الله يفرج عليك ويرحم ابوك

والله قصتك مره تحزن

بس كثرة المصائب اختبار من الله لكم والله اذا احب قوم ابتلاهم

والله يخلي لك اخواتك وخليك لهم لك يارب

المهم امي ما لحقت اتبند التيلفون الا كان زوج الحرم داخل عليها غرفة المستشفى:(


ما فهمت هل هو هذا الريال اللي ولده يشرب الخمر؟؟؟؟؟


الله يعينج.............قصتج مؤلمة جدا..............وانا من ساعة ما قريتها وقلبي معورني عليج


كملي يابنت الحلال نحن في انتظارج:(

الله يرحم امك وابوك ويسكنهم فسيح جناته
ياعمري والله عورتي قلبي بس تأكدي ان الله ارحم الراحمين
كملي يا اختي

sum_shy ايوه هو ابو الولد اللي يشرب الخمر

شكرا يا خواتي على ردودكم اللي احسها تبرد قلبي

نكمل قصتنا:

بعد العيد امي رجعت المستشفى وحالتها قامت تسوء وقالتلي انا متردده في موضوع زواجك من اخو صديقتي (قصدها الرجال اللي انا احبه) لأن الناس ما نعرفهم زين وانا ابغيك تاخذي فلان (قصده الرجال اللي متقدملي من صوب الأهل) لأن الرجال نعرفه ونعرف أهله ..... المهم هي كانت متردده وايد

انا قمت وخبرت حبيبي وقلتله انه امي متردده.... قالي انا احبك ومستحيل تاخذي حد غيري وقالي انا بروحلها المستشفى وأقنعها ......................

المهم حددتله يوم عشان يجي عندنا المستشفى وخبرت امي ان الرجال اخو ربيعتي يبا يشوفك ويكلمك وهي رحبت بالفكره لانها تبا تشوفه وتتعرف عليه....... وفي الموعد جاء المستشفى ودخل الغرفه وسلم على أمي وجلس في الكرسي وقالها اني ابا اخطب بنتك ولا ترديني يا خالتي وقعد يكلمها ويطمنها
انه بيخلي باله علي ... امي وعدته خير.... وقام سلم عليها وترخص عشان يروح ولما وصل عند باب الغرفه نادته بأعلى صوتها فلان فلان فهو رجع وقالها ها خالطي فهي قالتله خلي بالك على بناتي وسمتنا وحده وحده وقالته لاتكون بس زوج اختهن لا كونلهن الأبو والأم والأخ والأخت ... طبعا هو دمعت عينه ووعدها انه يخلي باله علينا..........................

بعد أسبوع وتحديدا يوم الجمعه الساعه عشر الصبح الموافق 12/7/2000 دقت خالطي علي باب الغرفه ونادت بأعلى صوتها قومي بتروحي المستشفي لانه امك تعبانه وايد وايد..... انا قمت بسرعه ورحنا المستشفى انا وخواتي وكل الأهل تجمعنا وأمي كانت في حالة غيبوبه ولونها متغير وكنا كلنا حولها نقرا عليها القرأن والساعه وحده الظهر توفت اغلى الناس عندي...قمنا نصيح ونصرخ وكلنا ارتمينا فوق حضنها.... حطيت راسي في حضنها وانا اعرف اني لأخر مره بحط راسي بحظنها لأخر مره بلمسها لأخر مره أشوفها...........................ز

في هاذيك الساعه حسيت بالوحده .......حسيت بالمسؤليه ................. كنا في حضن امي وابوي وفجأه اصبحنا ......................................................................................................