بنات قولكم قصتي وابي مشورتكم
قبل اربع شهور بالتحديد في نهاية شعبان انا ساكنين في دور علوي البيت له اكثر من عشر سنوات طاح سقف غرفة الشغالة وفي نفس الوقت الحديد حق الدرج متاكل ومصدي وحتى صاير بينه وبين الدرج فراغ حتى اخاف على عيالي انهم يطيحوم منه او ان الحديد يطيح عليهم
المهم يوم طاح السقف رحت لاهلي وقلت لزوجي مستحيل ارجع دور لنا بيت ثاني لان هذا اجار ما فيه اي شي يحدنا نجلس فيه وهو كذا دور دور مالقى طبعا على كلامه ماني متاكده منه قلت خلاص برجع بس قبل تسوي ترميم للبيت كله وانا عارفه ظروفه بيقدر عليها صح راح يكون فيه ضغط شوي بس الله يعين كلم راعي البيت قال خلاص انا بصلحه وقبل رمضان بيومين جاب راعي البيت الادوات وقال بيجون العمال ولا شفنا العمال الا ثاني اسبوع من شوال وجلسوا يصلحون فيه اسبوعين
يوم خلصوا وقلت لزوجي علشان نصلح بوية وارضيات قال طيب وبعد اسبوع قلت له وش صار قال خلاص بدور مكان ثاني ماراح احط فلوسي في بيت اجار لا بدور دور ثاني
المهم يابنات لين الحين وانا على هالحاله انا عند اهلي وهو في البيت
صح يدور بس مو مرة ومرة بس الي رحت وشفنا فيها فلة بس ماصلحت
والحين مأدري وش اسوي اقوله ارجع وبس حتى لو ماصلح بويات ولا شي ولا استنى شوي نفسيتي كلما لها وتصير اسوى وحتى العيال يقولون ماما مازان بيتنا مع ان علاقتي فيه ممتازه وكل يوم اكلمه وتقريبا كل ثلاثة ايام يجي بس ماادري خائفه احسه مو حريص على رجعتنا مع انه دايم يقول ودي اني القى بيت يجمعنا وهالكلام ومحتارة بين كلامه وبين افعاله
ام عبودي ودحومي @am_aabody_odhomy_1
عضوة فعالة
يلزم عليك تسجيل الدخول أولًا لكتابة تعليق.
مدري والله ...لكن الله يسهل عليكم وتلاقون سكن ...وحرام يحط فلووسه بأجار ...يعني يصبغ ويعدل من فلوسه لو بيخصمها راعي البيت من الاجار حلو لكن زياده لالا
اصبري ياقلبي الله معك
اخاف لا رجعتي لاعاد تشوفين بيت ثاني ولا ترميم
تقعد الشقه كذا بدون شي
وترين الرجال كذا طبعهم ثقال
اهم شي احسني الظن
والله ييسر امركم
اخاف لا رجعتي لاعاد تشوفين بيت ثاني ولا ترميم
تقعد الشقه كذا بدون شي
وترين الرجال كذا طبعهم ثقال
اهم شي احسني الظن
والله ييسر امركم
الصفحة الأخيرة
سبحان الله والحمدالله والا اله الا الله والله اكبر