هذي قصة اختي اللي كتبت عنها اليوم الظهر-اللي لقيت شعر بدرجها

السلام عليكم

انا يا اخواتي نزلت موضوع صلاة الجمعه عن اختي اللي لقيت الورق في درجها
واللي ماقرت تفتح الخاص وتشووفه
لكثرت اسالتي وش فيها قلت اكتب وابينلكم وش فيها

اختي هذا كانت محبوووبه وهاديه وجميلللللله
وذكيه جداً في الدرااااسه
وكانت دايم الاولى ومن المتفوقات ودرجاتها مانتقص في اي شي
ولاتغيب وكانوا المدرسات يحبووونها

المهم وصل 5 ابتدائي وجا حفل امهااات
وجا تركيم الطالبات المتفوووقات
وماكان في المدرسه الا اختي من المتفوقات
بحكم انا بقريه والطالبات مو كثيرين
وقالوا نسبتها في صف 4 و5 وكانت كلها 100%100
وكرمتها المشرفه
وترجع البيت
وتنام ويجي اليوم الثاني وتحس بالم بسيط في رجلها اليمين وكنا نتوقع شي عادي
وانتظرنا حتى قربت الاختبارات النهائيه يعني بعد الحفل بشهر
قبل الاختبارات بـ اسبوع بس
صارت اذا مشت تتالم بقووه وتتع تعب موطيبعي
وديناها كذا مستشفى وكان كل ناس يقولوا شي
المهم جات الاختبارات
وصارت تداوم يالله تتحرك
طبعاً برغبتها تبي تداوم
ماكانت تنام الليل من الضيق والهم وبس تبكي بدوون سبب
وكانت تتخيل ان نكرها ولانحبها
ولا احد بينا بيموت وتوسوس انها بتموت
جاها حاله غريبه ويالله خلصت الاختبارات واحنا بهم
ومع انها مريض الا انها جابت 100%بـ100
مع انها والله ماتذكر بس هي ذكيه وتفهم مع الشرح
المهم بعد الاختبارات ماتقدر توقف ع رجلها ابداً لدرجه ابوي يشيلها مع الدرج ولا يركبها السياره
ورجلها يابنت تتحرك من نفسها من قوا الالم وهي بس تبكي
وديناها لمستشفى راااقي مررره
ونومها ع طووول وجلست شهر كامل
في الاسبوع يسوون لها3 اشعه
بصبغه وهي مرره تتعبت
ونحفت وسمررررررررررررررت لدرجه كبيره وتغيرت صارت مرره تحزن
وطلع معهم زي رسمة العين برجلها بس مادروا وشو
المهم قرروا عمليه ياخذون عينه من نفس الكيس اللي برجلها
الكيس مو ظاهر طبعاً
بس في الاشاعه بان
جا دكتور لابوي قال نصيحه بنتك يبيلها قران لو سويلتلها عمليه بتندم هي تبي قران
رجع ابوي طلع اختي ع مسؤليته وجاب لها شيخ
كل يووم يقراء عليها وزيت زيتون ومويه مقري فيها
لدرجه متفق مع شيوخ ناس العصر وناس بعد العشاء يجون يقرون عليها
وناس بالجوال وقت الظهر
لان الالم مررره هاد حيلها
وصارت تفكر تتنحر والله نجي عليها وهي ماسكه السكين
تقول انتوا ماتحبوني ومدري ايش والليل كله تبكي من الضيقه والله اللي يشوفها ليتقطع قلبه ماتنام الا بمنومات جلسنا لمدة 3 شهور مع القران لحد ما اختفى الوسواس منها
لاكن رجلها ماهدأت رجعت للمدرسه وباقي تعبانه بس رفضت تتركها
وصارت تداوم وهي تعبااانه
والله نشيلها للمدرسه
لاننا مانبي نرفض من الدراسه ونعقدها
المهم طول السنه مررريضه واحنا مع القرااان نرقيها يومياً
وجا وقت الاختبارات النهائيه
ويرجع نفس الالم عليها والوسواس
وترفض تترك الدراسه الا تكمل وكملت الاختبارات وهي والله تبكي في القاعه لدرجة المعلمات يحلون بدالها وجابت نفس النسبه 100
بس رجع التعب عليها
وترجع ماعاناتنا من جديد
وابوي وامي حالهم مايلعم فيه الا ربي كل يوم يبكون ونحفوا
والبيت مرره حزين وكل واحد في غرفته ولا نعرف طعم السعااده
ونرجع نلف ع القريه كامله يغسلون لها وحتى احنا وكل اقاربنا غسلوا
وتروح امي مدرستها ويغسلون المدرسات
وتلف ع بيوت الطالبات طالبه طالبه
لان كان اجازه ومعطلين
نستمر في القران ومافي اي تحسن
وجلسنا لبعد رمضان والله لاعيد ولارمضان ولافرحه مثل العالم بس نبكي
وبعد العيد هدات بس مومره
بس يعني صارت تمشي
ورجعت الا تداوم اولى متوسط
واهلي مايبون يمنعونها لان النفسيه مرره خايسه عندها
وداومت اول يوم وتتعب في المدرسه وتبكي ويشيلونها المعلمات ويتصلون ع ابوي
ويجي ابوي و هو يشيلها
وتتعب من جديد
وتمر سنه كااامله واحنا بس نقراء عليها
وهدات بس كانت تفكر في المرسه وبس تبكي تبي المدرسه
واحنا مانقدر لانها تتعب
ولاصديقاتها لم يلكمونا تبكي تقول ليه يدرسون وانا لا
وتعبنا جداً معاها
وجت السنه هذي اول شهر دخلناها تحفيظ ووتعب من جديد
ونرجع نرقيها وندخلها معهد وترجع تتعب والله يابنات انها لدرجة اذا مشت تتعب
وجاها اكتئاب وحاله نفسيه من الهم
ونرجع نوديها الصحه النفسيه تتعالج وجلست شهرين وتهداء
والترم الثاني من السنه هذي
كانها اهون سنه تمر علينا
لان اختي الوسواس راح منها وخفت الحمدلله
بس الا الحين ماتقدر تنزل سوق ولاتروح منتزه ولاشي لانها من ادنى حركه تتعب وياللله تتحرك بالبيت
ونروح لخوالي ولا لاحد عندهم بنات ع قدها تتعب وترجع البيت تبكي
لانها ماتقدر تتحرك وتعلب زيهم جالسه محلها
والله ان نفسيتنا مرره خايسه وقال الشيخ عندها عييييييين قووويه مررررررره وحسد
وتعبت نفسيتنا
شرينالها لاب توب وجوال وبلستيشن وقيم بوي
بس ابد طفشااانه
ونجلس معها ونسولف ونتريق وهي بعالم ثاني
صح انها احسن من قبل بس لساتها تعااني مررره من تعبها
والنفسيه مره معدوووومه
انا ذكرت القصه ابي اخواتي يدرون وش فيها لان جاني كثير رسائل عالخاص ياسالوون

واحنى والله مانسيبها لحالها
لكن هي تضايق تقول ابي اجلس وحدي لكن
حسبي الله ونعم الوكيل ع من كان السبب
واعدم طفولتها ان الله وان اليه راجعون
يارب ارحم ضعفنا


واشكر كل الاخوات اللي دعولها ولا سالوا عنها
الله يسعدكم وين مارحتوا بجد اخوااات الله يسعدكم
ولاتنسونها من الدعااااء
واسفه ع الاطاله:(