ضوء حلم :

وعليكم السلام ورحمة الله وبركاته . وضعك غير طبيعي وماينسكت عنه .. وحاسه بمعاناتك لاني كنت بمثل وضعك والحمدلله على كل حال زال اللي فيني بسبب اللي سويته وبقول لك ايش سويت . المويه والملح هذا ينفع لو كان المكان مو مرتاحين فيه لكن واضح ان المشكله فيكم انتو شخصيا . الان اللي صار صار والحمدلله .. عزمي على نفسك ولاتتمارضي وتراقبي نفسك ولاتستسلمي ابدا للاعراض والتعب .. اللي فيك بيزول ان شاء الله ومحتاج شوي همه منك . اليوم ابدي امسكي المصحف العصر واقري سورة البقره كاااامله ،، ان شاء الله تجلسي عليها كم ساعه مايهم اقريها كلها . لو فيك مس روحي او عين او حسد راح تكرهي قرائتها وبيجيك الف شغله تحاول تشغلك وتلهيك عن القراءة . تجيك وسوسه قويه انك لازم تقومي تغسلي ملابس مثلا او تذاكري ماده او اي شغله مو مهمه بس اهم شي انك تسكري اللي بيدك وتروحي ،، او يجيك نوم غريييب وتثاؤب او سواد بالنظر او نغزات بالجسم خصوصا القدمين . كل هالاعراض طنشيها نهائي وخلي عندك كاس ماء انفثي فيها تشربيها تصحصحي .. وعلبة زيت زيتون انفثي فيها كلما قريتي كم ايه ثم اقري فيها المعوذات واية الكرسي،، ودهني جسمك بها بالغرفه مو بالحمام وقت النوم . اذا جاتك رغبه بالبكاء او الاستفراغ عادي ابكي واستفرغي لكن لاتناظري بالمرايه وانتي بهالحاله .. روحي الحمام او المغسله وابعدي نفسك عن النظر فيها . حملي بالجوال اذكار الصباح والمساء واقريها فورا ودائما حطي منبه لها او فعلي خاصية التنبيه . استمري بالقراءه ثلاث ايام متواصله بعدها شوفي كيف وضعك محتاجه اكثر ام خلاص تقريها وانتي مرتاحه طبيعي .. اليوم الاول هو اصعب يوم وبعدها تتسهل ان شاء الله . تذكري وقت حملك هل كانت تجيك احلام غريبه وكوابيس او اشخاص يناظرون فيك ؟ ووقت قرائتك لسورة البقره حاولي تركزي باحلامك او يطرا عليك شخص ماتفكري فيه من اقاربك او زميلاتك وحاولي تاخذي اثر من الشخص هذا . وابتعدي عن كل مايزيد من مشكلتك .. لو عندك دببه والعاب مجسمه ابعديها .. تسمعين اغاني قاطعيها .. كل هالامور تزيد من مشكلتك وتصعبها . بخصوص المسك انا جربت المسك الاسود من عبدالصمد القرشي وهو الاصلي واحسن شي بالسوق .. ريحته الله يسلمك مو عطريه الا العكس ريحته خاااايسه مثل المجاري الله يكرمك .😅 لكن تستخدميه بعد ماتغسلي من الدورة او شاكه ان فيك تابعه هي اللي تقتل الاجنه وعدم وجود سبب طبي لتوقف النبض والاجهاض .. تطردها من الرحم بسبب كرهها له .، وهو يزيل الالتهابات لو عندك .. استخدام المسك الاسود سنه ابحثي عن فوائدة وطريقة استخدامه . خذي ربع توله فقط اعتقد سعره 200 او 250 ،، لكن راح يكفيك سنين واستخدمي منه قطره لاتكثري ابد . ارجوك لاتتكاسلي وتقولي بكره ابدا او تجيك رهبه وخوف من القراءه وتهوني وتستسلمي .. كل هذا راح يزيد عليك مع الوقت وانتي وزوجك لكم طاقه يكفي سنتين من المعاناه بسبب ناس ماتخاف ربي ولاتذكره وتكونو انتو الضحيه بسبب جشعهم . رددي حسبي الله ونعم الوكيل اللهم ارفع عني مافي وانصرني على الظالمين . الله يسهل عليك وطمنينا عنك .

وعليكم السلام ورحمة الله وبركاته . وضعك غير طبيعي وماينسكت عنه .. وحاسه بمعاناتك لاني كنت بمثل...