هذي قصتي وأبغى الحل بليييييييييييييييييييييييييييي ز

السلام عليكم ورحمة الله وبركاته

أنا اول مرة أشارك معاكم في هذا القسم بس اليوم عندي مشكلة وحابه انكم تساعدوني فيها بليييييييييييييييز بنات

إليكم قصتي
أنا متزوجة لي خمس سنوات طبعا أول ما تزوجت كانت حياتي مرة حلوة وبعدها صارت المشاكل تتحذف علي من كل جهة
المهم مشكلتي مو هنا مشكلتي بدت لما جاء زوجي وقال انه أخوه يبغى يتزوج ويبغاني أخطب له بحكم أنه حماتي ما هي موجودة بعيدة عنهم وما تقدر تجي ورحت خطبت له وأول شرط من أخو زوجي أنه يسكنه عندنا ووافقوا أهلها بس بعد سنة يسوي لها بيت ووافق على كلمهم المهم تم الزواج وقعدنا 6شهور والوضع كله تمام لين أنا لاحظت أنه زوجي بداء يتغير علي وأخو زوجتي صار دايم يتخاصم مع زوجته أنا بديت اتضايق وخصوصا أنا السنة مرة ولا سوي لها بيت ولا حتى كان يدفع ريال واحد في البيت بحجة أنه هذا مو بيته وحتى زوجته صارت تسوي مشاكل ولا تسوي شي حتى لو الكأسه تحته شاتته برجلها ومشيت في خلال السنة هذي ربي رزقني بولد وهي ببنت وصارت ما تنزل من غرفتها إلا بس تغرف الاكل وتروح غرفتها بس حتى لما ما يكون فيه مويه للشرب ما همه ولا تسأل بس تنزل من غرفتها تسأل اش الغداء أو العشاء أنا ضاقت فيني الدنيا وما ني حابه اشتكي لأهلي وكل ما جيت اشتكي لزوجي يقولي طنشي ومهم كان هذا أخوي الكبير واطنش لين أنا طفشت ما عاد قدرت اتحمل صرت المح لها متى بتطلعون من البيت خلاص مرت عليكم سنتين كانت تقولي أنا مرة مرتاحه وزوجها كان يقول لزوجي أنه زوجته متضايقة وهو مرة مرتاح قمت من كثر الطفش صرت أروح أنا وأخو أدور على شقة لين مالقيت شقة وجيت قلت لها ترى أنا حصلت لك شقة خذيه والحمدلله طلعت بس ياليت طلعت باحترامها طلعت وسببت لي مشاكل ما لها أول ولا آخر ومن ضمنها افترت علي أني أنا فتشت أغراضها قبل ما تطلع وأني فتشت محفظتها وسرقتها وأني سبيتها وشتمتها وأنا والله العظيم ما كلمتها ولا قلت لها شي بالعكس كنت أقولها تبغيني أساعدك ناقصك شي خذيه هذا جزائي
الحين لها 4شهور من طلعت وزوجها شغال في الفيس بوك بسب علي ويلعني ويقول علي أني خرابت بيوت وأني سرقت ذهب زوجته (مع العلم أنها هي باعته) ويقول عني ق....ما يحتاج أقولها أنتم عارفينها قام زوجي كلمها وعلى طول حلف ببنته قام قاله زوجي أنت من طريق وأنا من طريق ولا أعرفك ولا تعرفني يوم جاء زوجي قالي أنه حلف ببنته قلت له (يالله يارب على قد ما بكاني يبكي على بنته أضعاف مضاعفه )
طبعا بتقولون ليش ما كلمتي أهلها أنا بقولكم في بداية المشكلة كلمتني أخته وقلت لها أختك غلطانه وأنا ماسويت لها شي ولما قريت الرسايل في الفيس بوك حاولت اتصل على أهلها لكن ما حد رضي يرد علي ولما اتصلت على زوجته أخوها وكلمتهم قالوا لها محنا مكلمينها يابنات أبغى حل المشكلة كل يوم تكبر وزوجها حاطني شماعه يعلق فيها مشاكله

بليييييييييييييز اللي عندها حل ترد علي واللي عندها شي ثاني لا تزيد علي