هذي قصيده للعتيبي وهو يرثي حال بعض المسلمين

بــــســــم الله الــرحـــمـــن الــرحـــيـــم


وددت ان اشارك معكم بهذه القصيده التي تعبر عن بعض احوال المجتمع


لعل الله يصلح بها احوال بعض الرجال التي ماتت في قلوبهـم الغيـرة على محارمهم

يالله ياعالم بما كان ويكون==والكون كونته على جل تكوين
يامخرج من ظلمه الحوت ذنون==وانزلت سوره يوسف و نوح والتين
واغرقت في غب البحر قوم فرعون==وانجيت موسى من دعاه الشياطين
نسألك تثبت من بالصلاح يسعون==نسألك تهدي ناس كثار غاوين
من بعد هذا ياهل العرف تكفون==اشوف شين شيب الراس والعين
بعض الرجال لحرمته صار مرهون==من حيث ما تامر به يقول ماشين
قالت نبي موتر بالنوع صالون==جديد توه من موديل الفين
اخر موديل طلعه مع تليفون==وتجيب سايق من ولايات بكين
ابي سايق عندي بشرط مزيون==وتراه يرجع ان طلع مظهره شين
واريد من فضلك تكرم ومنون==تجيب دش ليتك تركب اثنين
نبي نشوف مع البشر مايشوفون==ونشاهد افلام على الشاشه تبين
وقام يتنافض كانه مصاب بجنون==قال ابشري يجيلس اللي تريدين
كانه لها في داخل البيت جرسون==يجيب ماتطلب وتبغى في حين
من اجلها تحمل اسلاف وديون==من خوف تزعل قره الراس والعين
شرالها موتر وسواقها جون==جابه حسب طلبها بعد يومين
نقالها واحد عن الشين مضمون==حسب طلبها سايق كامل الزين
وسيم شكله وناعم احيمر اللون==لافيه لاذمه ولاخوف لادين
معه وحدها لبغو درب يسرون==وابليس ثالثهم مع الدرب ياحسين
افتنت به وهو فيها بعد صار مفتون==وتبادلو سوالف العشق واللين
والزوج كانه ثور بالشبك مسجون==لاناشد عنها ولاقايل وين
ماهمته لو خارج الدار يمسون ==ولا همته لو لفت يسار ويمين
قلبه من الغيره غسل له بصابون==معاد به غيره على العرض والدين
ودي بشعار بما قلت يوحون==ويشاركون بنظم الاشعار عجلين
في حل دعوا تبكي قلوب عيون==تبكي عيون اللي على الدين حرصين
ماغرد الغمري بتقطراف والحون==وصلوا على اللي بين الدين تبين

جزا الله خيرا صاحب هذه القصيده
واتمنى ان يكون لها وقعا في قلوب المسلمين