السلام عليكم ورحمة الله وبركاته
بصراحة اناكان لي تجربه قبل ثلاث سنين مع ديرما
وقلت اكتبها لكم عشان تستفيدو
انا كان عندي تصبغات واسمرار في الرقبه مع لمعه
وحبوب شباب بس كانت خفيفه واوقات
تزيد شويه وكنت احط خلطات وصابون وبلاوي خلوها على الله
انا بصراحه مافكرت بهالعياده الا لما تملكت
المهم رحت وكتبلي كريمات عباره عن احماض فواكه واحد للوجه وثاني للجسم وثالث انااللي طلبته وكان للمناطق الحساسه مير هالأخير ماستفدت منه نهائيا وكان 280 ريال وشريته مرتين ومافيه فايده
والتركيبات كل مراجعه سعر مختلف
وكنت اكل حديد وحليب وسلطه
والصدق ينقال لقيت فرق وبعد ثلاثة اشهر من العلاج طلب علي تقشير كيميائي وكان ب800 ريال
العلاج استمريت عليه7 شهور وبعد زواجي شهر وماكان يومي مثل اول لا مرتين الى ثلاث مرات في لأسبوع حتى هو قال خففيه واذا في حمل توقفينه
وقفته ولا ماوقفته رجعت مثل اول وزادني الحمل
:44::44::44:
بصراحه خسرت فوق الخمسة الاف
وبلشت وانا حامل وش اسوي رجعت للخلطات والحوسه ومافيه تحسن ورحت ل أماناكير
وقلت ابي شي لمشكلتي ويكون امن على الحمل
وعطاني كريم اسمه وينتج نانو وسعره ب280ريال
ولاشي فيني تحرك ماستفدت شي:icon33:
حست ودرت ولفيت وقررت اروح لزين فرعهم اللي بمركز النمر وشرحت وضعي قالت ماينفع وانتي حامل اذا ولدتي تعالي وبعد الولاده رحت مباشره وانا ام ستة ايام<<<مافيها صبر
واخذت كريم ليل ونهار وقناع طين وصابونة وجه وصابونة جسم ولسيون جسم والحساب 640ريال
بدا وجهي يصفى وكني ارتحت اشوي بس رقبتي ماتغيرت رجعت مره ثانيه وزادت علي كريم بالعنب لظهر كان فيه حبوب والحساب؟؟؟
ومره ثالثه والحساب؟؟؟
المهم خسرت 2300 ريال
وقفت العلاج ورجعت مثل اول:44:
تدرون وين رحت؟؟
رحت لأبو عبدالعزيز هذا دكتور في طب الأعشاب ومحاظر في جامعةالأمام
له محل عطارة واعشاب في سوق مكه
شرحت مشكلتي مع التصبغات واسمرار الرقبه وسألني اسأله غريبه
يعني مثل فيه الم في الرجل اليسرى
في جفاف في الحلق و فيه كوابيس وحلوم
وهل فيه الم في الكتف ونغزات في القلب وغيره وغيره
مالكم في الطويله وش صار معي صار عندي زياده في السويداءعطاني كريم وجه وكريم جسم وعلاج مطحون احط منه مقدار ملعقه في كوب ماء ساخن واخذه مرتين يتكون من كركم ومردقوش وقرنفل وغيره..
الحمدالله لقيت فرق من تاريخ 20/1 وانا باديه معه في العلاج بصراحه مفعول الشراب ينزل السويدا هذي اللي هي مسببه الأسمرار في رقبتي عن طريق البرازالله يكرمكم..
ورقبتي صارت مثل الخريطه شي اسمر وشي صافي والمعه راحت وبصدق ماعاد افتشل منها مثل اول الحمدالله وعلى فكره منعني من الباذنجان وقالي كثري ورقيات وعشان يستفيد منها الجسم لازم تعصرين عليها ليمون وعطاني ماء الكوزبان احط منه مقدار فنجان مع كاس ماء فاتر واشربه
الحمدالله من رمضان وانا تاركه العلاج ومافيه اي انتكاسه بس رقبتي مازال فيها لون خفيف يختلف عن باقي جسمي والحين معاي مشكلت الحبوب
حبوب في ظهري وصدري مالها روس ولافيها ماده دهنيه بس حمر بعدين تصير غامقه ورحت قبل كم يوم واخذت لها علاج وان شالله القى الفرق
وأخبركم وش يصير معي...
أم أسولي @am_asoly_2
محررة
يلزم عليك تسجيل الدخول أولًا لكتابة تعليق.
ام العجب
•
مشكوره قلبي
مشكووره اختي ..بس وش السويداء وكوزبانمشكووره اختي ..بس وش السويداء وكوزبان
الصفحة الأخيرة