هذي حياتي المؤلمه

السلام عليكم
حبيت ادخل بسالفتي بسرعه
انا متزوجه وعمري 20 عندي ولد عمره 2 و8 ش الله يحفظه
انا يابنات سالفتي سالفه
بقولكم من اول حياتي 
انا من يوم فتحت مااشوف الا امي 
امي اللي نفسيتها شينه علي
امي اللي تحط الحره فيني
امي اللي تطقني قدام الاطفال
امي اللي كسرت  البيلات قدامي وانا ارتجف خوف 
امي اللي كانت تهددني بكسر البيلات مره ثاني واروح اركض وامسكها واترجاها ماتكسرها 
امي اللي كبرت وبلغت وقبل لااتزوج بشهور قليله يعني كان عمري 15 16 تقريبا
جلست تصارخ علي بالحوش قدام اللي يسوا واللي مايسوا وتقول عطيني جوالك لانك كنت ادق عليك ومقفل >>الشاحن فاضي
امي اللي يوم جتني الدوره نادتني قدام الصغار وذيك الايام كان عمري 11 وتصارخ علي تقول جتك الدوره وتصارخ علي وانا انتفض وش ذنبي  انا 
وتقعد تصارخ وتصارخ وانا واقفه في مكاني ابكي 
لاني ماعلمتها 
((صغيره وماادري وش هذي وكنت خايفه اقولها)
الصغار تسمع الصوت بس ماتدري وش السالفه لانه دخلتني وتهاوشني 
احنا كنا عايشين زي المجمع احنا واخوان زوجها 
امي اللي كنت اقطع معها السلطه اذا جيت من المدرسه عشان تبتسم لي بس
وكانت تصارخ علي زياده وانا ساكته واقطع وانفقع الفرن وطلع صوت قوي هز البيت 
وانا صرت انتفض خوف وتصرخ علي زياده
امي ياللي كانت تخليني اغسل المواعين يوميا من كان عمري 9الى 13سنه 
وكان كل 3ايام انظف البيت كله وهي ماتساعدني بس تغسل الملابس وبعض الاحيان الفرن
تركت الشغل  يوم عمري13 
لاني كرهت اقابلها صرت اجلس بغرفتي 24 س
واحاول انام كل اليوم عشان مااشوفها
واصحا للمدرسه بس
ومره زوج امي جاب لاختي اللي هي بنته لاب واروح اركض اخبيه عن اخوي عشان مايشوفه ويلعب فيه وتجي تاخذه مني وتقول مو حقك مو حقك وانجرحت بهذي الكلمه حسيت اني مالي احد

كانت تنادي اخوانها عشان يهاوشوني 
وكانت تكلم ابوها اللي هو جدي وتسب فيني وتقول هي ماتروح معي لروحات وهي 24 س بغرفتها وهي وسخه
وتكمل الناقص وتكلم ابوي وتسب فيني وتقول بنتك وبنتك 
وابوي يكلمني ويهاوشني 
واصلا ماقد عشت معه من كان عمري 1 وامي متطلقه
ولا يشوفني الا بسنه او السنتين ربع ساعه 
يعطيني مصروف وبس
وحتا مااذكر ضمني وباسني  
وزوج امي كان معي عادي 
وكان تقريبا يعاملني زي عياله واكثر ~~>>الله يوفقه
وكنت استانس اذا جا
لان كل 3ايام يجي
عشان يحميني من امي 
اذا هاوشتني هاوشها ويقول انتي مو ام 
لانها كانت تحبسني بالبيت ولا تطلعني العب مع الصغار
واذا جا طلعني هو
بس مرتين اذكر موقف مسكني قدام الصغار ويهاوشني 
ومره جا وقلت بابا بابا صرخ علي وقال انا مو ابوك 
 
المهم اذكر مره قالت لي انا ماابيك انا اكرهك انا اقول لابوك خذها بس هو مايبغاك


الله يسامحكم ياامي وياابوي 

هذي حياتي قبل الزواج 

يوم تزوجت وكان عمري 16
ابوي عرض علي الزواج وامي تحاول فيني
وانا كنت بالاول رافضه 
بس ابوي يهددني 
وقلت اتزوج ازين من العيشه
تزوجت برجال ملتزم صغير 
كان اول حياتنا حلوت لمده 5 شهور تقريبا
وعقب اكتشفت خيانته لي بالمسن بالصور بالمنتديات وانا كنت اشوفها وابكي 
واناقشه ولا كاني اناقشه 
على انه له لحيه وامام ومدرس بالحلقات 
بس للاسف 
وعقب تطورت الحاله وصار يطقني بالعصاا مع راسي صار 24 س برا
يحرمني من الاكل 
وحملت وجبت ولد وكان يجوعه ولا يجيب حليب لمده طويله وكنت اسوي له تمر ومويه وسكر عشان يشبع 
مره نسيت الحفايظ بسياره قلت جبها الله يعافيك رفض ورحت الف ولدي في بطانيه
بدال الحفاظه 
كنت يوميا اشوف الخيانه 
وجاب البلاك بيري وكله بنات 
والى الان يخوني ويطقني 
وياما علمت ابوه بس ماينفع 
وهالايام رماني عند جدتي وقال بطلقك رحت لجدتي جلست شهر قلت لابوي كل شي ولخالي اخو امي
وكلموه ويقول اعترف اني غلطان والانسان مو معصوم من الخطا
رجعت له ولا كان شي صار
والله دايم ابكي ابكي 
ودايم اصلي الوتر وابكي على حالي 
ودايم الحمدلله اقرا البقره 
واشغل البقره في بيتي 

بس مازال يطقني ويخون و24 برا البيت 
وانا بالعه الموس 
ساكته في بيتي انا وولدي ومحد يدري عنا
نفسيتي صارت زفت 
24 س دموعي نازله 
لاطلعه ولاسفر ولا شي 
ودايم اجي عنده اقوله ليه تسوي كذا وش سويت لك يقول ماسويتي شي بس كيفي بسوي كذا 

والله العظيم اني مااكذب بكلمه 
هذا بس اللي اتذكره 
بنات اتمنى كل من شاف كلامي 
يدعي لي من قلبه الصادق 
ولاتنسوني بالوتر طلبتكم 
ابغى تبكين بسجادتك وتدعين لي 

والله جالسه اكتب وابكي 
لا ام ولا اب ولا زوج 
مدري وين اروح 

كل هذا وانا توني تامه العشرين

 
اختكم ام خالد