هذي قصتي ومعاناتي واحكموا

يسعد اوقاتكم
انا عانيت كثير بحياتي
في صغري من قسوة ابوي وتزويجه لي مبكر
تزوجت المره الأولى وانا عمري ١٦ ومات زوجي كان شايب
والحمدلله ماحملت
ورجعت لبيت اهلي وذقت الضغط النفسي وماكان لي مكان انام فيه الا بالصالة
وجلست اكثر من عشر سنوات تزوجت واحد مطلق وكان جدا سيئ شديد وبخيل
وجبت ولدين
وعشت معاه خمس سنوات وتطلقت
ورجعت لأهلي وخلال هالفتره كان قد توفي ابوي
وامي ماتت من خمس سنوات وتركت لي اخت مريضة بالقلب الله يعافيها عمرها ١٧
ظروفي المادية صعبه جدا
واثنين من اخواني موظفين ساكنين معاي لكن ماتزوجوا للان واحد بس خطب
وطبعا والله مايساعدوني بريال
المهم تقدم لي شخص كويس صح متزوج لكن ميسور وسمعته زينه وكان قصده زواج عادي وراضي باولادي واختي
لكن اخواني حلفوا ان اختي ماتطلع معي
انا مستحيل اخليها اخاف عليها
المهم الرجال بعدما شفنا بعض وافقنا ع بعض انا رجعت أرفض بسبب خوفي حرماني من اختي


وبعدين عرض علي نتملك بموافقة احد اخواني الين تتعدل ظروفي
وفعلا تملكت بوجود واحد من اخواني هو طيب ووقف معي
والباقيين خبيت عنهم خفت ينتقمون بحراني من اختي
ففكرت أزوجهم وبعدما يروحون لحياتهم اواجههم واروح مع زوجي


صار لي متملكه ٦ شهور
قبل شهرين بدأ زوجي يقول انا محروم منك وانتي زوجتي ومن حقي اخذ حقوقي الشرعية منك
وصار يزن الين ماصرت تقريبا كل أسبوع اروح معاه فندق وارجع
وهو مو مقصر معاي مصروف وحاب لي سواق وسيارة المهم حياتي تغيرت بوجوده وعدم الإعلان بسببي انا
وللان كويس
لكن اخاف بعدين يعجبه الوضع وماعاد يعلن
مع انه يقولي دايم انا رهن اشارتك متى ماتبين نعلن واجيب لك شقة انا مستعد
هو عمره ٥٢
وانا عمري ٤١


و ارجوكم من دون تهجم
انا ماسويت هالشي الا من حاجتي احيانا ننام من دون اكل


وماكملت تعليمي ومافي وظايف