هذي قصتي وولدي البعيد عنيّ!!!!!!!!!!!!ياامهات اش رايكم00

السلام عليكم ورحمة الله وبركاته000
الله يجزاكم الجنه000يعلم الله اني بحاله لايعلمها الا خالق السموات والارض بس الحمد لله على كل شئ000
وهذي قصتي من البدايه00
كتبت في المنتدى عن مشاكلي مع زوجي واهله ولكن هذي المره خلاص ماعاد الانسان يقدر يتحمل00اسالك بالله لكل عضو يقرا موضوعي ويكون بموقفي اش راح يسوي000
طبعا قبل فتره كتبت لكم اني تهاوشت مع زوجي ونويت اروح لبيت اهلي بس قلت اجلس عشان ولدي00وجلست وانا اسمع اهله يسبون في اهلي واسكت والمشكله ان زوجي يشاركهم الحديث وسكت طبعا هم زعلانين عشان اخوي وزوجته اللي هي بنتهم اخوي مطنشها وحاطين الحره والقهر كلها فيني00 وقبل اسبوع زوجي قاعد يحن على راسي ويقول سوي قهوه واطلعي لاهلي واعتذري منهم وسلمي على راس امي لانك انتي الغلطان لانهم سمعوكي اخر مره لما تهاوشنا تسبين فيهم00تحملت وكنت ماابي اقوله لا000ولا ابي مشاكل واحاول اغير الموضوع ماخليت شئ الا سويته طبعا دقوا علي وظيفه قدمت فيها وقالولي تجين ولما صار هذ الامر وهو يقول اهلي ماراح يمسكون الولد اهلي واهلي00واعذار واهيه المهم بالاخير اني وقال لي يالله تطلعين لبيت اهلي عشان تعتذرين قلت لا اسفه ماني بطالعه ولاني معتذره من احد ولا اشوف اني غلطت على احد00طبعا وش كثر اللي سووه فيه لكن ربي فوق كل شئ00المهم لما قلت له مان رايحه قال يالله جيبي من الذهب حققك نبيعه ونجيب شغاله للولد ونصير نطلعه بالشغاله لاهلي قلت لاياحبيبي ذهبي مالك حق فيه واذا ابي اعطي بكيفي طبعا زوجي مبسوط بس خسر بالاسهم قلت له بعدين خلاص انا باكلم اهلي وبيجيبون لي شغاله وسواق علشان يوديني لوظيفتي قال اي مثل المره الاولى لما اهلك جابوا شغاله لبيتي وانا ماابيها00طبعا انا اخذته وانا ادرس ومره من الايام رموا اغراض ولدي لانهم زعلوا من ولدهم وكان اليوم الثاني امتحان لي والقسم اللي انا فيه موووت ويبيله مجهوود وكلمت امي وقلت لها اللي حصل قالت امي لازم تروحين امتحانك مهما حصل وبالفعل وبعد هذا الموقف اهاي قالولي انا بنجيب لك شغاله وابي قال له قال خلاص نبيها00وهالحين يقول لي اهلك دخلوها من دون رضاي00عفوا ابرجع لاساس المشكله00
بعدين قلت له يااخي دق على ابوي وقول له هالكلام رجال ويعرف يرد عليك المهم قال ابوك واخوانك مافيهم خير تخيلوا ابوي الكل يمدح باخلاقه مااحد يعرفه الايذكره بالخير والله العظيم هذي الحقيقه ولا ازود عشانه ابوي واخواتك كل وحده سبها وماخلى عليها شئ الا قاله حتى اخوي اللي مااخذ اخته يعلم الله انه قذفه في عرضه وطعن برجولته 00المهم انا ماسكت له خاصه لما سب ابوي واخواني وبالاخير قلت له ودني لبيت ابوي وكلمه ابوي بعد ماكلمته وقال لا ماني براسلها تبونها تعالوا خذوها قال ابوي اخوها بيجي ياخذها قال ابنادي الشرطه؟؟؟؟؟؟؟؟؟؟؟؟؟؟؟شوفوا ياعالم الظلم000
المهم بعد وقت طويل جاء اخوي ورحت معاه وقبل لااخرج من بيته تخيلوا اخذ الولد وقال والله لاحرق قلبك عليه ولاهي الاولى سبق وسواها واخذ الولد وياليت على كذا وبس الا اخذ كرت العائله كلمه اخوي وقال له يااخي الرجال اذا زعل من زوجته يوديها هي ووعياله لبيت اهلها وانت تاخذ الولد وزين ان اخوي ماعرف الا بعدين انه اخذ كرت العائله لانه كان صار شئ0000
المهم انا هالحين ببيت ابوي والظالم اخذ ولدي00واخذ كرت العائله000وهذي السالفه كلها 00
لاتقولون لي انتي تسرعتي وخرجتي 00بالعكس اشوف انه الصح والمفروض اللي كان يصير من زمان خاصه لما يسب ابوي000
وهالحين انا بمدينه وولدي بمكان!!!!!!!!!!!!!!!!!!!
وكرت العائله!!!!!!!!!!!!!!!!!!!!!
والوظيفه وش اسوي فيه!!!!!!!!!!!!!!!
الله يسعدكم لاتبخلون علي بمشورتكم واتمني ان كل وحده تحط نفسها بمكان اش راح تسوي 000
يعلم الله ان اهلي شايليني شيل ولا هم محسسيني بشئ ويسولفون ويحاولون يسلوني00
بس وين ولدي!!!!!!!!!!!!!!!!!!!!!!!!!!!!!!!
ليش كل هالظلم ليش عشان المراه ضعيفه00
الله ينتقم من الظالم 00يارب انصرني على كل من ظلمني0000
بالاخير يعلم الله اني مالي نفس حتى اتكلم بس كتبت لكم المشكله لانكم طلبتوني واسفه على رداة الاسلوب بس يعلم الله ان كل حرف انكتب بونه من صدري وبدمعه من عيني000
تخيلوا وربي يعلم كل ماسمعت احد يبكي اجسه صوت ولدي واشوفه بالنا كلهم000
زوجي ضعيف شخصيه قدام اهله ولا ربي يعلم اني صابره وشايله بيته وولده واهتمام بنفسي اكثر من رائع00واسفه احس ان لا استطيع ان اكمل000