هذي قصتي بالكامل وش الحل والله اني في حيره من امري

السلام عليكم أخواتي أنا استشرت مستشار ومارد علي فنزلت لكم الكلام مثل ماهو ابي ارائكم
مشكلتي هي متزوجة من17 سنه عندي 4 أطفال أكبرهم بعمر 15 وأصغرهم بعمر 3 سنواتمن بداية زواجي كان دائما زوجي إذا فضفضتله عن اي شخص أذاني يقول اكيد انتي السبب اكيد انتي مسويه شي هذا الشخص ماذاك إلا من فعل انتي سويتيه ودائماً أنا المسؤله أنا السبب ،،بعدها فهمت انه ماعاد افضفضله ،، اي سالفه اقولها او موضوع يقول اسكتي او يمسك الجوال يطنشني مايجلس بالبيت 24 بالاستراحة يشيش مرات بالملحق ينادي أصحابه ويشيشون يسافر الوحده سياحه ولا اقوله شي بالعكس ارتاح انه راح لانه إنسان عصبي انتقادي إذا دخل البيت جميع من في البيت يتوتر ماعنده ادنى رقي يشتم يلعن يزاعق في أقوى صوت على شي سخيف جدا مع الناس يسلف ويعطي مع بناته مايقصر لكن أنا إذا عطاني شي بسيط 1200﷼ شهرياً رغم ان راتبه كويس ولا عنده اقساط بيت والعامله مزود راتبها 1800 زودها 300﷼ كان 1500أما أنا يستكثر علي الفلوس ودايما إذا حصل بيني وبينه نقاش حاد يقولي عطيني اللي حولت لك رجعي فلوسيابوي رجل غني ويصرف علي يساعدني لانه يعرف ان زوجي مايعطيني فلوس تكفيتخيل ان زوجي يسافر بالشهر مره سياحه ولا عمري قلتله شي لانه يفكنا من شره وعصبيته حتى بناته صارو يتضايقون منهمره سفرنا بلاد خارجيه وكان فيه وانت بالكرامه كلب ينبح قام زوجي شافه ويقلده ينبح بناتي زعلو قالو بابا انت رجال وأبو المفروض ماتنبح تفشل يابابا وانا تنرفزت مررررره وتكلمت معاه غلط اللي تسويه لا تنبح إذا مر كلب والله الناس تنقد عليك قال مالك دخل بيمره من المرات طاحت في أبوها يكلم بنات بالسناب وقالت ياماما ترى بابا يكلم بنات بالسناب نبهته وقلت انتبه عندك بنات مايصير وأنكر المره الثانيه جتني بنتي الثانيه قالت ياماما ترى بابا يكلم بنت بالسناب ونبهته وعصب وتنرفز صار يقلل بالمصرف أنا ماعندي أنا مامعي شكل الفلوس تروح على اللي يكلمهم بالسناب هذا غير صار يدقق بشكلي وراه شكلك كذا وراه ريحة عطرك شينه وراه البيت وسخدقيت عليه قلت ترى أنا تركت لك الأطفال ورحت بيت اهلي وخلاص مليت منك ومن خرابيطك لامصرف زي الناس وزياده بناتك يقفطونك تكلم بنات بالسناب حتى ماسترت على نفسك كانت ردت فعله جا عند ابوي دخل عليه بالبيت بدون استأذان رب بنتك بنتك قليلة أدب وكلام كثير وراح يقاله زعلان خليته10 ايام دق بعدها يتشره أنا صراحه ألاحظ انه صايره ماتهتمين بنفسك وكلام وتبريرات كيف تبين اهتمّ وانت 24 ساعه برى البيت وترى أنا غلطت بسببك وانا مشيتها لهجلسنا تقريباً 8 شهور بهدوء سافرنا سوى مع الأطفال لا يمشي معاي ولا يبي يكون جنبي وتحسه مشمئز حتى إذا حطيت يدي على يده يبعدها مايساعدنا في شناط السفر بالمطار يمشي الحاله مامعاه شي أنا وبناته نشيل الشنط سكت ومشيتها اللي حصل مرت الشهور بعدين مره كان جايب اغراض من السوبر ماركت وهو متعود اغراض السوبر ماركت يحطها عند باب الحوش واحنا نأخذها الجوى للمطبخ فدق مره مرتين ثلاث أنا كنت بالحمام مارديت جلس يزاعق علي بأعلى صوت وش فيك ماتردين ليش وينك شيلي الأغراض وكان يكلم خويه بالجوال وخويه يسمع بعدين قلت تتكلم زين ليش التشتيم ماراح أشيل شي قال شيليييهن غصب بأعلى صوته مع تسنيم ويمسكني مع ثيابي غصب واروح اقفل على نفسي بغرفه واخليه بعدها وش يصير يرجع بالليل ولا كانه سوى شي يدخل بالمجلس خلاص أنا اسف تبين عشاء طبعاً هددته لو تكرر هذا الفعل ماراح اجلس بالبيت لازم تخفف عصبيه وتقطع التشتيم عشان بناتك مايتعودون وتخرب اخلاقهم يسمعون أبوهم عطالعه والنازله يشتممر شهرين وجا العيد جا ابوه عندنا يتعيد ضاعت ساعه زوجي وهو يتوضى فسخها بعدين فقدها نسي وين حطها ويدورها ولا قالنا شي تحسبه قال أنا أدور ساعتي يدور ع صامت ويدور فجئه ينطق باسمي في اعلى صوته يا فلااااااانه بزعاق وصراخ الله يلعنك وييييييين ساعتي وسمعه ابوه وأخوه قالو استهدي بالله وانا قلت تعوذ من الشيطآن نلقاها ولقيتها في المغسله ،، اسكت ومشيتها وعاتبته ليش الصراخ عند أبوك وأخوك عيب مايصير قال نزفزتوني وين وديتو ساعتي قلتله انت تتوضى وفسختها وش دخلنا حنا ،، نجي للطامه الكبرىهذا قبل3 أسابيع كنت جالسه أنا وبناتي بالصاله مع اذان المغرب بنتي بالمتوسط قالت بروح السوبر ماركت قلت روحي مع السواق وراحت طبعا هي مستأذنه من أبوها العصر فجئه نزل زوجي يهاوش ويزاعق اول شي سكرو التلفزيوووووووون بصوت عالي كلنا توترنا وسكرناه قال وين البنت قلتله طلعت السوبر ماركت وقالت انها مستأذنه منك قال بس الان وقت اذان مغرب طبعا كل هذا يقوله بصراااااخ وزعاااااق شديد ودق على بنته قال ارجعي ارجعي للبيت جت البنت وكانت خايفه ترتجف وهاوشها ليش تروحين المغرب وانا قلتلك العصر أنا تدخلت قلت ماتفرق السوبر ماركت مايقفل وقت الصلاة قال انتي كولي ……. واسكتي قال واليوم وين بتروحون قلت بروح امي اسلم عليها توها جايه من السفر قال وراه ماعلمتين قلت هذاني الحين قلتلك قال لا تعلميني قبل بيوم قلت طول عمري اعلمك بنفس اليوم وش عدا ما بدأ لكن باذن الله المره الجايه نرسلك برقيه قال وشوووووو بزعاق وهو يصرخ قلت يا فلان ترى وربي تصرفاتك صايره زي أبوك ابوه جاب الأم زوجي القلب والضغط والسكر وكم مره يطردها من البيت مسكينه الدرجة مره ارتفع عندها الكرياتينين وبغى يجيها كلى من ابو زوجي وضغطه عليها ،، طبعا زوجي يوم قلت له لا تصير زي أبوك فجئه صار تقل مجنون وقام يسب يلعن امك يلعن امك وياخذ الجزم وانت بالكرامه ويرميها علي ويتفل علي ويقولي اطلعي برى ويرمي عبايتي علي ويقول برى برى بأعلى صوته ويسكر الباب ثم يدق على امي بنتكم قليلة أدب طردتها ثم دق على ابوي بنتكم ماتربت طردتها ماتحترمني ولا تقدرني وكذب وكلام كثير دقيت ع ام زوجي قالت عادي تحملي واذا تفل وضرب بالجزمه روحي تروشي وصلي ركعتينكلمت اخو زوجي قال هذا مجنون وش جاه حتى أنا كم مره ينفعل علي بدون سبب وبرمضان متهاوشين ومره ما أعجبه تصرف اخوهبناتي قال زوجي اتركيهم بالبيت وبناتي أنا أربيهم ومالك دخل فيهم يوم طلع رحت اخذت أغراضي كلها وطلع قال البناتي شفتو ماتبيكم اخذت كل أغراضها وطلعت قالت بنتي يا بابا ترضى جدتي يسوي فيها جدي كذا ترى احنا مانرضى اللي سويته في ماما قال لا الوضع مختلف اساساً أمكم ماتبيني وكارهتني وحتى انتم ملت منكم وانا خلاص بأسس حياة جديده وبتزوج وهي خلاص أصلا أنا ما أبيها مليت منها أعطيها شهرياً 1200 وماملت عينها وش تبي بعد أنا خلاص مليت مابيها دقيت على اخوه قلت تفاهمت مع اخوك قال والله يا ام فلان اخوي قال لا احد يتدخل وانا تركته لانه يألف كلام مو صحيحتخيل معي يا مستشار انه ام زوجي تعبت في رمضان وكانو اخوان زوجي يوميا يفطرون عند امهم وأبوهم صرت أنا كل يوم أتكفل في فطور رمضان مدة 10 ايام الحد ما طابت ام زوجي ومع ذلك ما بي هديه ولا شي ابي الاجر ماقدر تضحياتي الحين صرت أنا الغلطانه بعد التفله والضرب بالجزم والتلعين والتشتيم..
ملاحظات بقولها لك من بداية زواجنا ماكانت ظاهره لي لكن الحين يومرجلست أفكر في ذا 3 أسابيع تذكرت أشياء كثير اي شي يصير انا المسؤله اتذكر مره كنت حامل وهو مره مبسوط في هذا الحمل ونزل معاي دم وضاق صدري خفت اسقط قالي زوجي ادري انك انتي ماتبين الحمل وتحاولين تسقطينه لا تسوين فيها انه ضايق صدرك ما أنساها والله يا كلامه جرحني مرتين الأول حملي اللي ممكن ينزل والجرح الثاني تشكيكه فيني ما احسه سند والله العظيم هذا لو صار لي شي في أطفاله ممكن يسجني ماعنده شي اسمه قضاء وقدر إنسان مو مريح وكذاب ونصاب وراعي تأليف ياربي يا التأليف اللي جلس يقوله ال ابوي شي يضيق الصدر مافيه اي مخافه من الله
طبعا الان من طردني من البيت له 3 أسابيع لادق ولا ارسل ولا شي