هذي قصتي محتااااااااره وش اسوي واخاف اني اكون مسيئة الظن واخذ ذنبها

الأسرة والمجتمع

السلام عليكم ورحمة الله وبركاته

شوروا علي وش اسوي محتاااااااااره قصتي طويله وعويصه ومو قادره اقرر من التفكير
قصتي لا من زوج ولا اخو ولا شيء
قصتي مع صديقة العمر

بأقولها بختصار
لما كنت في المتوسط تصادقت مع زميله لي صداقه اخت لاختها وبراءه وكانت صديقتي محرومه من امها كنت اشوفها مثل اختي بحكم اني ماعندي اخوات انا الوحيده
ماتتخيلون كيف صداقتنا واخوتنا كانت مضرب للمثل كل المعلمات كان يقولن للطالبات تبون صداقه في الدنيا سو مثل فلانه وفلانه صداقه بريئه خاليه من الاعجاب والأفكار المشوه وعلى ايامنا ماكان فيه الاعجاب وحركاته
صديقتي دي كانت وحده من المعلمات جزاها الله كل خير المرشده الطلابيه كانت ماتقصر توقف معاها بحكم انها بدون ام غيرت في سلوكياتها كثير
طلعنا الثانوي وصداقتنا في ازدياد وامي امها وكل شيء وشاءت الاقدار وتفارقنا في المرحله الجامعيه كل وحده وشافت طريق دراستها ومستقبلها والسنه الاولى من الجامعه وبعدها انقطعنا نهائي ظروف ماعاد قدرنا نوصل لبعض ولا ندري عن اخبار احد

مااحب اتكلم عن نفسي بس انا كنت اخدمها بالغالي والنفيس مااقصر عليها سبحان الله من زود صدقي مع صديقتي تعلقت بكل شيء يذكرني فيها لانها صداقه اخوه ماعمرها صارت الين اليوم والبنات والمعلمات يسألون عنا وكنا شاطرين ماشاءالله نحفز بعض كل وحده ترشد الثانيه تخاصمها لو غلطت

عالعموم وانا في الجامعه شاءت الأقدار ان تجمعني بالمعلمه وسبحان الله تواصلنا وصار بيننا تواصل وزيارات
صارت صديقتي الثانيه وسبحان الله عيلتي عرفت عيلتهم وامي وامهم صرنا جيران قبل مانكون صديقات

حصل سوء تفاهم قوي قوي قوي وافترقنا وانهينا العلاقه مااقدر ادخل في التفاصيل

الآن يابنات صديقتي اللي في الثانوي شاءت الاقدار وجمعتني بها
لكن مدري متردده اني اكلمها اني ازورها اني ارجع الايام زي اول
لاني قلت يمكن اثنينهم المعلمه وهي سبب الزعل اللي صار لان الموضوع غامض وفيه شيء مو مفهوم بالزعل

الان يابنات مو قادره اشوف صديقتي انها صوره حلوه وطيبه وعادي اكلمها مدري احس انها مرسوله من احد انها تبي تعرف مني شيء ليه الان طلعت وتواصلنا مو من اول
ليه بعد ماصار الخصام تتطلع انا حاسه الموضوع فيه شيء

مدري محتاره ومو قادره الملم حروفي وافهمكم لاني انا مو فاهمه اللي جالسه يصير

والله ان قصتي حقيقه ومو من نسج خيالي ولا سيء وكتبتها لاني من جد محتاره وتتوقعون ان السالفه ماهي مهمه لا ماتتصورون كيف عمق الموضوع وعلاقتنا


ادعولي بظهر الغيب ان كان بهم شر ربي يرد كيدهم بنحرهم وانا كان فيهم خير ربي يصفي نواياي اتجاهم
12
3K

يلزم عليك تسجيل الدخول أولًا لكتابة تعليق.

تسجيل دخول

sokarten
sokarten
عادي ااختي كلميها واذا حسيتي انه تبي تدخل او تعرف شي صارحيها بنيتها
أوشن دريم
أوشن دريم
كلميها عادي
= محد قدي =
= محد قدي =
حبيبتي ارجعي معها عادي
وخليك عاديه
شوفي حبيبتي قاعده لامعها ولامع غيرها لاتعشمبن نفسك بصداقات بهالزمن
وحبيت انبه على شغله مايجوز تقولين شاءت الاقدار
قولي شاء الله
لان الله هو خالق الاقدار ومصرفها
منجه ورديه
منجه ورديه
ااب
القمـــرا
القمـــرا
اختي نصيحتي لك اذا بقلبك شك ومنتي مرتاحه

طنشي انتي عايشه حياتك بدونها ومرتاحه


يعني توها تفتكرك