=======
اليوم جبت لكم طريقتي في تغليف القرآن
وبقولكم القصة اللي لسببها غلفت القرآن
======
في اجازة الصيف طبعا بنتي تروح مركز تحفيظ القران في العصر
وتجتمع هي مع بنات عمها ويسمعون حق بعض
وخذوا قران زوجي
اليوم الثاني الصبح يقول زوجي وين قراني وانا ادور وادور مالقيته لان يتبع فيه
فعطيته قراني قلتله اقرا الين ما ادور انا قرانك
راح الدوام
وانا رحت عند ام البنات وقلت لها بناتج ماجابوا قران عندكم فهي دورت ماحصلت
بعدين الضحى اشوف قران مافيه غلاف ولا خيط حتى
فعرفت انها ماحصلته يمكن عند بناتها وطرشت هذا القران مع الخدامة
وقلت احين كيف اعطيه القران وهو بها الشكل
فجت في بالي اني اغلفه
جبت قطع مال غلاف الشماغ الغترة
والتغليف كان عن ورق مال تغليف الباقات
وسويت غلاف يديد ولمن شافه ماتصوروون فرحته
وقام يدلع علي بشكل القران
وهذا هو
وطبعا بعدها محد تجرأ ياخذه
بس راحوا وخذو قرآني
دورته مالقيته فرحت عندهم ولقيته
قلت ماشيء الا اغلفه وبعد الغلاف مال تغليف الهدايا والباقات
وكان عندي اشكال كنت قاصتهم من كندورة ولصقتهم على الغلاف
واهني كان الشريط قصير فرحت كملته لصقته بشريط ثاني
وحطيت عليه جزء بعد من الزينه
==========================
وهذي الطريقة من البداية
قران بنتي اللي كانت تشيله حق المركز
انشال غلافه لان كان رقيق
فاجلت تجليده وجا وقته الحين
===
احتجت للعمل
مقص مع شفرة مشرط
مسدس شمع او غراء او صمغ
جلاد الهدايا او الجلاد اللاصق او قماش او ورق تغليف الباقات
جلاد شفاف اذا كان التغليف بورق الهدايا
مسطرة وقلم رصاص لأخذ القياسات
غلاف مقوى لدفتر قديم او كرتون مقوى او غلاف الشماغ
ورقتين بيض مالوت الطباعة
شرايط دانتيل او ستان للزينة
نقوم بقص الكرتون المقوى بحجم القران للامام والخلف قطعتين
وقطعة طولية للجانب
بهذه الطريقة
ونقوم بلصقهم على الورقة البيضاء
ثم نقوم بقص الزوائد
بهذه الطريقة
يتبع
نقلب العمل ونقوم بالتجليد
من الخلف
من الامام
ثم التجليد الشفاف
وهنا الغلاف نقوم وبضع الشريطة على الغلاف الى الداخل
====================
هنا نأخذ القران ونقوم بلصقه بهذه الطريقة
الجانب فقط
والان نقوم بقص الورقة البيضاء الثانية الى نصفين
نصف للجزء الامامي والنصف الثاني للجزء الخلفي
نلصقه على الغلاف الجد يد من الداخل
وغلاف القران بهذه الطريقة
وهذا هو القرآن في النهاية
اتمنى ان العمل يعجبكم
وعلى فكرة نقدر نستخدم التجليد للكتب التي ليس لها غلاف
واعتذر عن كلامي اللي شوي فصحى وشوي عامي
والسموووووحة