الاحتياجات الخاصه ان شاء الله التقي وياها بجنة الفردوس يارب العالمين ولا يحرمني من غالي يارب..


غاب عني في سنا فجر جديد وله انين فالمسامع له دوى

قمت اشيله كنه الطفل الوليد واحضنه من فوق صدر به غوى

رحت اسارع عل له عمر جديد اثر رب الكون يفعل مانوى

قال سكر الموت انا اسرع اكيد سل روحه الموت ثم عنه ضوى

شوف عيني يبتسم لي ويستشيد ان ذكرانا في هالكون احتوى

ولي عيونه قالت القول الاكيد انه في يوم بنتلا قى سوى

وودع الدنيا مع اطلال القصيد وبي خفوق من فراقه اكتوى

يوم شاله المعطف الابيض بأيد وقال انه من على الكون انطوى

وانحفر قبره وهو مثله فريد واصبحت عطشان والارض ارتوى

قالوا اللي قولهم لي مثل قيد اتركه عنك وخله فالنوى

جعل قلبي يصلى في نار وعيد يكتوي ويشمت عليه كل من روى

كيف ابنسى قصة الحب المديد كيف ابنسى من على قلبي قوى

ولو نسيته كيف يشهد لي ويشيد هالزمن في حب اثنين اهتوى

هذا توا العمر وهو لي فقيد كيف باقي العمر اصلى وانشوى

ودي اسأل هو انا بس المحيد والابه غيري فهالكون انكوى

عزى لقلبي ياطلاب العبيد راح منهو كان على قلبي لوى

ذي ارادة صاحب الراي السديد وهذا حال الكون صفحه تنطوى