السلام عليكم كيفكم حبايبي
اليوم أبغى أتكلم عن موضوع يمكن كثييييييير يسويه
وهو الحين لمن بنت تشوف وحده تسوي معصية
تجلس تتريق عليها
بدال ما تقول الله لا يبلانا
لانه هذا إبتلاء من الله
وأكيد البنت مو مرتاحة بالوضع اللي هيا فيه
ولا تقولي عنها شىء
إلا أنك تنصحيها وإذا ما تقدري قولي الله يهديها
أقولك ليش ما تتريقي عليها لانه يمكن بيوم من الأيام
رااااح تسيري زيها
لا تقولي مستتتتتتتتتتتتتتتتحيل
تعالي وإسمعي قصص ناس أعرفهم بس إن شاء الله
ما يسير لكي زيهم
في وحده كانت دايماً تستحقر اللي يكلموا شباب
وتقول كيف بالله يصدقون الشباب والله أنهم أغبياء ومن ذا الكلام
بدال ما تقول الله يهديهم
فجاء يوم من الأيام وهيا بنفسها وقعت بشباك شاب
وسارت تتكلم معاهـ وحبتووووو
وهيا اللي كانت تتريق على البنات اللي يكلموا شباب
بس شوفوا سبحان الله هيا سارت تكلم واحد وكمان صدقتوا
وقالت لا مستحيل أكيد هو غير عن كل الشباب
وهو بعد ما شبع منها سااااابها
بس الحمدلله مافقدت شرفها بس فقدت قلبها
وأنجرررررحت مررررا منو
بس ربنا كان كريم عليها وما خلى الولد يفكر انو يخرج معاها
بس يبغى يوريها انها يمكن بيوم من الأيام
تسير زي اللي كانت تتريق عليهم ...
وفيه قصة واحد كان دايماً يتريق على البنات الصايعات
وأنو كيف أهلهم مو دارين عنهم ومو مربينهم
ودايما عند أهله يقول
بنت فلان ما تستحي ويقول إيش سوت
وبنت فلان تخرج مع شباب
وبنت فلان صايعهـ ومدري إيش
وبيوم من الأيام طبعا الولد تزوج وجاب بنات
والحين بناتهـ مدري إيش أقول عنهم بس الله يستر عليهم
وهو شايف اللي يسوونه بس ساكت عنهم
وهو اللي كان يقول ليش أهلهم ما يربونهم
والحين هو سار بذا الموقف
يعني يا بنات اللي أبغاهـ منكم
أنكم لمن تشوفون واحده تسوي معصية
قولوا الله لا يبلانا وأدعوا لهم بالهداية
لأنه هذا إبتلاء من ربنا ع المسلم
فلا نتريق على غيرنا عشان ربي ما يبتلينا
وما كتبت هذا الموضوع الإ لأني أعتبركم زي أخواتي
و أحبكم وأبغى لكم الخير
والله يهدي الجميع ...
عجبني ونقلته
الله يجزاك الخير