السلام

كيفك عبير ..

عزيزتي البنات كفوا ووفوا ..

بس لا تقلقين بخصوص لون الشباك ماله شغل بالستاره ..

و انتبهي لشي لا تروحين للمحل حق القماش بدون ما تاخذين معك وحده من مخدات الكنب

علشان تنقين الستاره بشكل يتناسب مع الكنب ..

عسالله يوفقك ..

بس اهم شي الزرعه هذي شيليها ..

و اذا لك نفس و طولة بال قبل لا تحطين الشريط قبل لا تدهنين نصف الجدار الاسفل

بلون كموني و حاولي الشريط يكون ذهبي معتق

ممكن ما تحطين موكيت ..

ركبي سيراميك أو غرانيت متره ب 19 ريال ارخص من الموكيت و ما ياخذ تركيبه كم ساعه

و يعطي فخامه عاليه للمكان خصوصا انه يشبه الرخام و فيه لمعه

حاولي تكون المفارش حقت الطاولات نفس الي بالستاير الجزء الاعلى و المفرش الي تحت ساده ..

بالسيتي بلازا .. لو رحتي بتلقين شموع و اشياء بسيطه رائعه .. شمعتين و صندوق حلو على الطاولة الوسط و بس

و الطاولات الدائرية حطي عليها اباجورات .

و شي ثاني اللوحة عالية مره نزليها لتحت شوي ..

و انشالله اكون افدتك

:26:

شكرآآآآ
حبيبتي وربي ما قصررتووووووووو معاي

الله يجزاكم خير مشكوووررررررررررررررررررررررررررررررين
وأنا الله يعين بس شيل وحط على ها الصالة ألى الان ما كملت بس لاتخافون بعد ما أكملها أبزودكم بصور لها الصالة

من عيوني وأنشاء الله تنجح أفكاركم


أدعولي


بس نفسي أعرف وش نوع التحف الي أحطة فوق الطاولات الدائرية الي فوقها قماش وش نوع التحف أنا حاطيت أبجورات بس شكلها صار فاضي وش الدبرة

عبير هلا فيك روحي للهوم بلازا اشياء رخيصه ورووعه وتعطي المكان منظر حلو ، اختاري الفازات شفافه وحطي داخلها ورد مجفف ورشي عليه عطر من عند زهور الريف لجاك ضيوف ، واطارات للصور او شمعدان زجاجي وداخله شمعه من لون الكنب او صندوق خشب وحطي فيه علك لبان ووزعيه بعد العشا ...وفيه طاولات دائريه ما تتعدى 35 ريال او 40 ريال وفي كل مكان من اماكن السوق الخاص بالاثاث وتحطي عليها مفرش دائري من احد الوان الكنب وحطيها مكان الزينه اللي بالزاويه...................... انتي بس روحي للسيتي بلازا(الدور الثاني فيه الهوم بلازا) وبتحتارين وش بتختارين.............والله يوفقك:26:

شكرآ لك حبيبتي


لكن وين مكان السيتي بلازا (الهوم بلاز ) ممكن مكانة بالضبط




تشكراااااااااااااااااااات
الله لايحرمني من ها الأفكار الرائعة

عبير انتي من اي منطقه ؟؟اذا في الشرقيه فهو في الخبر على طريق الدمام بجانب سوق قباء قريب من الراشد مول..............واي سؤال في الخدمه:26: