هذي تجربتي مع الاستشارية ميندا الفلبينية في المستشفى الوطني الله لا يوريكم

سبق وسألتكم عن المستشفى الوطني في شارع الستين وكثير كانوا يمدحون ميندا
الفلبينية لا واستشارية بعد ,, رحت لها وانا مطمنة ,,,


لقيت المستشفى كله المراجعين حتى والله ماشفت غير سعودية واحدة والباقي
من اخوانا العرب والاجانب وزحممممة ,, ويلطعوني ساعة ونص برا ,,الكلام هذا
وانا باالشهر الثالث ,,


بعدين دخلت عندها ودخلت زوجي معي على اساس اسوي اشعة صوتية ونطمن
على البيبي سوا ,, الا ادخل ماعندها اشعة صوتية فغصت سيقاني شوي بعدين
قالت تعالي نطمن على البيبي فرحت يوم رحت لقيته جهاز قياس النبض يعني مو اشعة
صوتية ,, تخيلوووو؟؟؟ بعدين قالت لي هذا النفس حقه لسى النبض مايبين ,,
انا انصدمت شلون مايبين والدكتورة الاخصائية بالمستوصف الي كنت اراجع عنده سمعتني
نبضه من الاسابيع الاولى يمكن بالاسبوع السابع او الثامن وانا الحين بال12 اسبوع او 14 اسبوع
وما اسمع نبضه تفاجأت الدكتورة من كلامي وقالت كيف سمعت النبض ؟؟ هي سوي اشعة من تحت
تقصد اشعة مهبلية قلت لها لا .. قالت هذا مستحيل يسمع صوت نبض باشعة صوتيه لسى
صغيييييييييييييييييير انا انصدمت ماعرفت من اصدق بس الي واثقة منه ان هالاستشارية خرطي

قلت ماعليه قالت اذا تبين تسوين اشعة صوتيه بـ 250 ريال وانزلي تحت يعني مو عندها بهالغرفة
الوقت تأخر والسعر غالي وغير كذا بتقول لي مافيه نبض اصلا خوفني كلامها عشان كذا قلت لا
شكرا ,,
بس علمتها اني ما اكل شيء بسبب نقص الشهية عندي اكتبي لي كالسيوم لأني معد اكل
خصوصا الحليب ومشتقاته قالت خلاص كتبت لك كالسيوم واقعد عليه يابنات اسبوعين واستمر
على هالدواء وانا كل يوم :06:أتألم من ظهري والركب احس عظامي تتآكل والله اني احس العمود
الفقري يهتز وأنا امشي يوم تعبت رحت لأخصائيتي الاولة وقلت لها قالت شكله نقص كالسيوم
قلت كيف وانا اكل حبوب كالسيوم يوم وريتها قالت : هذي مو كالسيوم هذي فيتامين ب؟؟؟؟؟؟؟


انا هنا انصدمت والله يابنات وضاق صدري وحبيت اعلمكم ان ماعندها سالفة وكل يوم اقول بكتب
وانسى والحمدلله احس اني احسن من اول بس مو مرة يعني الالم نفسه باقي صح تحسن
بس احس اني تأخرت مرة في اخذ الكالسيوم وانا احتاجه ,, اجل ليش مسمينها استشارية حسبي
الله عليها وعلى هالمستشفى الخايس ,,,


هذي تجربتي معهم حبيت انبهكم لا تقعون في الي وقعت فيه ,, وترى هجيت من عندهم
والله لا يحدني عليهم ابببببببببببببداً , ادعولي بتسهيل الحمل والولادة وربي يرزقني بمستشفى
وطبيبة حلوين ,, للحين ما ادري وين اولد :06: