هذي مشكلتي

شخباركم يا اعضاء المنتدى جميعا
بصراحة ماني عارفة شقول لان نفسيتي متحطمة وفيني بلاوي الدنيا وفي كل قسم اكتب المشكلة اللي تناسبها وفي هذا القسم اليوم حبيت اني اعرض مشكلتى وارجو منكم انكم تساعدوني وتسمعوني ولا اتطنشوني
المهم اني بصراحة اول ما تزوجت حملت بعد اسبوعين وكنت اعاني من مشاكل وية زوجي وكانت حالتي النفسية تعبانة من هذا الشئ في حملي وعلى طول افكر. في الشهر السابع لي كان لي موعد مع الدكتورة وقالت لي ضغطج مرتفع وايد وايد وايد وراح انحولك على المستشفى الخاص للعناية بالحامل عشان اتابعين وياهم على طول وكنت من ذاك اليوم كان ملازم فيني الضغط وكنت استخدم حبوب الضغط منذ شهري السابع وكنت اتابع ضغطي يوميا في المستشفى والدكتوره عطتني موعد ولادتى في 07/09 واني من اول ما دخلت الثامن رقدوني في المستشفى وقالوا لي راح انحط عليج ضغط صناعي احسن وفي اقرب وقت وخوفوني المهم كان طول المدة خايفة وماني عارفة ويش اسوي لان بيت امي كانوا مسافرين وما في الا زوجي وياي ومو عارفة ويش اسوي لان هذا كان حملي الاولي لحد ما ترخصت يوم من الايام من المستشفى اللي اني فية وقلت اتاكد من دكتوره اخصائية عشان اطمني على وضعيت الجنين وقالت كل شي طبيعي فيك بس من الاحسن انك توافقين على الطلق الصناعي ورحت مباشره بعد ذلك الى المستشفى وفي اليوم الثاني بعد الطحنة علي من الدكاترة كلهم قلت لهم موافقة وحطوا لي في 21/08 وولدت في اليوم الثاني بعد معاناة وتعب كلش المهم عقب ما ولدت عملوا ليه شق ايضا اثناء الولادة وبعدين دخل ابوية الى عندي واني كنت وايد تعبانة ونادى الممرضات وقال لهم ايش صايرغرفة العمليات مليانة دم وجوا الدكاترة كلهم واكتشفوا بعد ذلك باني اعاني من نزيف داخلي وما كانوا يدرون وفتحوا لخياط وعملوا البلاوي فيني في ديك اللحظة المزعجة ودمي نشف بالمرة وحطوا علية دم بعد ان تبرع خالي لي والحمد لله شوي صرت احسن لكني كنت اعاني من الام مزعجة والتهابات دائمة وجوفوا دكاترتنة اشلون ما يفهمون شي وصلوني لمرحلة الموت والسبب خطاهم
المهم ولدت وكبر ولدي لكني ولدت بولد اذا سمعتوا عن الاولاد زائدو النشاط ما يقعد ولا دقيقة واحدة وتعبت معاه لدرجة ما تتصورووووووون والى الحين وراح يكمل الثلاث سنوات في شهر ثمانية ان شاء الله وما اقول الا الحمد لله على كل شي
المهم اني كتبت لكم مشكلتي لاني افكر اني احمل لكن زوجي مو راضى ايخاف اني ارد اعاني من هالمشاكل من جديد وخصوصا وان ولدي بعد من الاطفال اللي ما يقعدون وهادي ابكبرها مشكلة

المهم ابيكم اتساعدوني عشان ما اقع في بلاوي الضغط مرة ثانية وتعطوني الحل ويش رايكم هل احمل والا لا واشلون احافظ على جنيني وان ما يصير من ذوي النشاط الزائد وليش صار ولدي من هالنوع اصلا
ابيكم تعطوني نظام غذائي من قبل ما احمل الين الحمل
وبصراحة اني في حملي صرت اخرع واتغيرت وايد وايد ويش الطريقة اللي تخلى الوجة ما يتغير ولا ينتفخ