شخباركم بنات شلونكم وكل عام وانتم بخير
انا عضوه يديده و واتمنى اني اكون عضوه خفيفه على قلبكم والله يابنات انا من زمااااااااااااااااااااااااااااااااان اتابعكم بس ماعندي وقت اني اشارك بس عزمت اني اشارك وياكم :icon28: شفتوا شلون انا احبكم والله يشهد سبحانه والله لايحرمنا منكم يارب
ما اطول عليكم بما انها مشاركتي الاولى اتمنى تعجبكم وصراحه هذا طبق لازم نسويه بالبيت متعودين عليه ومانمل منه اتمنى يعجبكم انا سميته قوارب البطاطه المهروسه بالخضروات
واليكم المقادير
عدد بصله كبير مفرومه فرم ناعم+ شويه ثوم مهروس
علبة فطر
علبة ذره
جزر وكرنب مبشور
علبة قشطه او قيمر كما هو في الصوره + اثنين حبة جبن كيري
علبة كريما حمرا
وبطاط المهروس( طبعا تقشرين البطاط وتخلينه ينسلق مع الماي لمه تحسين انه صار اوكي تهرسينه بالشةكه او مال الثوم الهاون وتظيفين القليل من الحليب والملح والفلفل اسود عشان يلين البطاط )
الطريقه
1-اول شي تحطين جدر وتحطين فيه زيت وبعدين البصل وتقلبنه ومن ثم الثوم وبعدين الفطر (المشروم) وتحمسين لمدة خمس الى عشر دقايق وتطين ملح وبهاراتج اللي تبين انا عن روحي احط ملح وفلفل اسود وكزبره وشوي كاري وكركم
2- بعدين تظيفين الذره للخلطه ونقلب لمدة دقيقتين
3- بعدين تظيفين الكرنب والجزر المبشوووور وتقلبين وديروا بالكم النار مو عاليه وسط
4- نظيف القيمر= ( القشطه) + الجبن كيري على الخليط ونظل نقلب لمه يتجانس
تقلبين لمه يختلطون ويا بعض بعدين تظيفين الكريمه الحمرا
بجذي خلصة الخلطه السريعه مايبيلها شي كلش
ناخذ بايركس او اي اي صحن يدش الفرن ونحط فيه خلطتنااا ونحط فوقه البطاط المهروس بالشكل الأتي ممكن تحطينه فوق بحيث تصكرين على الصلصه وتقدرين تكورينه اذا تبين تكورينه لاتحطين حليب ويا البطاط لمه ينحرس لانه راح يتلصق انا حطيت حليب ولصق وخذيته بالقفشه( المعلقه) وحطيته يم بعض بالطريقه التاليه
وهالصوره شكله من بعيد
عقب ماتصفينه تقدرين تحطين جبن مازارولا عشان تسيح بس للأسف ماكان عندي حطيته بالفرن بس اشغل اللي تحت ونار هاديه لمدة عشر دقايق الى ربع ساعه مو اكثر
وهذا الصحن مني لكم هدددددددددددديه عليكم بالعافيه
وان شاء الله عجبتكم الطبخه :27:
اتمنى الاقي منكم تشجيع يابنات ترى انا داشه بعنف يعني من اول موضوع مصوره كل شي :39:
انشوفكم على خير واي سؤال انا حاظره اذا كان شي مو واضح لا تستحون لا يردكم الا لسانكم فديتكم انشوفكم على خير باي حبيباتي
نورتي المنتدى
يالله حيه
مشكووووووووووووووووره عالطبق الاكثر من رائع