السلام عليكم خواتي
هذي طريقة الكبسه اللي طلبوها بعض الاخوات بالصور ولكن الاختلاف ان مااضفت صلصة طماطم والدجاجه بدون جلد ومقطعه اربع
يعني اللي تبغى تسوي نفس اللي في الصوره اللي في الموضوع تمشي بنفس الطريقه ولكن تضيف صلصة طماطم مع الكشنه وتخلي الدجاجه بجلدها مقطوعة نصفين بس
بسم الله نبدا
البهارات فلفل ملح كمون ماجي قرفه ورق غار قشربرتقال ناشف كركم مطحون كزبرة ناشفة مطحونه بهارات مشكله مطحونه طبعا بالكميات اللي تناسب كل وحده
تقطعين بصله كبيره وتقلبيها في الزيت لين تحمر بعدها تحطي الدجاجه وتقلبيها وتظيفي كللل البهارات
وتقلبيها وتقطعي حبتين طماطم وتقلبيها وتخليها شوي لين تتسبك
وبعدين تحطي المويه المغليه وتقفلي القدر الظغط لين تستوي الدجاجه
بعد كذى انزعي الدجاجه من المرقه واكبسي الرز في المرقه لين يستوي الرز بعدها تكوني مولعه فحمتين خذي وحده واحفري حفره صغيره في وسط الرز وحطي قشرة بصله وحطي عليها الجمره وحطي نقطة زيت وحبة مستكة وقفلي القدر بسرعه
نجي للدجاجه نقطع بصله فلفل رومي وجزر ونحمرها مع شوية زيت وبعد كذى تطي الدجاجه واذا حابه تضيفي بهارات والا يكفيها اللي في الكبسه انتي حره
وتجيبي الجمره الثانيه وتنفخيها من الرماد وترمبها وسط الطاوه وتغطي الطاوه وتهزيها لين تطفى في الزيت وتبخر الدجاجه
وعوافي
خواتي ادعوا لي بالولد الصالح وشكرا
الصفحة الأخيرة
ناويه استفيد منهم ويرجعون لهم باقي البنات وبتحصلين دعاوي يحبها قلبك من الكل.