سلام بنات بقولكم عن تجربتي ابي افضفض وبنفس الوقت عشان الاستفاده منها
انا لي سنتين متزوجه اول سنه كنا نستعمل العزل لمنع الحمل وبعد السنه صرنا نبي ومايصير تقريبا شهرين او ثلاثه بعدين صادني التهاب فالبول وتعالجت منه شوي ثانيه صادتني التهابات نسائيه وسبحان الله تميت على هالحاله وطبعا للمسالك البوليه اراجع بابن النفيس عند دكتور مصري اسمه رؤوف البرنشاوي وزوجي بعد راح عنده والدكتور طلب منه تحاليل كامله للسائل المنوي وللهرمونات , طلعت نتيجة التحليل انه عدد الحيوانات طبيعي بس عدد المشوه منها كبير وبنفس الوقت طلع عنده هرمون الذكوره منخفض, وقاله الدكتور صحيح انه عندك مشاكل بس هذا مايمنع الحمل هذا يقلل الفرص 50% وعطاه ادويه وفيتامينات وهرمونات كان المفروض ياخذهم لشهرين متواصلين وبعدها يعيد التحاليل وزوجي الله يهديه ويصلحه نفس الاطفال احايله عشان ياخذ الددوا ويوم ياخذه و5 لأ وبعدين وقفه , في هاذي الاثناء كنا نحاول كل شهر ومايصير حمل انا الدكتوره كانت تقولي عندك التهابات وبس بس مافي شي يمنع الحمل والحمدلله , ويعطوني علاج للالتهابات وتيجي وتروح علي كل فتره , ويوم كنت عند البرنشاوي ويقولي انه النهاب البول الحمدلله طاب وكل شي تمام وانا اقوله انه عندي الم ووقت الجماع اتضايق فقالي لازم تروحي عند دكتوره نسائيه وتشوفي فيه التهابات نسائيه ولا لأ , رحت عند دكتوره هنديه بابن النفيس اسمها سنداري كشفت علي وخذت عينه للمختبر وعملتلي سونار داخلي وقالتلي انه وضع المبايض كويس بس فيه بداية تكيس جدا بسيط وماياثر عالحمل ولايمنعه يعني مافي شي وكتبتلي فحوصات للهرمونات كامله وكتبتلي تحاميل بيتادين وبس طبعا سويت التحاليل ماعدا فحص واحد الي يكون يوم 21 من الدوره والدكتوره مارجعت لها لاني ماطبت من الاتهابات لدرجة اني خذيت نتائج العينه الي خذتها من الرحم ووديتها للدكتور برنشاوي وهو الي كتبلي ادويه وتحاميل مهبليه بس برضو ماطبت وتميت اعاني من حكه شديده وانعدااام الافرازات نهائيا ووقت الجماع احس بالم فظيييع , سألت عن دكاتره شاطرين الكل مدحلي الدكتور سلام بالتخصصي , ومع اني كنت ضد اني اروح عند دكتور بس قلت عشان افتك من هالمشكله بروح واتوكل على الله, اول مره رحت قلتله سالفتي من البدااايه ومن يوم ماتزوجت وانه الاتهابات متكرره عندي سوالي سونار داخلي ولما سالته عندي تكيس قالي ماعند ولاشي وقعد يضحك وعطاني تحميله مهبليه وحده بس وطلعت ودفعت 40 دينار (400 ريال) حطيت التحميله وعانيت الجفاف الي كان عندي لدرجة اني موقادره ادخل التحميله كللش تخيلوا ؟ بعدين جيت بطلعها مارضت خلصت شيرت بالنص صبرت عليها شوي تذوب مع الحراره ورجعت دخلتها عدل , بعد 5 ايام رجعت عنده ومعاي كل اوراقي والفحوصات وفحوصات زوجي وكل كل شي وقلتله اني ماتحسنت ووريته التحاليل شافهم وقالي كل شي ممتاز مافيهم شي (وطبعا دكتوري البرنشاوي بعد كان شاف التحاليل وقالي مافيهم شي ) قلت الحمدلله هرموناتي اوكي بس باقي احل مشكلة الالتهابات ورجع عملي سونار وسوة تنظيف وحط دوا داخل وخذ عينه من المهبل عشان المختبر وعطاني هالمره 3 تحاميل مهبليه ودفعت 620 ريال ورجعت البيت وبعد مافي فايده , طبعا انا كنت مخبرته اني لي شهرين استعمل الفحص المنزلي للتبويض طول الشهر وانه ولا مره طلع عندي يوم التبويض قعد يضحك واستهتر بالموضوع وقالي تعالي باليوم ال 11 منالدوره عندي وبصير اشوف التبويض عندك, وعلى اساس اني برجعله بعد عيد الاضحى.
بالعيد قلنا بنروح الاردن نغير جو ولاصديقتي تقولي ليش ماتروحي عند دكتوره هناك هي تروح لها وتتعالج عندها قلت اوكي ورحت عند الدكتوره على اساس اني بعالج الاتهابات , بس كنت احتياط ماخده كل الاوراق , اول ماشافت التحاليل قالتلي انتي عندك تكيس بعدين قالتلي والاهم انه عندك خمول بالغده الدرقيه وعندك ال بي 12 عالحااافه قلت لها لا ماعندي شي وتحاليلي كلها سليمه بالبحرين دكتورين شافوهم وقالولي مافيهم شي قالتلي روحي واسالي اي دكتور عن هالتحاليل بقولك نفس كلامي , الصراحه انصدمت وماعرفت اتكلم بعدين شافت تحاليل زوجي وقالتلي زوجك بعد عنده مشاكل المهم خليني افحصك ونشوف , وسوتلي سونار داخلي وراوتني المبايض وشفت بعيني التكيسات الموجوده :44: وبالنسبه للالتهابات مارضت تعطيني اي ادويه قبل ماتاخذ عينه وتوديها المختبر وانا كنت بعد يومين بسافر يعني مافي مجال بس شرحتلي خطوات العلاج الي امشي عليها وقالتلي اهم شي تروحين تعالجين الغده وكلمتلي دكتور بالمستشفى الاسلامي تخصص غدد رحتله ثاني يوم ويوم شاف الفحوصات مالتي ومالة زوجي قال نفس كلام الدكتوره وعطاني علاج للغده قالي عشان نكون حلينا مشكله وحده عالاقل وفالبحرين روحي دكتوره نسائيه خل تعالج التكيس واللاتهابات وطبعا زوجك لازم بعد يتعالج واذا ماصار حمل بعد هذا كله بنصير نعطيكي منشطات واذا بعد مافاد بنسوي حقن مجهري , بس حالتكم يبيلها وقت ولازم واحد من الزوجين يكووون سليم عالاقل انتوا الثنين عندكم مشاكل, طلعت من العياده يابنات وانا اصيييح اصيح موقادره امسك نفسي من الصياح واول ماقعدت بالسياره خلاص حسيت اني منهاااره تخيلوا كم شهر بالبحرين وانا اركض ومحد فيهم كلف خاطره قرى التحاليل عدل وقالي انه فيه مشكله كان عندي 6 شهور كاملين اتعالج فيهم حسبي يالله ونعم الوكيل , الحين رجعت البحرين طبعا عند الدكاتره الخبراء الي عندنا ومو عارفه شسوي وين اروح؟ كيف اثق بالدكاتره مره ثانيه , اول شي الدكتور سلام مستحيييل ارجعله كلش والبرنشاوي بروحله بس عشان التهاب البول مايرجعلي , وبحاول اقنع زوجي انه يروح عند دكتور ثاني اسمه محمود الفضل وبشوف شيصير وانا برجع عند الهنديه سنداري وبراويها التحاليل اذا شفت انه كلامها نفس كلام الي بالاردن بواصل معاها مع انها ماعالجت الاتهابات الي عندي بس ماعليه بشوف واذا كان كلامها غير بشوفلي وحده ثانيه
هذي قصتي بالتفصيل وباسماء الدكاتره نقلتها لكم للفايده فقط لاغير وربي عالم انه كل كلمه قلتها حقيقه وصارت معاي
وحسبي يالله ونعم الوكيل على كل دكتور مايخاف ربه
وبالنهايه ادعولي الله يشافيني ويشافي زوجي ويرزقنا الذريه الصالحه السليمه احنا وكل محروم يارب العالمين عاجلا غير اجل
يلزم عليك تسجيل الدخول أولًا لكتابة تعليق.
(حـنـيـن)
•
الله يشافيكي ويعافيكي ويشافي زوجك ويعافيه ويرزقكم الذرية الصالحة ويرزق كل متاخرة ويرزقنا معكم اللهم امين اكثري من الاستغفار وتصدقي ولو حتى بشق تمره يوميا استغفار وصدقه بنية الشفاء وربي يكرمك بتوئم اللهم امين
الله يشافيكي ويعافيكي ويشافي زوجك ويعافيه ويرزقكم الذرية الصالحة ويرزق كل متاخرة ويرزقنا معكم اللهم امين اكثري من الاستغفار وتصدقي ولو حتى بشق تمره يوميا استغفار وصدقه بنية الشفاء وربي يكرمك بتوئم اللهم امينالله يشافيكي ويعافيكي ويشافي زوجك ويعافيه ويرزقكم الذرية الصالحة ويرزق كل متاخرة ويرزقنا معكم...
امين يارب العالمين اختي حنين الله يسمع منك ويرزق كل محروم عاجلا غير اجل
74 وحده شافوا الموضوع وماكلفوا خاطرهم يرفعوا الموضوع بدعوه انه الله يرزقني الذريه
تصدقون كل مره اقول مب كاتبه شي بعالم حواء وارجع واكتب فيه لكن توبه هذي اخر مره
تصدقون كل مره اقول مب كاتبه شي بعالم حواء وارجع واكتب فيه لكن توبه هذي اخر مره
الصفحة الأخيرة