و**** اني متعاطفة معك كثير وبدعيلك بس انا حصلي زيك في اختبار الحمل المنزلي طلع سلبي في البداية وبعد فترة طلع خط ثاني باهت وما اهتميت وطلعت فعلا حامل فاتاكدي واذا لم يطلع حمل انصحك تعملي عمرة وتدعي و***** **** يرزقك بالذرية الصالحة

والله والله أمس بالليل حاطة راسي عالمخدة ودموعي تتسابق وفي لحظة تذكرتكم ....تذكرت خواتي اللي بالمنتدى اللي يمكن بيني وبينهن آلاف الكيلومترات واللي ما اعرف اسمائهن ولا أشكالهن بس يشهد الله اني أحبهن من كل قلبي والله اني دعيت بيني وبين نفسي وقتها ان الله لايحرمني منكم وبعدين ضحكت على نفسي لاني ادعي هالدعاء وانا لا اعرفكم ولا تعرفوني الا من خلال المنتدى ...
ماعلينا....
أنا زي ماقلت لكم قبل كذا افكاري ملخبطة وكلماتي متداخلة من الدوشه اللي في دماغي

وبالنسبة للي يسألون فيه حمل ولاّ لأ... أقول للأسف مافيه لأن الدورة من يوم الثلاثاء نازلة بس خفيفه جدا جدا جدا لدرجة -أكرمكم الله ما أستخدم فوطة ولا أروح دورة المياه أصلا وكل يوم كدرة بسيطة جدا جدا واليوم بدأت تنزل قليلة مع آلام بسيطة وعمرها ماسوت فيني كذا يمكن مع التنشيط وصبعا مافي حمل زي ماقلت لأني يوم الثلاثاء بالليل رحت سويت تحليل دم عادي وطلع مافيه حمل
أما تحليل الدم الرقمي اللي يقولون عنه البنات فلمن سألت عنه قالوا قيمته150ريال ومايطلع الاّثاني يوم بعد الظهر فتركته ,تدرو ن اني من زود الامل اللي فيني قاعده أحلم أقول يمكنحامل وهالدورة بسيطة أنه أول شهر ولماّ أتذكر تحليل الدم اللي سويته اصحى من أحلامي
والله انا محتارة أكمل هالشهر تنشيط مع الطبيبه أو أتركها
انتوا ايش رايكم والله انا تعبت من التفكير في كل شي
أحس اني لو استمريت معها 20شهر راح تكون النتيجة هيه هيه ماهناك فرق

أكرر شكري ودعواتي لكم جميعا ويكفيني من هالدنيا كلها اني لقيت قلوب تشيل الهم معاي
الله يلهمني ويلهمكم الصبر والقوة .....حتى الاطفال ما أحس ان باقي لي رغبة فيهم كل الاشياء صارت تتشابه ماعاد لشي طعم أو ذوق

واللي قالوا جاملي زوجك أقول حاولت لكن ماني قادرة أجامله يعني بصراحة عابسة في وجهه طول الوقت غصبا عني كل ما اشوفه اتخيله مع الجديدة جالس أتخيله معها عالسفرة أتخيله داخل من عندها جاي لي أتخيلها تتصل عليه ...أحس الغيرة تاكلني وهو بعد ماجابها لبيته...ويمكن تلوموني بس كل هالافكار مالي قدرة اني اشيلها من فكري

بالله دعوااااااااااااااتكم بظهر الغيب ان الله يحقق لي اللي ببالي
تروا الدعاء بظهر الغيب مستجاب

الله يفرجها عليك ويرزقك
"اللهم صل على محمد وعلى آل محمد كما صليت على إبراهيم وعلى آل إبراهيم إنك حميد مجيد . اللهم بارك على محمد وعلى آل محمد كما باركت على إبراهيم وعلى آل إبراهيم إنك حميد مجيد ".

يارب ياكريم يامنان ياعليم
ياسميع يامجيب
اسئلك بكل اسم سميت به نفسك او انزلته على احد من خلقك اللهم اني ادعوك باسمك الاعظم الذي اذا دعيت به اجبت
واذا استرحمت به رحمت ان ترزق اختي المولود الصالح عاجلا غير اجل وا تفرج لها همها وتيسر لها امرها

والله حالي مثل حالك واردى ....بس مالنا الا الصبر

تعرفي وش يصبرني اكثر ان هذه الدنياء طريق ونمشيه

والعيشه والهناء بالاخره في جناة الخلد ربنا يعوضنا