هذي تجاربي مع الخلطات ..تجارب مضمونه ميه بالميه ..

السلام عليكم صبايا ..

كيفكم ..

اخذت خلطات من المنتدى الله يجزاهن خييير وين ماراحن ..

بديت اهتم بنفسي .. الحمدلله انا ما احتاج شي كايد بس اطمح للأفضل ..

::

اولاً .. الوجه

جربت اسكينول بالخيار مره حلو .. وجربت كريم نيبو .. يخفف مره من اثار الحبوب ..
::

ثانيا ..

اليدين ..

طبعا مع الشتاء والبرد اليدين جفاف + اسمرار + خشونه ..

الحل ..:32:

اخذته من هنا بالمنتدى مادري مين بس الله يوفقها ..

نص علبة كريم جليسوليد الاحمر + قرصين فيتامين سي + فنجانين زيت لوز + عصير اربع ليمونات ..

نذوب الفيتامين مع عصير الليمون لمن تذوب مره .. ونخلطه مع الجليسوليد وزيت اللوز ..

استخدمه يوميا قبل النوم ..

حلاوة الخلطه مره حلوه مالها ريح .. وتتشربها البشره ..

( وربي اسبوعين بس استمرين .. تغيرت يدي مررررررررره ماشاء الله ) حتى المفاصل فتحت بشكل واضح مررررره ..ماراح تندمين عليها ..

مو بس ادهن اليدين .. اليد والساعد والكوع .. حتى الكوع فتح ماشاء الله مررررررررررره ..

وصرت احطها بكل وقت .. خصوصا ايام الدوره ماتحتاجين وضو .. فتحطينها عادي .. اهم شي وقت الدوام والشمس ماتحطينها علشان ماتقلبين ..

وللحين انا مستمره فيها ..

::

ثالثاً ..

القدمين ..

اخذت وصفه من هنا .. هي نعم فقط لكن مابيضتها .. بس العكب فتح بشكل واااضح مره ..

الخلطه ..

صابونة دوف مبشوره .. ( الاحسن من الصابون المبشور صابون سايل ) + فكس + فازلين + معجون اسنان ..

صراحه طرااااوه مو طبيعيه ماشاء الله .. :42:
بس تفتيح مافتحت .. وابي خلطه مضمونه ومجربه لتفتيح القدمين الله يجزاكم خير ..

::

الركب ..

واهم شي الركبه ..

وربي وربي يابنات تفتحت عندي مرررره حتى خواتي لاحضو ..

وللأمانه الخلطه اخذته من اختنا ( مناير بنت حمران النواظر )

تبين شي حلو .. لازم تستمرين ..
واللي تبي الزين .. تستمر ولا تمل ..

الخلطه الاولى ..
ملعقة جلسرين سايل - ملعقة كركم جسم - ملعقتين فازلين - ملعقتين ملح الليمون ( من العطار )
تاخذين من الخلطه وتفركين ع الركبه .. افركي فرك مايل للقوه وركزي ع السواد ..
افكري مده 3 دقايق ..

وبعدين غسليها زين ونشفيها ..

::
بعدين الخلطه الثانيه ..

2 م مقشر المشمش + م ملح الليمون + م كركم جسم + 2م سدر مطحون + 2 م ملح الحليب ( كلكم تعرفونه ابو بقره )
ان صارت الخلطه ثقيله عليك شويات لدرجه ماتقدرين تدهنين .. اضيفي شوي زيت جلسرين علشان تلين ..

::

بعد ما تغسلين ركبتك من الخلطه الاولى تجيبين الخلطه الثانيه تبع السدر وتفركين كمان لمدة 5 دقايق .. وبعدها تلفين ركبتك ببلاستيك .. وتتركينها ساعتين ع الركبه ..

بعد ساعتين فكيها وغسليها بصابونتك المفضله .. علشان تنضف عدل ..

..

وبعدها الخلطه الثالثه >>طولت

ترى وربي الخلطات كلها سهله بس يبي لها عزم ..

-3 ملعقه بودرة جونسون للاطفااال (اخذت اللي باللافندر عشان ريحتها عاجبتني وانتي اختاري اللي يريحك ) - 1 ملعقه سفيد اب مطحون - ا غطاء زيت جنين القمح - 1 ملعقه جلسرين سايل - وعلبة فازلين الاطفال

تقدرين تحطين غطاء من زيت الليمون وزيت الورد وزيت اللوز

وتدهين عليها مثل اي كريم عااادي ..

..

اللي تبي نتايج اسرع يوميا تستخدمها ..

انا استخدم يوم ايوا ويوم لا ..

ولي اسبوع فتحت ركبتي بنسبة درجتين لـ 3 درجات وصارت ناعمه مره ماشاء الله ..

ولازلت استخدمها لما يرووووح السواد نهائيا ان شاء الله ..

::


نجي للتشققات ..

عندي مثلي مثلكن تشققات حمرا وبيضا ..

التشققات الحمرا حليتها ياربي لك الحمد .. وعن تجربه ..

في وحده هنا نزلت الخلطه الله يجزاها خير ..

( زبدة شيا خام ) مالقيت خام اخذت اللي من بودي شوب بـ60 ريال .. + شوي من خل التفاح بس سمعت انه مايصلح وبطلته .. + كريم الكاكاو بالمرز + غطاء من جنين القمح ..

خلطتهم جميييع .. وصرت كل يوم افرك فرك مو سهل حتى وربي يديني تتعب من الفرك ..

بعد اسبوعين لـ3 اسابيع التشققات الحمرا راااحت وخفت كثييير .. صارت بني فاااتح مع الاستمرار يرووووح ..:32:

بالسبه للتششقات البيضا ماراحت .. لكني استخدم اللحين كريم جرجنز بزبدة الشياء ..مالقيت فرق لكن بأستمر ماراح أأيئس ان شاء الله ..



::

بالنسبه للمنطقه الحساسه ..

اولا وقبل كل شي انا ما استخدم حلاوه .. استخدم موس .. عيت امي استخدم حلاوه تقول ترهل وامي اخبر طبعا ..
تقولون تسبب سمار ..

انا كل يوم اول ما اصحى وقبل انام امسح عليه بقطعه قطن فيها اسكينول بالليمون او الخيار اللي متوفر عندك ..

طبعا امسح من برا .. وربي يطلع نون ومايعلمون .. ومع الاستمرار خف السواد كثيييير ..

دايم البس كلوت عادي وفوقه فوطه فام لأنها قطن ميه بالميه .. اغلب الكلوتات اللي نشريها نايلون مو قطن ..
والي تلبسها لا تقول منين السواد والحكه والحبوب والريح ..

من صرت استخدم فام كل يوم علي الدوره او مو علي وربي ارتحت كثيييييييييييييير .. والمشاكل بدت تنحل شوي شوي ..

قلت استخدم فام على بال ما اشتري كلوتات رجال .. لا تستغربون .. ملابس الرجال هي القطن .. مو حنا الحريم مافي مصداقيه بالبيع .. حتى الكلوتات اللي مكتوب عليها قطن تبع الحريم .. احس خرطي لأني جربتها وما ارتحت .. حقت الرجال هي الصح ..

ادهنه بكريم الدوكين بس مو يوميا ..

طبعا منقوع المره والديتول ميته عليه .. بس امي رفضت تقول يرهل ويسبب ارتخاء للرحم مع الوقت .. :(

..




نجي اللحين للشفايف .. استخدم لها فازلين ..ادهنه بكل وقت ..مره ينعم ويزيل التشققات اللي فيه ..ويوردها مع الاستمرااااااااااااااااااار ..



..

بستخدم الترمس للوجه والمنطقه الحساسه .. لانه يمدحونه .. وللحين ما شريته .. بس اشريه واستخدمه واجربه راح اكتب تجربتي ..

..

لأني اتمنى لكم الخير كتبت اللي عندي ..

دعواتكم لي بالتوفيق بالدراسه + الزواج :( واني اقنع بنصيبي ..

وان يسهل اموري ويزقني من حيث لا احتسب ..

::

واللي تامر بشي واعرف له ماراح اقصر ان شاء الله ..

بس وربي هذي تجاربي ولازلت عليها .. ولاحضت الفرق الحمدلله ..

اللي تبي تغير نفسها تجرب وراح تدعين لي .. :p

اللي تبي تنقل الموضوع تنقله حلال عليكم .. اهم شي الفايده ..

::



جامعيه مقروده