هذي صديقه ولا عدوه ولا ايش

السلام عليكم

حابه اعرض عليكم مشكلتي وهي اني صادقت العام في المرحله الثانويه بنت يضهر عليها ملامح الاخلاص

كنت اقول لها اي مشكله تضايقني وافضفض لها على اساس ان سري ببير 00مادريت ان الاخت تقول اسراري لاخته

حتى لو كنت حلفت عليه ماتقول هالسر لاحد 00لازم تقول لاخته

المهم 00اكتشفت انه تنقل اخباري وسواليفي وكل شي فيني لبنت خالته وصديقتها سابقا هذا الان في المرحله الجامعيه طبعا وبختها وعلمتها خطاها وقالت خلاص ماراح اطلع شي عنك 00ثقي وانسي الي صار

هي صديقتي لمدة سنتين 00الصراحه اني كنت احبه ومرتاحه لها واتقبل اخطائها واتغاضى عن هفواتها والله

مامدح نفس بس هذا الي صاير 00وهي مجرد اني اسوي شي مو عاجبه تزعل 00وانا اخذ الامور ببساطه يعني امشيها

مو على كيفها تمشيني باموري الخاصه 00الصراحه اني بذلت اشياء كثيره من اجلها ولم اتوقع تسوي فيني هالموقف


المهم في يوم من الايام حبيت اكافئها بمكافئه 00يعني هديه بس الحمدلله ماتسرعت واهديته


وبيوم قالت لي ان بنت خالته تبغاك انتي





الي هي انا قلت انا وش تبي قالت مادري



وانا صدقت انه ماتدري 00بنت خالته معي بنفس الجامعه



شكيت انه تدري وقلت احلفي انك ماتدرين وش بتقولي بنت خالتك وحلفت انه ماتدري لاكني ماصدقته لانه تكذب كثير

بعد اصراري لها بالحلف وحلفت في المره الثالثه انه ماتدري والرابعه قالت اضاهر انه عن الموضوع الفلاني


جت لمي بنت خالته ومعه صديقتي وبنت ثانيه ونادوني من بين شلتي 00انا الصراحه اني كنت مرتبكه وباين علي الخوف


لان الموضوع الي راح يقولي عنه مابغى احد يعرف عنه شي بس هم عرفوا الموضوع بس مو من صديقتي لاني ماقلت له شي عنه




المهم كانوا البنات يضحكون علي وانا اجي لمهم وتخيلوا صديقتي معهم تضحك 00ويقولون خافت خافت 00



جيت وقلت وش بغيتوا 00بدن يستهبلن عن اشياء خارج الموضوع وتقول بنت خالت صديقتي ان حركاتك حركات اولاد

انا عارفه ان هذا كذب لاني عارفه نفسي مؤدبه 00بس حابين يجرحوني 000

تخيلوا وهي تستهزى بي بنت خالت صديقتي و كانت صديقتي ساكته حتى لدرجة ان بنت خالته قالت لي حتى صديقتك ماتدافع عنك

التفت على صديقتي عطتني ابتسامه بارده وبس وكانت بينهم نضرات غريبه علي 00

ويلمحون لي اننا ترانا عرفنا عن موضوعك 00بس ماصرحوا فيه

بعد ماخلصوا استهزاء قالوا حللينا وهم مبتسمين 00قلت ماراح احللكم 00قالوا التحليل في المستشفى واخذوها ضحك

وراحوا البنات وبقت صديقتي معي وقالت لايهموك ترى مزحهم ثقيل 000

انا الحين ماشرهت على البنات لانهم مو صديقاتي 00بس القهر من صديقتي ليش كذا تتعامل معي رغم اني ماقصرت بحقه

كان الكلام يوم الاربعاء --بعد ماجاء السبت صرت ثقيله على صديقتي يعني لاسواليف ولا ضحك كلامنا رسمي

وهي تدري اني متضايقه من الموقف ولا قالت شي 00بس تقول شكلك تعبانه ومره مهمومه 00وانا اقول لا

بس مافتحت لي الموضوع














سؤالي 00000000كيف اتعامل معها وكيف اضع لها حد لحركاتها الوقحه