هذي قصيده عن اغلى الناس (((( امي))))

اليوم منزلكم قصيدة من الأرشيف من أقدم ما كتبت (اعتقد إنها أول قصيدة كاملة أكتبها).., تقريبا لها ثلاث سنين أو أكثر.. أول ما جيت الرياض..,

أكيد كل إنسان بهالدنيا أغلى ما عنده أمه..,هي اللي تساوي الدنيا كلها وتبذل الغالي والنفيس عشان خاطرها.., وأكيد لا غبت أو سافرت أول ما يجي بخاطرك هي وتشتاقلها واليوم في بعدها سنة.., مهما عبرت وشرحت ما راح أوصل لمقدار غلاها ومنزلتها.

وأكثر من يشتاق لأمه هو اللي بعيد عنها أو مسافر.., سواء لدراسة أو وظيفة أو أي سبب آخر, وأنا أهدي القصيدة لأمي أولاً لأن القصيدة أصلاً لها..وإلى كل أم بعيد عنها ولدها أهديلها أبيات القصيدة على لسان ولدها...,







تدرين يا يمـًه عن أحوال مغليـك..!؟
الحال من بعد الفرح صار ماشي


اجلس مع العربان واسمع حكاويك
أضحك وانا في داخلي جرح دامي


كل ما سهيت الليل جتني طواريك
أنام وشوقي داخل القلب صاحي


اهذي لحالي دوم واصرخ واناديك
وابكي ليا من شفت نفسي لحالي


حتى الحلم بالنوم عيًا يجي فيك..!!
فقدت صوتن كان ينعش حياتي


ودي اكون الحين جنبك واسليك
نضحك وناخد بالحكي كل طاري


اثر المحبة نار والشوق يكويك
تترك جمر في داخل القلب حامي


مرة تجي برضاك ومرة تبكيك
ومرة تقول اختار يا أنت ياهي


الحين انا مشتاق والحين انا ابيك
والحين ابي ارتاح من حر مابي


ودي اجي مشتاق وامسك بياديك
واطلق عيوني فيك والقلب هادي


مشاعري يا اسود العين تنخيك
تبغى حضن من بين الاحضان دافي


في دفوته ارتاح واسمع غناويك
تسكت وانا باعطيك بالشعر زادي


يغرف خفوقي من هواالحب واسقيك
عذب المشاعر واترك القلب ضامي


في داخلي احساس ودي يجي فيك..!
حبك وحبي دوم في القلب ساري


اخسر جميع الناس واكسب معاليك
يا عزوتي في الضيق ويا راس مالي


كل الوصوف الطيبة تجتمع فيك
صعب الوفى فيك والوقت قاسي


واخر كلامي بادعي الله يحميك
يارب يا مولى له الحمد وافي


يا واحد كل المخاليق ترجيك
يا واحد معبود من غير ثاني


ارفع يديني للسما فوق وادعيك
احفظ حبيب الروح من كل باسي


تدرين يا <يمه> عن احوال مغليك
او يا ترى للحين اهذي لحالي..!؟



وسلامتـــكم...






منقووووول للامانه