هذي طريقة مريصيعات تهبل وتجنن ولذيذه جدا جربيها واحكمي بنفستس.....

هذي مراصيع تستاهل بؤكم سووها وما تندمون ان شاء الله:

المقادير والطريقه:
اول شي جيبي كاس الخلاط حق الطماطم وعبيه الى ثلاث ارباعه حليب سائل (حليب الصافي او المراعي او اي نوع ثاني)
بعدين حطي عليه بيضه وحده وحطي برضه شوي ملح وشوي بهارات وخليه ينخلط زييييييييييييييييين بالخلاط
بعدين بعد ما ينخلطون زيييييين اضيفي الدقيق الاسمر(البر) على الخليط مع ترك الخلاط يشتغل واستمري في اضافة الدقيق
الين تتكون لتس عجينه سائله وثقيله شي بسيييييط (انتبهي تصير ثقيله مره او خفيفه مره خليها ما بين البينين علشان تزبط).
وبعدين جيبي الصاج اللي بتسوين المراصيع فيه وادهنيه بالزيت بعدين حطي مقدار ملعقة طعام من الخليط على الصاج علشان يطلع المريصيع صغينون وعبي الصاج كله مراصيع صغيره وحمريها مع الجهتين .
اذا انتهيتي قدميها مع العسل الطبيعي وبالهنااااااااء والف عافيه.