يواسيني وأنا الميت وحالي يجبر الدمعات
تسيل من الذي فيني ويبكي وهو يواسيني
وأنا ابكي وأتنهد وارسم بالحزن لوحات
يجبروني عشان امشي ورجلي ما تمشيني
قتلت رعايتي بيدي قتلت الحب والرحمات
حرمت النفس من حقها وأنا ابكيها وتبكيني
وكنه حلم قدامي يقيدني من الصرخات
أبي اصحي ولكني عجزت ألقى أل يصحيني
فداك القلب يا يمه ومهما قلت من كلمات
صغيره في كبر حقك بس أتمنى تعذريني
نهبت الفرح من بيتي صحيح أني خسيس ألذات
صحيح أني ولد طايش وكل ما أسمعه فيني
تجول عيونهم فيني تفصل مني قياسات
وتشيح وجوههم عني وكني غيرت ديني
يظنوا حزنهم اكبر وهم أصحاب المأساة
وأنا اتحدي إذا فيهم ربع ما يحترق فيني
نقص قدري بعد موتك وغابت نشوة اللذات
وصار الهم عكازي ابكيه ويبكيني
عطي تيني بدون حساب ولا سمعتك تقولي هات
وأنا اشرب حيل من دمك ودمك ما يكفيني
يا يمه ارجعي كافي ابجلس معك لو لحظات
واقبل أيدك ورجلك وافرش لك رمش عيني
يا يمه ما تحملهم يقولوا فات ما قد مات
تعالي غيري ها لقول وأطيعك باقي سنيني
واترك عادة التدخين وأنفذ ما تبي بسكات
واصلي الفجر في المسجد قبل منتي تصحيني
يا يمه ارجعي تكفين وطفي شمعة الآهات
أبيك أنتي ولا غيرك على موتك تعزيني
وضميني وداويني مثل ما كانت الهقوات
ما أبي أحدن يواسيني أبيك أنتي تواسيني
دخيلك بس لا تبكي إذا شفتي بي الدمعات
أنا مقوي أبكيك إذا أنتي تبكيني
سلم لسان من قالها
قصيدة حزينة بالحيل
تحيـــاتي
أختكم فدوش
فدوش @fdosh
عضوة جديدة
يلزم عليك تسجيل الدخول أولًا لكتابة تعليق.
ام الملفات
•
رووووووعه مره وتحزن الله يخلي لنا امهاتنا ولا نفقدهم
الصفحة الأخيرة